പീ​സ് വ​ർ​ക് വ്യ​വ​സ്ഥ​യി​ൽ ജോ​ലി ചെ​യ്ത​വ​ർ പി​രി​ഞ്ഞു​പോ​കു​മ്പോ​ൾ ആ​നു​കൂ​ല്യം ല​ഭി​ക്കു​മോ?

ബഹ്റൈനിലെ തൊഴിൽ നിയമങ്ങൾ എന്തൊക്കെയാണെന്നത് ഓരോ വിദേശ തൊഴിലാളിയും നിർബന്ധമായും അറിഞ്ഞിരിക്കേണ്ടതാണ്. ഇത് അറിയാത്തതുകൊണ്ടാണ് പല വഞ്ചനകളിലും പ്രയാസങ്ങളിലും പ്രവാസി തൊഴിലാളികൾ അകപ്പെടുന്നത്. അടിസ്​ഥാനപരമായി തൊഴിലാളികൾ അറിഞ്ഞിരിക്കേണ്ട നിയമങ്ങളെക്കുറിച്ച പംക്തിയാണിത്. പ്രവാസികളുടെ സംശയങ്ങൾക്കുള്ള മറുപടിയും പംക്തിയിലൂടെ ലഭ്യമാകും. bahrain@gulfmadhyamam.net എന്ന വിലാസത്തിലോ 39203865 വാട്​സാപ്​ നമ്പറിലോ സംശയങ്ങൾ അയക്കാം. ഇ​വി​ടെ ന​ൽ​കു​ന്ന വി​വ​ര​ങ്ങ​ൾ നി​യ​മോ​പ​ദേ​ശ​മാ​യി ക​ണ​ക്കാ​ക്ക​രു​ത്. വ്യ​ക്​​ത​മാ​യ നി​യ​മോ​പ​ദേ​ശം ല​ഭി​ക്കാ​ൻ ഒ​രു ബ​ഹ്​​റൈ​നി അ​ഭി​ഭാ​ഷ​ക​നെ സ​മീ​പി​ക്ക​ണം.

?1983ൽ ​അ​ന്ന് നി​ല​വി​ലു​ണ്ടാ​യി​രു​ന്ന ഫ്രീ ​വി​സ എ​ന്നു വി​ളി​ച്ചു​പോ​ന്നി​രു​ന്ന ഇ​ഷ്ട​മു​ള്ളി​ട​ത്ത് ജോ​ലി ചെ​യ്യാ​വു​ന്ന വി​സ​യി​ലാ​ണ് ഞാ​ൻ ബ​ഹ്റൈ​നി​ൽ എ​ത്തി​യ​ത്. ത​യ്യ​ൽ ജോ​ലി അ​റി​യാ​വു​ന്ന​തു​കൊ​ണ്ട് ഒ​രു ത​യ്യ​ൽ​ക്ക​ട​യി​ൽ ജോ​ലി​ക്ക് ക​യ​റി. നാ​ലു വ​ർ​ഷ​ത്തി​നു​ശേ​ഷം വി​സ കാ​ൻ​സ​ലാ​ക്കി നാ​ട്ടി​ലേ​ക്കു പോ​യി.

പി​ന്നീ​ട് അ​തേ ക​ട​യി​ലേ​ക്ക് എ​നി​ക്ക് ഒ​റി​ജി​ന​ൽ വി​സ അ​യ​ച്ചു​ത​ന്നു. തി​രി​ച്ചു​വ​ന്ന് അ​തേ സ്പോ​ൺ​സ​റു​ടെ ക​ട​യി​ൽ ത​ന്നെ ജോ​ലി തു​ട​ങ്ങി. പീ​സ് വ​ർ​ക് എ​ന്ന സി​സ്റ്റ​മാ​യി​രു​ന്നു ചെ​യ്തി​രു​ന്ന​ത്.

അ​താ​യ​ത് ചെ​യ്യു​ന്ന ജോ​ലി​ക്ക് അ​നു​സ​രി​ച്ച് കൂ​ലി. മ​റ്റു ക​ട​ക​ളെ അ​പേ​ക്ഷി​ച്ച് വ​ള​രെ കു​റ​ഞ്ഞ സം​ഖ്യ​യാ​ണ് കി​ട്ടി​യി​രു​ന്ന​ത്. നാ​ട്ടി​ൽ പോ​കു​മ്പോ​ൾ ടി​ക്ക​റ്റോ അ​ക്ക​മ​ഡേ​ഷ​ൻ ലീ​വ് സാ​ല​റി​യോ ആ​നു​കൂ​ല്യ​ങ്ങ​ളോ ഒ​ന്നു​മി​ല്ല. അ​ങ്ങ​നെ നാ​ലു പ​തി​റ്റാ​ണ്ട് ക​ഴി​ഞ്ഞു. പ്രാ​യം കൂ​ടി​യ​തു​കൊ​ണ്ട് വി​സ​യ​ടി​ക്കാ​ൻ ഇ​പ്പോ​ൾ വി​ഷ​മ​മാ​ണ​ല്ലോ. ആ​രോ​ഗ്യം മോ​ശ​മാ​യ​തി​നാ​ൽ ജോ​ലി ചെ​യ്യാ​ൻ സാ​ധി​ക്കാ​തെ​യു​മാ​യി. വി​സ കാ​ൻ​സ​ലാ​ക്കി പോ​കു​മ്പോ​ൾ ഇ​വി​ട​ത്തെ നി​യ​മ​പ്ര​കാ​രം എ​ന്തെ​ങ്കി​ലും കി​ട്ടാ​ൻ സാ​ധ്യ​ത​യു​ണ്ടോ.

