ടൂ​റി​സം; ഇ​ന്ത്യ​യും ബ​ഹ്റൈ​നും സ​ഹ​ക​ര​ണ​ത്തി​ന്

മ​നാ​മ: ടൂ​റി​സം മേ​ഖ​ല​യി​ലെ വി​പു​ല​മാ​യ സാ​ധ്യ​ത​ക​ൾ ക​ണ​ക്കി​ലെ​ടു​ത്ത് ഇ​ന്ത്യ​യും ബ​ഹ്റൈ​നും പ​ര​സ്പ​രം സ​ഹ​ക​രി​ക്കാ​നു​ള്ള സാ​ധ്യ​ത തെ​ളി​യു​ന്നു. സം​യു​ക്ത ടൂ​റി​സം പ്ര​മോ​ഷ​നു​ക​ൾ, വി​നോ​ദ​സ​ഞ്ചാ​രി​ക​ൾ​ക്ക് അ​തു​ല്യ​മാ​യ അ​നു​ഭ​വ​ങ്ങ​ൾ പ്ര​ദാ​നം ചെ​യ്യു​ന്ന സം​യു​ക്ത പാ​ക്കേ​ജു​ക​ൾ തു​ട​ങ്ങി​യ​വ ആ​രം​ഭി​ക്കാ​നു​ള്ള നീ​ക്ക​ങ്ങ​ൾ​ക്ക് ഇ​രു​രാ​ജ്യ​ങ്ങ​ളും പ​ച്ച​ക്കൊ​ടി കാ​ട്ടി​യ​തോ​ടെ​യാ​ണി​ത്. ​ബ്രൈ​ഡ​ൽ ടൂ​റി​സം മേ​ഖ​ല​യി​ൽ ബ​ഹ്റൈ​ൻ ഒ​രു അ​ന്താ​രാ​ഷ്ട്ര ല​ക്ഷ്യ​സ്ഥാ​ന​മാ​യി മാ​റി​യി​ട്ടു​ണ്ട്.

നി​ര​വ​ധി ഇ​ന്ത്യ​ൻ വി​വാ​ഹ​ങ്ങ​ളും ബ​ഹ്റൈ​നി​ൽ ന​ട​ന്നി​രു​ന്നു. മെ​ച്ച​പ്പെ​ട്ട സാ​മൂ​ഹി​കാ​ന്ത​രീ​ക്ഷ​വും മ​നോ​ഹ​ര​മാ​യ ക​ട​ൽ​ത്തീ​ര​വും ബ​ഹ്റൈ​നെ ആ​ക​ർ​ഷ​ക​മാ​ക്കു​ന്ന​താ​ണ്. ക​ഴി​ഞ്ഞ ദി​വ​സം ദു​ബൈ വേ​ൾ​ഡ് ട്രേ​ഡ് സെ​ന്റ​റി​ൽ ന​ട​ന്ന അ​റേ​ബ്യ​ൻ ട്രാ​വ​ൽ മാ​ർ​ക്ക​റ്റി​ൽ പ​​ങ്കെ​ടു​ക്ക​വേ ബ​ഹ്റൈ​ൻ ടൂ​റി​സം മ​ന്ത്രി ഫാ​ത്തി​മ ബി​ൻ​ത് ജാ​ഫ​ർ ആ​ൽ സൈ​റാ​ഫി ഇ​ക്കാ​ര്യം വ്യ​ക്ത​മാ​ക്കി​യി​രു​ന്നു. ഇ​ന്ത്യ​ൻ ടൂ​റി​സം മ​ന്ത്രി രോ​ഹ​ൻ ഖൗ​ണ്ടെ​യു​മാ​യി ന​ട​ന്ന കൂ​ടി​ക്കാ​ഴ്ച​യി​ൽ ഇ​ക്കാ​ര്യം ച​ർ​ച്ച ചെ​യ്തെ​ന്നും പ​ര​സ്പ​ര സ​ഹ​ക​ര​ണ​ത്തി​നു​ള്ള സാ​ധ്യ​ത​യാ​ണ് കാ​ണു​ന്ന​തെ​ന്നും മ​ന്ത്രി വ്യ​ക്ത​മാ​ക്കി. കൂ​ടു​ത​ൽ ഇ​ന്ത്യ​ൻ വി​വാ​ഹ പാ​ർ​ട്ടി​ക​ളെ ആ​ക​ർ​ഷി​ക്കു​ന്ന​തി​ന് ആ​വ​ശ്യ​മാ​യ ന​ട​പ​ടി​ക​ൾ രാ​ജ്യം സ്വീ​ക​രി​ക്കു​മെ​ന്നും മ​ന്ത്രി പ​റ​ഞ്ഞു.

