കിഡ്​നി എക്​സിബിഷൻ സമാപിച്ചു

മനാമ: ‘തണൽ’ ബഹ്​റൈൻ ചാപ്​റ്റർ മൂന്ന്​ ദിവസങ്ങളിലായി ഇന്ത്യൻ സ്‌കൂൾ ഈസടൗൺ കാമ്പസിൽ സംഘടിപ്പിച്ച ‘കിഡ്​നി കെയർ എക്​സിബിഷ​ൻ’ സമാപിച്ചു. സമാപന ചടങ്ങ്​ എൻ.എച്ച്​.ആർ.എ മേധാവി ഡോ. മറിയം അൽ ജലാഹ്​മ ഉദ്​ഘാടനം ചെയ്​തു.  ആരോഗ്യ മന്ത്രാലയം അണ്ടർ സെക്രട്ടറി ഡോ. അയിശ മുബാറക് ബുഉനുഖ്​ മുഖ്യാതിഥിയായിരുന്നു.  ‘തണൽ’ ചെയർമാൻ ഡോ. ഇദ്​രിസ്,  സോമൻ ബേബി, റഫീഖ്​ അബ്​ദുല്ല, റസാഖ്​ മൂഴിക്കൽ, ​റഷീദ്​ മാഹി, ജോർജ്​ മാത്യു, ഇന്ത്യൻ സ്‌കൂൾ ചെയർമാൻ പ്രിൻസ്​ നടരാജൻ, കേരളീയ സമാജം പ്രസിഡൻറ്​ പി.വി.രാധാകൃഷ്​ണപിള്ള, ഡോ. ഫിറോസ്​  അസീസ്​ തുടങ്ങിയവർ സംബന്ധിച്ചു. 
എക്​സിബിഷൻ കാണാൻ പതിനായിരത്തിലധികം പേർ എത്തിയതായി സംഘാടകർ പറഞ്ഞു. 7,000ത്തിലധികം പേർ പരിശോധന നടത്തി. ഇതിൽ രണ്ടുശതമാനം പേർക്ക്​ ഏതെങ്കിലും തരത്തിലുള്ള കിഡ്​നി അസുഖമുള്ളതായി വ്യക്​തമായിട്ടുണ്ട്​. കൂടുതൽ പരിശോധ വേണ്ടവർക്ക്​ അതിനുള്ള സൗജന്യ സഹായവും സംഘാടകർ ഏർപ്പെടുത്തിയിട്ടുണ്ട്​. 
ഭാവിയിലും ഇത്തരം പരിപാടികൾ നടത്താൻ ‘തണൽ’ തയ്യാ​റാണെന്ന്​ ഡോ. ഇദ്​രിസ്​ പറഞ്ഞു. ഡയാലിസിസിന്​ പ്രവാസ ലോകത്ത്​ വരുന്ന ഭാരിച്ച ചെലവിനെക്കുറിച്ചും അദ്ദേഹം സംസാരിച്ചു. പരിപാടി സംഘടിപ്പിച്ച ‘തണൽ’ ചാപ്​റ്ററി​​െൻറ പ്രവർത്തകരെ ബഹ്​റൈൻ അധികൃതർ അനുമോദിച്ചു. വളരെ വിജയകരമായ പരിപാടിയാണ്​ നടന്നതെന്ന്​ എക്​സിബിഷന്​ നേതൃത്വം നൽകിയ കോഴിക്കോട്​ മെഡിക്കൽ കോളജ്​ നെഫ്രോളജി വിഭാഗം മേധാവി ഡോ. ​എം.ശ്രീലത ‘ഗൾഫ്​ മാധ്യമ’ത്തോട്​ പറഞ്ഞു. കേരളത്തിന്​ പുറത്ത്​ ഇത്രയും വിപുലമായി മലയാളികളുടെ നേതൃത്വത്തിൽ ഒരു പരിപാടി നടത്താനായി എന്നത്​ വലിയ നേട്ടം തന്നെയാണ്​.പരി​േശാധന ഫലത്തെക്കുറിച്ച്​ ആശങ്കപ്പെടേണ്ട കാര്യമില്ലെന്നും നാട്ടിലെ ക്യാമ്പുകളിലും മറ്റും വ്യക്​തമാകുന്ന രോഗികളുടെ നില മാത്രമാണ്​ ഇവിടെയും വെളിപ്പെട്ടിട്ടുള്ളതെന്നും അവർ കൂട്ടിച്ചേർത്തു. 
പത്ത് പവലിയനുകളിലായി എക്സിബിഷനും  ബോധവത്​കരണ ക്ലാസുകളും കിഡ്‌നി പ്രവർത്തനം നിർണയിക്കാനുള്ള പരിശോധനകളുമാണ്​ കഴിഞ്ഞ ദിവസങ്ങളിൽ നടന്നത്​. 
വടകര ‘തണലി’ൽ നിന്നും 12 പേർ എക്​സിബിഷ​​െൻറ വിജയത്തിനായി എത്തുകയും ചെയ്​തു. ഗതാഗത സൗകര്യവും ഏർപ്പെടുത്തിയിരുന്നു.