ന​മ്മ​ൾ നാ​ട്ടി​ൽ പോ​കു​ക​യാ​ണെ​ങ്കി​ൽ ഒ​രു വ​ക്കീ​ലി​നെ കേ​സ് ഏ​ൽ​പി​ച്ച് പോ​യാ​ൽ പ​ണം കി​ട്ടാ​ൻ സാ​ധ്യ​ത​യു​ണ്ടോ. പ​ണം കി​ട്ടി​യാ​ൽ ന​മു​ക്ക് ത​രാ​തി​രി​ക്കു​മോ- ഒ​രു ത​യ്യ​ൽ തൊ​ഴി​ലാ​ളി

• ബ​ഹ്റൈ​ൻ തൊ​ഴി​ൽ നി​യ​മ​പ്ര​കാ​രം താ​ങ്ക​ൾ​ക്ക് പി​രി​ഞ്ഞു​പോ​കു​മ്പോ​ൾ ല​ഭി​ക്കേ​ണ്ട എ​ല്ലാ ആ​നു​കൂ​ല്യ​ങ്ങ​ളും ല​ഭി​ക്കാ​ൻ അ​ർ​ഹ​ത​യു​ണ്ട്. അ​താ​യ​ത് പോ​കു​ന്ന ദി​വ​സം വ​രെ​യു​ള്ള ശ​മ്പ​ളം, കു​റ​ഞ്ഞ​ത് ര​ണ്ടു വ​ർ​ഷ​ത്തെ അ​വ​ധി​യു​ടെ ശ​മ്പ​ളം, ലീ​വി​ങ് ഇ​ൻ​ഡെ​മി​നി​റ്റി എ​ന്നി​വ. താ​ങ്ക​ൾ​ക്ക് പ്രൊ​ഡ​ക്ഷ​ൻ അ​ടി​സ്ഥാ​ന​മാ​ക്കി ശ​മ്പ​ളം ല​ഭി​ച്ച​തു​കൊ​ണ്ട് അ​വ​സാ​ന മൂ​ന്നു മാ​സ​ത്തെ ശ​മ്പ​ള​ത്തി​ന്റെ അ​ടി​സ്ഥാ​ന​ത്തി​ലാ​ണ് അ​വ​ധി​യു​ടെ ശ​മ്പ​ള​വും ലീ​വി​ങ് ഇ​ൻ​ഡെ​മി​നി​റ്റി​യും ക​ണ​ക്കാ​ക്കു​ന്ന​ത്.

ആ​ദ്യ​ത്തെ മൂ​ന്നു വ​ർ​ഷം ഓ​രോ വ​ർ​ഷ​വും 15 ദി​വ​സ​ത്തെ ശ​മ്പ​ള​വും ബാ​ക്കി​യു​ള്ള ഓ​രോ വ​ർ​ഷ​വും ഓ​രോ മാ​സ​ത്തെ ശ​മ്പ​ളം എ​ന്ന ക​ണ​ക്കി​ലു​മാ​ണ് ലീ​വി​ങ് ഇ​ൻ​ഡെ​മി​നി​റ്റി ല​ഭി​ക്കാ​ൻ അ​ർ​ഹ​ത​യു​ള്ള​ത്. ആ​ദ്യ​ത്തെ നാ​ലു വ​ർ​ഷം തൊ​ഴി​ലു​ട​മ​യു​ടെ വി​സ ഇ​ല്ലാ​തെ ആ ​സ്ഥാ​പ​ന​ത്തി​ൽ ജോ​ലി ചെ​യ്ത​ത് തെ​ളി​യി​ക്കാ​ൻ പ​റ്റാ​ത്ത​തു​കൊ​ണ്ട് ആ ​സ​മ​യ​ത്തെ ആ​നു​കൂ​ല്യ​ങ്ങ​ൾ ല​ഭി​ക്കാ​ൻ പ്ര​യാ​സ​മാ​യി​രി​ക്കും.

താ​ങ്ക​ൾ നാ​ട്ടി​ൽ പോ​കു​ന്ന​തി​നു മു​മ്പ് ഒ​രു ബ​ഹ്റൈ​നി അ​ഭി​ഭാ​ഷ​ക​നെ ക​ണ്ട് വി​വ​ര​ങ്ങ​ൾ പ​റ​ഞ്ഞ് അ​ദ്ദേ​ഹ​ത്തി​ന്റെ അ​ഭി​പ്രാ​യ​മ​റി​യ​ണം. അ​തു​പോ​ലെ ഒ​രു പ​വ​ർ ഓ​ഫ് അ​റ്റോ​ണി​യും കൊ​ടു​ക്ക​ണം. ഇ​ന്ത്യ​ൻ എം​ബ​സി​യു​ടെ അ​ഭി​പ്രാ​യം തേ​ടു​ന്ന​തും ന​ല്ല​താ​ണ്. എം​ബ​സി​ക്ക് അ​വ​രു​ടെ പാ​ന​ൽ ഓ​ഫ് ലോ​യേ​ഴ്സ് മു​ഖേ​ന താ​ങ്ക​ളെ സ​ഹാ​യി​ക്കാ​ൻ സാ​ധി​ക്കും.