ജി.സി.സി-യു.എസ്​. ഉച്ചകോടിയെ  ഹമദ് രാജാവ് അഭിസംബോധന ചെയ്തു 

മനാമ: അറബ് മേഖലയുടെ സുരക്ഷയും സമാധാനവും ഉറപ്പുവരുത്താൻ വിവിധ രാജ്യങ്ങളുമായുള്ള സഹകരണം അനിവാര്യമാണെന്ന് രാജാവ് ഹമദ് ബിന്‍ ഈസ ആല്‍ ഖലീഫ വ്യക്തമാക്കി. കഴിഞ്ഞ ദിവസം റിയാദില്‍ ചേര്‍ന്ന ജി.സി.സി-യു.എസ്​ സംയുക്ത ഉച്ചകോടിയെ അഭിസംബോധന ചെയ്ത് സംസാരിക്കുകയായിരുന്നു അദ്ദേഹം. ഉച്ചകോടിക്ക് വേദിയൊരുക്കിയ സൗദി ഭരണാധികാരി സല്‍മാന്‍ രാജാവിന് അഭിവാദ്യങ്ങള്‍ അർപ്പിച്ച അദ്ദേഹം മേഖലയില്‍ സമാധാനം സ്ഥാപിക്കുന്നതിനുള്ള ശ്രമങ്ങള്‍ക്ക് ശക്തമായ പിന്തുണ അറിയിച്ചു.

അറബ്-ഇസ്‌ലാമിക രാജ്യങ്ങളും അമേരിക്കയുമായി കാലങ്ങളായി നിലനില്‍ക്കുന്ന ബന്ധവും വിവിധ മേഖലകളിലെ സഹകരണവും അനുസ്മരിച്ച അദ്ദേഹം ലോക സമാധാനത്തിന് വേണ്ടി എല്ലാവരും ഒരുമിക്കേണ്ടതി​​െൻറ ആവശ്യകത ഉൗന്നിപ്പറഞ്ഞു. ലോകത്ത് ഭീഷണിയുയത്തുന്ന തീവ്രവാദം ചെറുക്കുന്നതിന് സാധ്യമായ എല്ലാ സഹകരണവും വിവിധ രാജ്യങ്ങള്‍ തമ്മിലുണ്ടാകേണ്ടത് അനിവാര്യമാണ്​. സമൂഹങ്ങളെ ഛിന്നഭിന്നമാക്കുന്ന ഭീകര പ്രവര്‍ത്തനങ്ങള്‍ക്കെതിരെ ഒറ്റക്കെട്ടായി നിലകൊള്ളണം. എല്ലാ വിഭാഗം ജനങ്ങളും ഒത്തൊരുമയോടെ കഴിയുന്ന ലോകം വിഭാവന ചെയ്യുകയും അതിനുള്ള ശ്രമങ്ങള്‍ ശക്തമാക്കുകയും വേണം. രാഷ്​ട്രങ്ങള്‍ക്ക് ഭീഷണി ഉയര്‍ത്തുന്ന ഭീകരത​ നേരിടുന്നതിന്​ പരസ്പര സഹകരണത്തി​​െൻറ വഴികള്‍ തേടേണ്ടതുണ്ട്.

ആഗോള തലത്തിലുള്ള പ്രശ്​നങ്ങൾ മനസിലാക്കാനും അവ പരിഹരിക്കാനും കൂട്ടായ്​മയിലൂടെ സാധിക്കുമെന്ന്​ അദ്ദേഹം അഭിപ്രായപ്പെട്ടു. ഇസ്‌ലാമിക രാ​ഷ്​ട്രങ്ങളുമായുള്ള തുറന്ന സൗഹൃദത്തിലൂടെ മേഖലക്ക് ശക്തി പകരാൻ അമേരിക്കക്ക് കഴിയും. തീവ്രവാദ സംഘടനകൾക്കെതിരെ ഉറച്ച നിലപാടുമായി മുന്നോട്ട് പോകാനും സമാധാനത്തിന്​ വിഘാതമാകുന്നവരെ ഒറ്റപ്പെടുത്താനും സാധിക്കണമെന്ന്​ അദ്ദേഹം കൂട്ടിച്ചേര്‍ത്തു. 

ഉച്ചകോടിക്കിടെ ഹമദ്​ രാജാവ്​ യു.എസ്​.പ്രസിഡൻറ്​ ഡൊണാൾഡ്​ ട്രംപുമായി കൂടിക്കാഴ്​ച നടത്തി. കിരീടാവകാശിയും ഒന്നാം ഉപപ്രധാനമന്ത്രിയുമായ പ്രിൻസ്​ സൽമാൻ ബിൻ ഹമദ്​ ആൽ ഖലീഫയും സന്നിഹിതനായിരുന്നു. ബഹ്​റൈനുമായി അമേരിക്കക്ക്​ ഉൗഷ്​മള ബന്ധമാണുള്ളതെന്നും എല്ലാ പ്രശ്​നങ്ങളും പരിഹരിച്ച്​ ത​​െൻറ ഭരണകാലത്ത്​ അത്​ കൂടുതൽ സൗഹാർദപരമാകുമെന്നും ട്രംപ്​ പറഞ്ഞു.ഇരുരാജ്യങ്ങളും തമ്മിലുള്ള ദീർഘകാലത്തെ ബന്ധം ഹമദ്​ രാജാവ്​ അനുസ്​മരിച്ചു. 
ട്രംപി​​െൻറ സൗദി സന്ദർനവും ജി.സി.സി നേതൃത്വവുമായുള്ള കൂടിക്കാഴ്​ചയും ചരിത്രപരമായി വലിയ പ്രാധാന്യമുള്ളതാണെന്നും അദ്ദേഹം കൂട്ടിച്ചേർത്തു