Begin typing your search above and press return to search.
exit_to_app
exit_to_app
Homechevron_rightGulfchevron_rightBahrainchevron_rightതെരഞ്ഞെടുപ്പ് കൺവെൻഷൻ...

തെരഞ്ഞെടുപ്പ് കൺവെൻഷൻ സംഘടിപ്പിച്ചു

text_fields
bookmark_border
തെരഞ്ഞെടുപ്പ് കൺവെൻഷൻ സംഘടിപ്പിച്ചു
cancel
camera_alt

ഒ​ന്നാ​ണ് കേ​ര​ളം ഒ​ന്നാ​മ​താ​ണ് കേ​ര​ളം ബ​ഹ്‌​റൈ​ൻ കൂ​ട്ടാ​യ്മ​യു​ടെ നേ​തൃ​ത്വ​ത്തി​ൽ സം​ഘ​ടി​പ്പി​ച്ച തെ​ര​ഞ്ഞെ​ടു​പ്പ് ക​ൺ​വെ​ൻ​ഷ​ൻ 

Listen to this Article

മനാമ: ഒന്നാണ് കേരളം ഒന്നാമതാണ് കേരളം ബഹ്‌റൈൻ കൂട്ടായ്മയുടെ നേതൃത്വത്തിൽ തൃക്കാക്കരയിലെ ഇടതുമുന്നണി സ്ഥാനാർഥി ഡോ. ജോ ജോസഫിനെ വിജയിപ്പിക്കുന്നതിന് വേണ്ടി തെരഞ്ഞെടുപ്പ് കൺവെൻഷൻ സംഘടിപ്പിച്ചു. ഭാവി കേരളത്തിനും ഇടതു ജനാധിപത്യ മുന്നണി സർക്കാർ വിഭാവനം ചെയ്ത് നടപ്പാക്കി കൊണ്ടിരിക്കുന്ന ജനപക്ഷ വികസനകുതിപ്പിന് കരുത്തു പകരാനും ഡോ. ജോ ജോസഫിനെ വിജയിപ്പിക്കണമെന്ന് കൺവെൻഷൻ അഭ്യർഥിച്ചു.

ലോകകേരള സഭാ അംഗവും പ്രതിഭ രക്ഷാധികാരി സമിതി അംഗവുമായ സി.വി. നാരായണൻ കൺവെൻഷൻ ഉദ്‌ഘാടനം ചെയ്തു. 25 വർഷം മുന്നിലേക്ക് കണ്ടുള്ള വികസന പദ്ധതികളാണ് നവ കേരളത്തിനായി ഇടതുസർക്കാർ നടപ്പാക്കി കൊണ്ടിരിക്കുന്നത്. അത്തരം പദ്ധതികളെയെല്ലാം തുരങ്കം വെക്കുന്ന പ്രവൃത്തികൾക്കാണ് നിർഭാഗ്യവശാൽ പ്രതിപക്ഷം നേതൃത്വം നൽകുന്നത്. ലൈഫ് മിഷന്റെ ഭാഗമായുള്ള വീടുകളും സാമൂഹ്യ സുരക്ഷ പെൻഷനും അവയിൽ ചിലത് മാത്രമാണെന്ന് കൺവെൻഷൻ അഭിപ്രായപ്പെട്ടു.

പ്രവാസി കമീഷൻ അംഗവും പ്രതിഭ രക്ഷാധികാരി സമിതി അംഗവുമായ സുബൈർ കണ്ണൂർ അധ്യക്ഷത വഹിച്ച കൺവെൻഷനിൽ മഹേഷ് യോഗീദാസൻ സ്വാഗതവും റഫീഖ് അബ്ദുള്ള നന്ദിയും പറഞ്ഞു.

വിവിധ ഇടതു മതേതര കക്ഷി നേതാക്കളായ ഷാജി മുതല, എ.കെ. സുഹൈൽ (നവകേരള), മൊയ്‌തീൻ കുട്ടി പുളിക്കൽ (ഐ.എം.സി.സി), എഫ്.എം. ഫൈസൽ (എൻ.സി.പി ബഹ്‌റൈൻ ചാപ്റ്റർ) പി. ശ്രീജിത്, പ്രദീപ് പതേരി, ജോയ് വെട്ടിയാടൻ (ബഹ്‌റൈൻ പ്രതിഭ) എന്നിവർ സംസാരിച്ചു.

Show Full Article
TAGS:election convention 
News Summary - The election convention was held
Next Story