പൊ​തു ഗ​താ​ഗ​ത​ത്തി​ന് ഇ​നി ടാ​ക്സി ബോ​ട്ടു​ക​ളും

മ​നാ​മ: പൊ​തു​ഗ​താ​ഗ​ത രം​ഗ​ത്ത് പു​തി​യൊ​രേ​ടു​മാ​യി ബ​ഹ്റൈ​ൻ. പൊ​തു​ജ​ന​ങ്ങ​ൾ​ക്കി​നി സു​ഗ​മ​മാ​യ ഗ​താ​ഗ​ത​ത്തി​ന് വാ​ട്ട​ർ ടാ​ക്സി​ക​ളും രം​ഗ​ത്തു​ണ്ടാ​കും. ക​ഴി​ഞ്ഞ​ദി​വ​സം ബ​ഹ്റൈ​ൻ ബേ​യി​ൽ ഉ​ദ്ഘാ​ട​നം ചെ​യ്ത വാ​ട്ട​ർ ടാ​ക്സി രാ​ജ്യ​ത്തെ ടൂ​റി​സം മേ​ഖ​ല​ക്കും പൊ​തു​ഗ​താ​ഗ​ത രം​ഗ​ത്തി​നും പു​ത്ത​നു​ണ​ർ​വ് സ​മ്മാ​നി​ച്ചി​രി​ക്കു​ക​യാ​ണ്. ടൂ​റി​സം മ​ന്ത്രാ​ല​യം, മും​ത​ല​കാ​ത്, മ​സാ​ർ ഗ്രൂ​പ് എ​ന്നി​വി​ട​ങ്ങ​ളി​ലെ ഉ​ദ്യോ​ഗ​സ്ഥ​രു​ടെ സാ​ന്നി​ധ്യ​ത്തി​ലാ​യി​രു​ന്നു ഉ​ദ്ഘാ​ട​നം.

പ്രാ​ദേ​ശി​ക​മാ​യി നി​ർ​മി​ച്ചെ​ടു​ത്ത ബോ​ട്ടു​ക​ളെ​ന്ന ഖ്യാ​തി ഈ ​ബോ​ട്ടു​ക​ൾ​ക്കു​ണ്ട്. പൂ​ർ​ണ​മാ​യും എ​യ​ർ ക​ണ്ടീ​ഷ​ൻ ചെ​യ്ത ബോ​ട്ടി​ൽ ഒ​രേ സ​മ​യം 28 പേ​ർ​ക്ക് യാ​ത്ര ചെ​യ്യാ​നാ​കും. മ​നാ​മ, മു​ഹ​റ​ഖ് ഏ​രി​യ​ക​ളി​ലാ​യി ആ​റ് സ്റ്റോ​പ്പു​ക​ളി​ലാ​ണ് നി​ല​വി​ൽ സ​ർ​വി​സു​ള്ള​ത്. ഈ​സ്റ്റ് കോ​സ്റ്റ് കോ​ർ​ണി​ഷ്, സാ​ദ മ​റീ​ന, ദ ​അ​വ​ന്യൂ​സ്-​ബ​ഹ്‌​റൈ​ൻ, ഫോ​ർ സീ​സ​ൺ​സ് ഹോ​ട്ട​ൽ ബ​ഹ്‌​റൈ​ൻ ബേ, ​ബ​ഹ്‌​റൈ​ൻ ഫി​നാ​ൻ​ഷ്യ​ൽ ഹാ​ർ​ബ​റി​ലെ ഹാ​ർ​ബ​ർ ഹൗ​സ്, വാ​ട്ട​ർ ഗാ​ർ​ഡ​ൻ സി​റ്റി എ​ന്നി​വ​യാ​ണ് സ്റ്റോ​പ്പു​ള്ള സ്റ്റേ​ഷ​നു​ക​ൾ.

