ചികിത്സ കാലതാമസമില്ലാതെ ലഭ്യമാക്കണം –മന്ത്രിസഭ

മനാമ: ബലിപെരുന്നാൾ പ്രമാണിച്ച്​ പ്രധാനമന്ത്രി പ്രിൻസ്​ ഖലീഫ ബിൻ സൽമാൻ ആൽ ഖലീഫ രാജാവ്​ ഹമദ്​ ബിൻ ഇൗസ ആൽ ഖലീഫക്കും രാജ്യത്തെ ജനങ്ങൾക്കും ലോകമെമ്പാടുമുള്ള മുസ്​ലിംകൾക്കും ആശംസകൾ നേർന്നു. ഹജ്ജ്​ സുഖകരമായി പൂർത്തിയാക്കാൻ ദൈവാനുഗ്രഹമുണ്ടാക​െട്ടയെന്നും അദ്ദേഹം പറഞ്ഞു. ഗുദൈബിയ പാലസിൽ പ്രതിവാര മന്ത്രിസഭ യോഗത്തിൽ അധ്യക്ഷത വഹിച്ച്​ സംസാരിക്കുകയായിരുന്നു പ്രധാനമന്ത്രി. ജനങ്ങളുടെ ആവശ്യങ്ങൾക്കനുസരിച്ച്​ പദ്ധതികൾ ആവിഷ്​കരിക്കാനും സേവനങ്ങൾ മെച്ചപ്പെടുത്താനും സർക്കാർ വകുപ്പുകളും മന്ത്രാലയങ്ങളും ഗവർണർമാരുമായി കൂടുതൽ സഹകരിച്ച്​ പ്രവർത്തിക്കാൻ നിർദേശം നൽകി. രോഗികൾക്ക്​ പരിശോധനയും ചികിത്സയും കാലതാമസമില്ലാതെ ലഭ്യമാക്കുന്നതിന്​ ആരോഗ്യമന്ത്രാലയം  നടപടി സ്വീകരിക്കണം. ഇതിനായി മതിയായ ഉപകരണങ്ങളും വിദഗ്​ധരായ ജീവനക്കാരുമുണ്ടെന്ന്​ ഉറപ്പാക്കണം. വിദ്യാർഥികൾ ഭാവിയിൽ രാജ്യത്തെ സേവിക്കാൻ പര്യാപ്​തരായിരിക്കണം. ഇതിനായി മികച്ച വിദ്യാഭ്യാസ അന്തരീക്ഷം ഒരുക്കേണ്ടതുണ്ട്. അവരുടെ സർഗാത്​മക ശേഷി പരിപോഷിപ്പിക്കുന്നതിനുതകുന്ന സാഹചര്യങ്ങൾ സ്​കൂളിൽ ഒരുക്കേണ്ടതാണ്​.പുതിയ അക്കാദമിക്​ വർഷം അധ്യാപകർക്കും വിദ്യാർഥികൾക്കും മികവി​േൻറതാക​െട്ടയെന്ന്​ പ്രധാനമന്ത്രി ആശംസിച്ചു. വിദ്യാഭ്യാസമേഖലയുടെ പുരോഗതിക്കായി മന്ത്രാലയം സ്വീകരിച്ച നടപടികളെ പ്രധാനമന്ത്രി പ്രശംസിച്ചു. ഹൂറ, ഗുദൈബിയ പ്രദേശങ്ങൾ സന്ദർശിച്ച്​ ജനങ്ങളുടെ ആവശ്യങ്ങൾ മനസിലാക്കാൻ മന്ത്രാലയങ്ങൾക്ക്​ നിർദേശം നൽകി. ഇവിടുത്തെ റിയൽ എസ്​റ്റേറ്റ്​ രംഗം ആരോഗ്യ, സുരക്ഷ മാനദണ്ഡങ്ങൾ പാലിക്കുന്നുണ്ടോയെന്ന്​ വിലയിരുത്തണം. മതിയായ നിബന്ധനകൾ പൂർത്തിയാക്കാതെ കെട്ടിടങ്ങൾ ലീസിന്​ കൊടുക്കുന്ന രീതി തടയണം. ഇവി​ടുത്തെ സംയുക്ത ഭവന യൂനിറ്റുകൾ നിയമാനുസൃതമാണ്​ പ്രവർത്തിക്കുന്നതെന്ന്​ തൊഴിൽ, മുനിസിപ്പാലിറ്റികാര്യ, നഗരാസൂത്രണ മന്ത്രാലയം ഉറപ്പാക്കണം. ഇതിനായി പരിശോധനകൾ നടത്തണം. 
     എക്​സിക്യൂട്ടിവ്​, ലെജിസ്​ലേച്ചർ വിഭാഗങ്ങൾ തമ്മിലുള്ള സഹകരണം അഭിനന്ദനീയമാണെന്ന്​ കാബിനറ്റ്​ അഭിപ്രായപ്പെട്ടു.മന്ത്രിസഭ ഇക്കഴിഞ്ഞ സെഷനുകളിലാകെ 34നിയമങ്ങൾക്ക്​ അംഗീകാരം നൽകിയിട്ടുണ്ട്​. 150 ചോദ്യങ്ങളിൽ 133 എണ്ണത്തിന്​ മറുപടി നൽകി. 115 നിർദേശങ്ങൾ സമർപ്പിക്കപ്പെട്ടു. ദേശീയ വ്യവസായങ്ങളുടെ സംരക്ഷണവുമായി ബന്ധപ്പെട്ട നിയമ ഭേദഗതിയുടെ കരട്​ പാർലമ​െൻറിന്​ കൈമാറും. ​
േകാഴിയിറച്ചി,മുട്ട ഇറക്കുമതിയും ചെമ്മീൻ ബന്ധന നിരോധനവുമായി ബന്ധപ്പെട്ട പാർലമ​െൻറി​​െൻറ രണ്ട്​ നിർദേശങ്ങളിലുള്ള സർക്കാറി​​െൻറ മറുപടികൾ അംഗീകരിച്ചു.