നോ​മ്പെ​ടു​ത്ത് വാ​ക്​​സി​ന്‍ സ്വീ​ക​രി​ക്കു​ന്ന​തി​ന് ത​ട​സ്സ​മി​ല്ല

മ​നാ​മ: നോ​മ്പെ​ടു​ത്ത് കോ​വി​ഡ് പ്ര​തി​രോ​ധ വാ​ക്​​സി​ന്‍ സ്വീ​ക​രി​ക്കു​ന്ന​തി​ന് ത​ട​സ്സ​മി​ല്ലെ​ന്ന് ഇ​സ്​​ലാ​മി​ക​കാ​ര്യ സു​പ്രീം കൗ​ണ്‍സി​ല്‍ വ്യ​ക്ത​മാ​ക്കി. കോ​വി​ഡ് പ്ര​തി​രോ​ധ പ്ര​വ​ര്‍ത്ത​ന​ങ്ങ​ള്‍ ശ​ക്ത​മാ​യി തു​ട​രു​ന്ന​ത് ആ​രോ​ഗ്യ​വും സു​ര​ക്ഷ​യും ഉ​റ​പ്പാ​ക്കു​മെ​ന്ന് ക​ഴി​ഞ്ഞ​ദി​വ​സം ചേ​ര്‍ന്ന യോ​ഗ​ത്തി​ല്‍ അ​ധ്യ​ക്ഷ​ത വ​ഹി​ച്ച ഇ​സ്​​ലാ​മി​ക​കാ​ര്യ സു​പ്രീം കൗ​ണ്‍സി​ല്‍ ചെ​യ​ര്‍മാ​ന്‍ ശൈ​ഖ് അ​ബ്​​ദു​റ​ഹ്മാ​ന്‍ ബി​ന്‍ മു​ഹ​മ്മ​ദ് ബി​ന്‍ റാ​ഷി​ദ് ആ​ല്‍ ഖ​ലീ​ഫ വ്യ​ക്ത​മാ​ക്കി.

കോ​വി​ഡ് ചെ​റു​ക്കു​ന്ന​തി​ന് രാ​ജ്യ​ത്തെ മു​ഴു​വ​ന്‍ ജ​ന​ങ്ങ​ള്‍ക്കും സൗ​ജ​ന്യ​മാ​യി വാ​ക്​​സി​ന്‍ ന​ൽ​കാ​നു​ള്ള തീ​രു​മാ​ന​ത്തെ അ​ദ്ദേ​ഹം സ്വാ​ഗ​തം ചെ​യ്​​തു. കൂ​ടു​ത​ല്‍പേ​ര്‍ വാ​ക്​​സി​നെ​ടു​ക്കാ​ന്‍ മു​ന്നോ​ട്ടു​വ​ര​ണ​മെ​ന്നും ആ​ഹ്വാ​നം ചെ​യ്​​തു.

റ​മ​ദാ​നി​ൽ വാ​ക്​​സി​ന്‍ സ്വീ​ക​രി​ക്കു​ന്ന​തി​ന് പ്ര​ശ്​​ന​മി​ല്ലെ​ന്നാ​ണ്​ പ​ണ്ഡി​ത നി​ല​പാ​ട്. അ​തി​നാ​ല്‍ റ​മ​ദാ​നി​ലും കൂ​ടു​ത​ല്‍ പേ​ര്‍ പ്ര​തി​രോ​ധ വാ​ക്​​സി​നെ​ടു​ക്കാ​ന്‍ മു​ന്നോ​ട്ടു​വ​രു​മെ​ന്നാ​ണ് പ്ര​തീ​ക്ഷി​ക്കു​ന്ന​ത്. വി​വി​ധ പ്ര​ദേ​ശ​ങ്ങ​ളി​ല്‍ ആ​രാ​ധ​നാ​ല​യ​ങ്ങ​ള്‍ നി​ർ​മി​ക്കാ​നു​ള്ള അ​പേ​ക്ഷ​ക​ളും യോ​ഗം പ​രി​ഗ​ണി​ച്ചു. ഇ​തു​സം​ബ​ന്ധി​ച്ച് പ​ഠ​നം ന​ട​ത്തി റി​പ്പോ​ര്‍ട്ട് സ​മ​ര്‍പ്പി​ക്കാ​ന്‍ ബ​ന്ധ​പ്പെ​ട്ട സ​മി​തി​യെ ചു​മ​ത​ല​പ്പെ​ടു​ത്തി.