മും​ത​ല​കാ​ത്തി​ന്‍റെ ഉ​പ​സ്ഥാ​പ​ന​മാ​യ എ​ച്ച് അ​ൽ ദ​ഈ​ൻ ആ​ണ് ബോ​ട്ടു​ക​ൾ നി​ർ​മി​ച്ച​ത്. യാ​ത്ര​ക്കാ​ർ​ക്ക് മി​ക​ച്ച അ​ത്യാ​ധു​നി​ക സൗ​ക​ര്യ​ങ്ങ​ളോ​ടു​കൂ​ടി​യ സു​ഖ​പ്ര​ദ​മാ​യ യാ​ത്രാ​നു​ഭ​വം ന​ൽ​കു​ക എ​ന്ന​താ​ണ് വാ​ട്ട​ർ ടാ​ക്സി​യു​ടെ പ്ര​ധാ​ന ല‍ക്ഷ്യം. ല​ഘു​ഭ​ക്ഷ​ണ പാ​നീ​യ​ങ്ങ​ളും ബോ​ട്ടി​ൽ ല​ഭ്യ​മാ​ക്കും. ഇ​ന്ന​ലെ ന​ട​ന്ന ആ​ദ്യ യാ​ത്ര​യി​ൽ ടൂ​റി​സം മ​ന്ത്രി ഫാ​തി​മ ബി​ൻ​ത്​ ജ​അ്​​ഫ​ർ അ​സ്സൈ​റ​ഫി, മും​ത​ല​കാ​ത് ചീ​ഫ് എ​ക്സി​ക്യൂ​ട്ടി​വ് ശൈ​ഖ് അ​ബ്ദു​ല്ല ബി​ൻ ഖ​ലീ​ഫ ആ​ൽ ഖ​ലീ​ഫ, മ​സാ​ർ ഗ്രൂ​പ് ചെ​യ​ർ​മാ​ൻ ഹു​സൈ​ൻ അ​ൽ ഖ​സീ​ർ മ​റ്റ് ഉ​ദ്യോ​ഗ​സ്ഥ​ർ എ​ന്നി​വ​ർ പ​ങ്കെ​ടു​ത്തു. ബ​ഹ്റൈ​ന്‍റെ പൊ​തു ഗ​താ​ഗ​ത രം​ഗ​ത്തു മാ​ത്ര​മ​ല്ല ടൂ​റി​സം മേ​ഖ​ല​യി​ലും പു​ത്ത​നു​ണ​ർ​വാ​യി​രി​ക്കും വാ​ട്ട​ർ ടാ​ക്സി​യെ​ന്നും അ​ന്ത​ർ​ദേ​ശീ​യ ത​ല​ത്തി​ൽ ആ​ക​ർ​ഷ​ക​മാ​യ ഒ​രു ടൂ​റി​സം മേ​ഖ​ല​യാ​യി ഇ​തി​ലൂ​ടെ ബ​ഹ്റൈ​ൻ വീ​ണ്ടും വ​ള​രു​മെ​ന്നും ശൈ​ഖ് അ​ബ്ദു​ല്ല ബി​ൻ ഖ​ലീ​ഫ ആ​ൽ ഖ​ലീ​ഫ പ​റ​ഞ്ഞു.

എ​ങ്ങ​നെ ടി​ക്ക​റ്റെ​ടു​ക്കാം

മ​സാ​ർ ആ​പ്പ് വ​ഴി​യാ​ണ് ടി​ക്ക​റ്റു​ക​ൾ ബു​ക്ക് ചെ​യ്യേ​ണ്ട​ത്. യാ​ത്രാ ല​ക്ഷ്യ​സ്ഥാ​നം, സ​മ​യം, യാ​ത്ര​ക്കാ​രു​ടെ എ​ണ്ണം എ​ന്നി​വ രേ​ഖ​പ്പെ​ടു​ത്താം. ബെ​ന​ഫി​റ്റ് പേ, ​ബാ​ങ്ക് കാ​ർ​ഡ് ആ​പ്പി​ൾ പേ ​എ​ന്നി​വ​യി​ലൂ​ടെ ടി​ക്ക​റ്റി​നാ​യു​ള്ള പ​ണം ന​ൽ​കാം. യാ​ത്ര​ക്കാ​ർ​ക്ക് ഒ​രു ദി​വ​സം മു​ഴു​വ​നാ​യു​ള്ള പാ​സും സ്റ്റാ​ൻ​ഡേ​ർ​ഡ് സീ​റ്റ് അ​ല്ലെ​ങ്കി​ൽ വി.​ഐ.​പി സീ​റ്റി​ങ്ങും തി​ര​ഞ്ഞെ​ടു​ക്കാം. ഒ​രു സ്റ്റേ​ഷ​ൻ സ്റ്റാ​ൻ​ഡേ​ർ​ഡ് ടി​ക്ക​റ്റി​ന് 800 ഫി​ൽ​സും വി.​ഐ.​പി ടി​ക്ക​റ്റി​ന് 1.500 ദീ​നാ​റു​മാ​ണ് നി​ര​ക്ക്. അ​തേ​സ​മ​യം, ഫു​ൾ ഡേ ​പാ​സി​ന് സ്റ്റാ​ൻ​ഡേ​ർ​ഡ് ടി​ക്ക​റ്റി​ന് 2.500 ദീ​നാ​റും വി.​ഐ.​പി ടി​ക്ക​റ്റു​ക​ൾ​ക്ക് അ​ഞ്ച് ദീ​നാ​റും ന​ൽ​ക​ണം. ഞാ​യ​റാ​ഴ്ച മു​ത​ൽ ബു​ധ​നാ​ഴ്ച വ​രെ ഉ​ച്ച​ക്ക് 12 മു​ത​ൽ അ​ർ​ധ​രാ​ത്രി​വ​രെ​യും വ്യാ​ഴം, വെ​ള്ളി, ശ​നി ദി​വ​സ​ങ്ങ​ളി​ൽ ഉ​ച്ച​ക്ക് 12 മു​ത​ൽ രാ​ത്രി 12.30 വ​രെ​യു​മാ​ണ് സ​ർ​വി​സു​ണ്ടാ​വു​ക.