ഇ​രു​രാ​ജ്യ​ങ്ങ​ളി​ലെ​യും വി​നോ​ദ​സ​ഞ്ചാ​ര കേ​ന്ദ്ര​ങ്ങ​ൾ പ്ര​ച​രി​പ്പി​ക്കു​ന്ന​തി​ലും വി​നോ​ദ സ​ഞ്ചാ​രി​ക​ളെ ആ​ക​ർ​ഷി​ക്കു​ന്ന​തി​ലും ആ​വ​ശ്യ​മാ​യ പാ​ക്കേ​ജു​ക​ൾ ആ​വി​ഷ്ക​രി​ക്കാ​നും ധാ​ര​ണ​യാ​യി​ട്ടു​ണ്ട്. ലോ​ക​പ്ര​ശ​സ്ത ബീ​ച്ചാ​യ ഗോ​വ​യെ​യാ​ണ് ഇ​ന്ത്യ ഉ​യ​ർ​ത്തി​ക്കാ​ട്ടു​ന്ന​ത്. വി​വി​ധ രാ​ജ്യ​ങ്ങ​ളി​ൽ​നി​ന്നു​ള്ള വി​വാ​ഹ​പ്പാ​ർ​ട്ടി​ക​ളെ ആ​ക​ർ​ഷി​ക്കാ​നു​ള്ള ന​ട​പ​ടി​ക​ൾ ഊ​ർ​ജി​ത​മാ​ക്കി​യ​താ​യി ബ​ഹ്‌​റൈ​ൻ ടൂ​റി​സം ആ​ൻ​ഡ് എ​ക്‌​സി​ബി​ഷ​ൻ അ​തോ​റി​റ്റി​യും (ബി.​ടി.​ഇ.​എ) അ​റി​യി​ച്ചി​രു​ന്നു.

ഇ​ന്ത്യ, പാ​കി​സ്താ​ൻ, ചൈ​ന, ആ​സ്‌​ട്രേ​ലി​യ, യു.​എ​സ്, യു.​കെ, കാ​ന​ഡ, യു.​എ.​ഇ, സൗ​ദി അ​റേ​ബ്യ, കു​വൈ​ത്ത്, ജോ​ർ​ഡ​ൻ, ല​ബ​നാ​ൻ തു​ട​ങ്ങി​യ രാ​ജ്യ​ങ്ങ​ളി​ൽ​നി​ന്നു​ള്ള വി​വാ​ഹ​ങ്ങ​ൾ​ക്കാ​ണ് ബ​ഹ്റൈ​ൻ വേ​ദി​യാ​കു​ന്ന​ത്. ഏ​ഷ്യ, ആ​ഫ്രി​ക്ക, ആ​സ്‌​ട്രേ​ലി​യ, അ​മേ​രി​ക്ക എ​ന്നി​വി​ട​ങ്ങ​ളി​ൽ​നി​ന്നു​ള്ള​വ​രെ ആ​ക​ർ​ഷി​ക്കു​ന്ന രീ​തി​യി​ൽ ഓ​ഫ​റു​ക​ൾ ഉ​ൾ​പ്പെ​ടു​ന്ന ഐ​ല​ൻ​ഡ് വെ​ഡ്ഢി​ങ് പ​ദ്ധ​തി ന​ട​പ്പാ​ക്കു​മെ​ന്നും ബി.​ടി.​ഇ.​എ പ്ര​ഖ്യാ​പി​ച്ചി​രു​ന്നു.