തുർക്കിയയിൽ അറസ്റ്റിലായ യുവതിയുടെ കേസ്​ നിരീക്ഷിക്കുന്നതായി വിദേശകാര്യ മന്ത്രാലയം

മ​നാ​മ: തു​ർ​ക്കി​യ​യി​ൽ അ​റ​സ്റ്റി​ലാ​യ ബ​ഹ്‌​റൈ​ൻ യു​വ​തി​യു​ടെ കേ​സ് സൂ​ക്ഷ്മ​മാ​യി നി​രീ​ക്ഷി​ച്ചു വ​രു​ക​യാ​ണെ​ന്ന് വി​ദേ​ശ​കാ​ര്യ മ​ന്ത്രാ​ല​യം അ​റി​യി​ച്ചു. ബ​ഹ്​​റൈ​നി​ലേ​ക്ക്​ തി​രി​ച്ചു​വ​രാ​ൻ സ​ഹാ​യം തേ​ടി യു​വ​തി സ​മൂ​ഹ മാ​ധ്യ​മ​ങ്ങ​ളി​ലൂ​ടെ അ​ധി​കൃ​ത​രോ​ട്​ അ​ഭ്യ​ർ​ഥ​ന ന​ട​ത്തി​യി​രു​ന്നു.

യു​വ​തി തു​ർ​ക്കി​യ​യി​ൽ എ​ത്തി​യ​പ്പോ​ൾ അ​റ​സ്റ്റ്​ ചെ​യ്യ​പ്പെ​ട്ട​താ​യി മേ​യ്​ 24നാ​ണ്​ പി​താ​വ്​ അ​ങ്കാ​റ​യി​ലെ ബ​ഹ്​​റൈ​ൻ എം​ബ​സി​യെ അ​റി​യി​ച്ച​ത്. കേ​സ്​ തു​ട​ർ ന​ട​പ​ടി​ക​ൾ​ക്കാ​യി മാ​റ്റി​വെ​ച്ച്​ പി​ന്നീ​ട്​ യു​വ​തി​യെ ​വി​ട്ട​യ​ച്ചു.

അ​തി​നി​ടെ, സെ​പ്​​റ്റം​ബ​ർ 29ന്​ ​കേ​സി​ൽ വാ​ദം കേ​ൾ​ക്കു​ന്ന​തു​വ​രെ യു​വ​തി​ക്ക്​ യാ​ത്ര​വി​ല​ക്ക്​ ഏ​ർ​പ്പെ​ടു​ത്തി തു​ർ​ക്കി​യ കോ​ട​തി ഉ​ത്ത​ര​വ്​ പു​റ​പ്പെ​ടു​വി​ച്ചു.

അ​റ​സ്റ്റ്​ ചെ​യ്ത സ​മ​യം മു​ത​ൽ ബ​ഹ്​​റൈ​ൻ എം​ബ​സി വി​ഷ​യ​ത്തി​ൽ ഇ​ട​പെ​ട്ടി​രു​ന്ന​താ​യി വി​ദേ​ശ​കാ​ര്യ മ​ന്ത്രാ​ല​യം അ​റി​യി​ച്ചു. യു​വ​തി​ക്കെ​തി​രാ​യ കു​റ്റം എ​ന്തെ​ന്ന​റി​യാ​നും കേ​സി​ൽ ന​ട​പ​ടി​ക​ൾ വേ​ഗ​ത്തി​ലാ​ക്കാ​നും തു​ർ​ക്കി​യ അ​ധി​കൃ​ത​രെ ബ​ന്ധ​പ്പെ​ടു​ക​യും ചെ​യ്​​തു.

യു​വ​തി​ക്ക്​ നി​യ​മ​സ​ഹാ​യ​ത്തി​നാ​യി അ​ഭി​ഭാ​ഷ​ക​നെ ചു​മ​ത​ല​പ്പെ​ടു​ത്തു​ക​യും ചെ​യ്തി​ട്ടു​ണ്ട്. നീ​തി​ന്യാ​യ വ്യ​വ​സ്ഥ​യെ മാ​നി​ക്കു​ന്നു​വെ​ന്നും ജു​ഡീ​ഷ്യ​റി​യു​ടെ പ്ര​വ​ർ​ത്ത​ന​ത്തി​ൽ ഇ​ട​പെ​ടാ​ൻ ആ​ഗ്ര​ഹി​ക്കു​ന്നി​ല്ലെ​ന്നും മ​ന്ത്രാ​ല​യം വ്യ​ക്ത​മാ​ക്കി.

യു​വ​തി​യു​ടെ​യും സ​ഹോ​ദ​ര​ന്റെ​യും തി​രി​ച്ച​റി​യ​ൽ രേ​ഖ​ക​ൾ മോ​ഷ്ടി​ക്ക​പ്പെ​ട്ട​താ​യി കാ​ണി​ച്ച്​ പൊ​ലീ​സ്​ സ്​​​റ്റേ​ഷ​നി​ൽ പ​രാ​തി ന​ൽ​കി​യി​ട്ടു​ണ്ട്.

കേ​സ്​ തീ​ർ​പ്പാ​യാ​ൽ യു​വ​തി​യു​ടെ തി​രി​ച്ചു വ​ര​വ്​ സു​ഗ​മ​മാ​ക്കാ​ൻ താ​ൽ​ക്കാ​ലി​ക പാ​സ്​​പോ​ർ​ട്ട്​ ന​ൽ​കു​ന്ന​തി​നു​ള്ള ന​ട​പ​ടി​ക​ളും പു​രോ​ഗ​മി​ക്കു​ന്നു​ണ്ട്.