ഗതാഗത നിയമലംഘനം അഞ്ചുമാസത്തിനിടെ  75 ശതമാനം കുറഞ്ഞെന്ന്​ വെളിപ്പെടുത്തൽ

മനാമ: ബഹ്​റൈൻ റോഡുകളിലെ നിയമലംഘനങ്ങളിൽ അഞ്ചുമാസത്തിനിടെ 75 ശതമാനം കുറവുവന്നെന്ന്​ വെളിപ്പെടുതൽ. നോർത്തേൺ മുനിസിപ്പൽ കൗൺസിലി​​​െൻറ യോഗത്തിലാണ്​ ​ട്രാഫിക്​ ജനറൽ ഡയറക്​ടറേറ്റ്​ ട്രാഫിക്​ കൾചർ ഡയറക്​ടർ ഉസാമ ബഹാർ ഇക്കാര്യം പറഞ്ഞത്​. ഡിസംബർ മുതൽ ഏപ്രിൽ വരെയുള്ള കണക്ക്​ വ്യക്​തമാക്കിയാണ്​ അദ്ദേഹം ഇങ്ങനെ പറഞ്ഞത്​. 

വണ്ടിയോടിക്കു​േമ്പാൾ മൊബൈൽ ഫോൺ ഉപയോഗിക്കുക, അമിത വേഗത, ചുവപ്പ്​ സിഗ്​നൽ അവഗണിക്കുക എന്നിവയാണ് റോഡിലുള്ള മൂന്ന്​ പ്രധാന നിയമലംഘനങ്ങൾ. പ്രധാന റോഡുകളിലെ അവസ്​ഥയിൽ ഇപ്പോൾ വളരെയധികം മാറ്റം വന്നിട്ടുണ്ട്. 
എന്നാൽ, റെസിഡൻഷ്യൽ പ്രദേശങ്ങളിൽ ഇപ്പോഴും നിയമലംഘനങ്ങൾ നടക്കുന്നതായി ശ്രദ്ധയിൽ പെട്ടിട്ടുണ്ട്​. 
ഇൗ വിഷയത്തിൽ ആവശ്യമായ ശ്രദ്ധ നൽകും. ജനങ്ങളിൽ നിന്ന്​ അനാവശ്യമായി പണം പിരിക്കാൻ ഗതാഗത വകുപ്പിന്​ താൽപര്യമില്ല. എന്നാൽ, നിയമലംഘകർക്കെതിരെ കർശന നടപടിയുണ്ടാകുമെന്ന്​ അദ്ദേഹം വ്യക്​തമാക്കി.