ഭീകരസംഘടനയുമായി ബന്ധമുള്ള  നിരവധി പേർ പിടിയിൽ

മനാമ: അൽ അശ്​തർ ഭീകര ഗ്രൂപ്പിനെതിരെ നടന്ന പൊലീസ്​ നടപടിയിൽ നിരവധി പേർ പിടിയിലായതായി പൊതുസുരക്ഷ വിഭാഗം മേധാവി മേജർ ജനറൽ താരിഖ്​ ബിൻ ഹസൻ അൽഹസൻ വാർത്താസമ്മേളനത്തിൽ പറഞ്ഞു. ‘ദ ആക്​സ്​’ എന്ന പേരിൽ നടത്തിയ സുരക്ഷാനടപടിയിൽ ബോംബ്​ നിർമാണ സാമഗ്രികളും അത്യുഗ്രശേഷിയുള്ള സ്​ഫോടക വസ്​തുക്കളും കണ്ടെടുത്തു. അൽദൈറിൽ നിന്നാണ്​ ഇവ പിടികൂടിയത്.ഇത്​ പിന്നീട്​ നിർവീര്യമാക്കി. 

ബോംബ്​ നിർമിക്കുന്നതി​​​െൻറ ദൃശ്യം ചിത്രീകരിച്ച്​ അത്​ ഇറാനിലെ ഭീകരസംഘടന നേതാക്കൾക്ക്​ അയച്ച ശേഷം ലഭിച്ച നിർദേശമനുസരിച്ചാണ്​ പ്രഹരശേഷി വർധിപ്പിക്കാനുള്ള കാര്യങ്ങൾ ചെയ്​തതെന്ന്​ ആദ്യ അന്വേഷണത്തിൽ വ്യക്​തമായതായി അദ്ദേഹം പറഞ്ഞു.മേഖലയിൽ കൂടുതൽ സുരക്ഷ ഭടൻമാരെ വിന്യസിച്ചിട്ടുണ്ട്​.ഫോറൻസിക്​ വിദഗ്​ധർ എത്തി സാമ്പിളുകൾ ശേഖരിച്ചു. പബ്ലിക്​ പ്രൊസിക്യൂട്ടറുടെ സാന്നിധ്യത്തിലാണ്​ കുറ്റകൃത്യ വിഭാഗം സ്​ഫോടകവസ്​തുക്കൾ തരംതിരിച്ചത്​. 52കിലോയോളം ടി.എൻ.ടി സ്​ഫോടക വസ്​തുക്കൾ,യൂറിയ നൈട്രേറ്റ്​, ​അമോണിയം നൈട്രേറ്റ്​, സ്​ഫോടക വസ്​തു നിർമാണത്തിനുള്ള അസംസ്​കൃത വസ്​തുക്കൾ തുടങ്ങിയവ കണ്ടെടുത്തു.

ഇത്​ പൊട്ടിത്തെറിച്ചാൽ 600 മീറ്റർ പരിധിയിൽ ആഘാതമുണ്ടാകുമെന്നാണ്​ വിലയിരുത്തൽ. ഇതിൽ മിക്ക വസ്​തുക്കളും ബഹ്​റൈനിൽ നിർമിച്ചവയല്ല എന്ന്​ കരുതുന്നു. ഇൗയിടെ രാജ്യത്ത്​ നടന്ന നിരവധി ആക്രമണങ്ങളിൽ പിടിയിലായ ഗ്രൂപ്പിൽ പെട്ടവർക്ക്​ ബന്ധമുണ്ടെന്ന്​ കരുതുന്നു. രണ്ട്​ ഭീകര സെല്ലുകളിലുള്ളവരാണ്​ പിടിയിലായത്​. ഇതിൽ ​സുരക്ഷ ഉദ്യോഗസ്​ഥർക്കെതിരെ ആക്രമണം നടത്തിയ സംഭവത്തിൽ ശിക്ഷിക്കപ്പെട്ട അബ്​ദുല്ല അബ്​ദുൽ മഹ്​ദി ഹസൻ അൽ അറാദി (24), ഹാനി സഉൗദ്​ ഹുസൈൻ അൽ മുഅമീൻ (19) എന്നിവരും​ ഉൾപ്പെടും. ഇൗ രണ്ടു സെല്ലിനും ഇറാനിൽ ഒളിവിൽ കഴിയുന്ന ഹുസൈൻ അലി അഹ്​മദ്​ ദാവൂദ്​ എന്ന ഭീകരനുമായി ബന്ധമുള്ളതായി കരുതുന്നു. ഇവർക്ക്​ രാജ്യത്തെ മറ്റ്​ ഭീകര ഗ്രൂപ്പുകളുമായുള്ള ബന്ധം അന്വേഷിച്ചുവരികയാണ്​. ഭീകരപ്രവർത്തനങ്ങളെക്കുറിച്ചുള്ള വിവരം ലഭിച്ചാൽ  80008008 എന്ന ഹോട്ട്​ലൈനിൽ അറിയിക്കണമെന്ന്​ ആഭ്യന്തര മന്ത്രാലയം അഭ്യർഥിച്ചു.