ഉപപ്രധാനമന്ത്രി ഇന്ത്യൻ അംബാസഡറുമായി കൂടിക്കാഴ്​ച നടത്തി

മനാമ: ഉപ പ്രധാനമന്ത്രി ജവാദ്​ ബിൻ സാലെം അൽ അറെയാദ്​ ഇന്ത്യൻ അംബാസഡർ പിയൂഷ്​ ശ്രീവാസ്​തവയുമായി കൂടിക്കാഴ്​ച നടത്തി. ഇരുരാജ്യങ്ങളും തമ്മിൽ ബന്ധം മെച്ചപ്പെടുത്തുന്നതിൽ അംബാസഡർ നിർവഹിക്കുന്ന സേവനത്തെ ഉപപ്രധാനമന്ത്രി പ്രശംസിച്ചു. സർക്കാറിൽനിന്ന്​ തനിക്ക്​ ലഭിക്കുന്ന പിന്തുണക്കും സഹകരണത്തിനും അംബാസഡർ നന്ദി പറഞ്ഞു. ബഹ്​റൈനും ജനങ്ങൾക്കും കൂടുതൽ പുരോഗതിയും അദ്ദേഹം ആശംസിക്കുകയും ചെയ്​തു.