കോവിഡ് വാക്​സിൻ പരീക്ഷണത്തിൽ പ​െങ്കടുത്തവരെ എസ്​.ഡബ്ല്യു.എ അഭിനന്ദിച്ചു

മനാമ: കോവിഡ് 19 ക്ലിനിക്കൽ വാക്​സിൻ പരീക്ഷണത്തിൽ പങ്കാളികളായ വെൽകെയർ വളൻറിയർമാരെ സോഷ്യൽ വെൽഫെയർ അസോസിയേഷൻ എക്​സിക്യൂട്ടിവ് കമ്മിറ്റി അഭിനന്ദിച്ചു.

ആരോഗ്യ മന്ത്രാലയം 'മനുഷ്യനന്മക്കുവേണ്ടി' എന്ന തലക്കെട്ടിൽ ആരംഭിച്ച കോവിഡ് 19 ക്ലിനിക്കൽ വാക്​സിൻ പരീക്ഷണത്തിലാണ് സോഷ്യൽ വെൽഫെയർ അസോസിയേഷൻ കോട്ടയം ജില്ല പ്രസിഡൻറ് ഇർഷാദ് കുഞ്ഞിക്കനി, കേന്ദ്ര എക്​സിക്യൂട്ടിവ് അംഗം ഫസലുറഹ്​മാൻ പൊന്നാനി എന്നിവർ പങ്കാളികളായത്. ഇർഷാദ് കുഞ്ഞിക്കനി രണ്ടാമത്തെ ഡോസും സ്വീകരിച്ചുകഴിഞ്ഞു. കുടുംബത്തോടൊപ്പം കഴിയുന്ന രണ്ടുപേരും കോവിഡ് പ്രതിസന്ധിയിലായ പ്രവാസികൾക്കായി വെൽകെയർ നടത്തിയ സേവനപ്രവർത്തനങ്ങളിലും സജീവ പങ്കാളിത്തം വഹിച്ചിരുന്നു.