23,000 ദീ​നാ​റി​ന്‍റെ സ്വ​ർ​ണാ​ഭ​ര​ണം ക​വ​ർ​ന്ന സം​ഘം പി​ടി​യി​ൽ

മ​നാ​മ: മ​നാ​മ​യി​ലെ പ്ര​മു​ഖ ജ്വ​ല്ല​റി​യി​ൽ​നി​ന്ന്​ സ്വ​ർ​ണാ​ഭ​ര​ണം മോ​ഷ്​​ടി​ച്ച സം​ഘ​ത്തെ നാ​ലു​മ​ണി​ക്കൂ​റി​നു​ള്ളി​ൽ പി​ടി​കൂ​ടി. നോ​മ്പു​തു​റ​യു​ടെ സ​മ​യ​ത്ത്​ ജ്വ​ല്ല​റി​യി​ൽ എ​ത്തി​യ നാ​ലം​ഗ സം​ഘം 900 ഗ്രാം ​സ്വ​ർ​ണാ​ഭ​ര​ണ​മാ​ണ്​ ക​വ​ർ​ച്ച ചെ​യ്ത​ത്. മോ​ഷ​ണ വി​വ​ര​മ​റി​ഞ്ഞ്​ ജ്വ​ല്ല​റി അ​ധി​കൃ​ത​ർ ന​ൽ​കി​യ പ​രാ​തി​യെ​ത്തു​ട​ർ​ന്ന്​ ന​ട​ത്തി​യ അ​ന്വേ​ഷ​ണ​ത്തി​ലാ​ണ്​ സം​ഘം പി​ടി​യി​ലാ​യ​ത്.

സു​ര​ക്ഷ കാ​മ​റ​യു​ടെ സ​ഹാ​യ​ത്തോ​ടെ ന​ട​ത്തി​യ തി​ര​ച്ചി​ലി​ൽ ര​ണ്ടു​പേ​രെ വി​മാ​ന​ത്താ​വ​ള​ത്തി​ൽ അ​റ​സ്റ്റ്​ ചെ​യ്തു. ഇ​വ​രു​ടെ മൊ​ഴി​യ​നു​സ​രി​ച്ച്​ ന​ട​ത്തി​യ തി​ര​ച്ചി​ലി​ൽ മ​റ്റു ര​ണ്ടു​പേ​രും പി​ടി​യി​ലാ​യി. പ്ര​തി​ക​ളി​ൽ​നി​ന്ന്​ ക​വ​ർ​ച്ച മു​ത​ൽ ക​​ണ്ടെ​ടു​ത്തു.

28നും 53​നു​മി​ട​യി​ൽ പ്രാ​യ​മു​ള്ള നാ​ല്​ ഏ​ഷ്യ​ൻ വം​ശ​ജ​രാ​ണ്​ പി​ടി​യി​ലാ​യ​തെ​ന്ന്​ ബ​ഹ്​​റൈ​ൻ എ​യ​ർ​പോ​ർ​ട്ട്​ പൊ​ലീ​സ്​ ഡ​യ​റ​ക്​​ട​റേ​​റ്റ്​ അ​റി​യി​ച്ചു. 23,000 ദീ​നാ​റി​ന്‍റെ സ്വ​ർ​ണാ​ഭ​ര​ണ​മാ​ണ്​ സം​ഘം ക​വ​ർ​ന്ന​ത്. സ്വ​ർ​ണ​വു​മാ​യി രാ​ജ്യം വി​ടാ​നാ​യി​രു​ന്നു ശ്ര​മം.