കേരളത്തിൽ ഇടതുമുന്നണിക്ക്​ കൂടുതൽ സീറ്റുകൾ ലഭിക്കും -സുരേഷ്​ രാജ്​

മനാമ: വരുന്ന പാർലമ​​െൻറ്​ തെരഞ്ഞെടുപ്പിൽ ഇടതുമുന്നണിക്ക്​ യു.ഡി.എഫി​​​െൻറ സിറ്റിങ്​ സീറ്റുകൾ ഉൾപ്പെടെ ലഭിക ്കുമെന്ന്​ സി.പി.​െഎ സംസ്ഥാന കൗൺസിൽ അംഗവും പാലക്കാട്​ ജില്ല സെക്രട്ടറിയുമായ സുരേഷ്​രാജ്​ പറഞ്ഞു. സി.പി.​െഎയുടെ പ്രവാസി സംഘടനയായ നവകേരള കലാസമിതിയുടെ പരിപാടിയിൽ പ​െങ്കടുക്കാൻ ബഹ്​റൈനിൽ എത്തിയ അദ്ദേഹം ‘ഗൾഫ്​ മാധ്യമ’ത്തോ ട്​ സംസാരിക്കുകയായിരുന്നു. കേരളത്തിലെ ജനവിഭാഗങ്ങളുടെ പ്രതീക്ഷക്കൊത്ത്​ ഉയരാൻ ഇടതുസർക്കാരിന്​ കഴിഞ്ഞിട്ടുണ്ട്​. അതിന്​ തടയിടാൻ പലതരത്തിലുള്ള പ്രചാരണങ്ങളും പലരും നടത്തുന്നുണ്ട്​. അതിലൊന്നായാണ്​​ ശബരിമല വിഷയത്തെ രാഷ്​ട്രീയമായി ഉപയോഗപ്പെടുത്താനുള്ള ബി.ജെ.പിയുടെ സംഘടിത ശ്രമം ഉണ്ടായത്​.

ശബരിമലയിൽ യുവതി പ്രവേശത്തിന്​ സ്​ത്രീകളെ അനുവദിച്ച്​ സുപ്രീംകോടതിയുടെ ഭരണഘടന ബഞ്ച്​ വിധി പുറപ്പെടുവിച്ചപ്പോൾ എല്ലാ രാഷ്​ട്രീയ കക്ഷികളും അതിനെ സ്വാഗതം ചെയ്യുകയായിരുന്നു. എന്നാൽ പിന്നീട്​ രാഷ്​ട്രീയ മുതലെടുപ്പിനായി ബി.ജെ.പിയും കോൺഗ്രസ്​ നേതാക്കളും നിലപാട്​ മാറ്റുകയായിരുന്നു. എന്നാൽ ഇത്തരം മുതലെടുപ്പുകൾ ജനം ക്രമേണ മനസിലാക്കി എന്നതാണ്​ കാര്യങ്ങളിൽ നിന്ന്​ വ്യക്തമായത്​. ബി.ജെ.പിയുടെ സമരവേദികളിൽ നിന്ന്​ ആളുകൾ മാറിനിന്നു. നിരാഹാര സമരവേദിയിൽ നിന്ന്​ ബി.ജെ.പിക്ക്​ ദയനീയമായി പിന്തിരിയേണ്ടി വന്നു. അക്രമം നടത്തി സമരനാടകം നടത്തിയവർ കേരളത്തിൽ ഒറ്റപ്പെടുകയും ചെയ്​തതായും സുരേഷ്​രാജ്​ പറഞ്ഞു.

പാർലമ​​െൻറ്​ തെരഞ്ഞെടുപ്പിൽ കോൺഗ്രസ്​ ഉൾപ്പെടെയുള്ള മ​േതതര കക്ഷികളുടെ മുന്നണി അധികാരത്തിൽ വരണം എന്നാണ്​ സി.പി.​െഎയുടെ ആഗ്രഹം. ബി.ജെ.പി ഇനിയും ഭരണത്തിൽ വരുന്നത്​ രാജ്യത്തിന്​ ഭൂഷണമല്ല. കോൺഗ്രസിന്​ ഒത്തിരി കുറവുകളും പ്രശ്​നങ്ങളും ഉണ്ടെങ്കിലും ബി.​െജ.പിക്ക്​ എതിരായ പോരാട്ടത്തിൽ കോൺഗ്രസിനോട്​ സഹകരിക്കേണ്ട സാഹചര്യമാണ്​ രാഷ്​ട്രത്തിലുള്ളത്​. മതേതര വോട്ടുകൾ ഒരു കാരണവശാലും ഭിന്നിക്കരുതെന്നും കർണ്ണാടകയിലുണ്ടായ മതേതര സർക്കാരി​​​െൻറ രൂപവത്​ക്കരണം ഒരു മാതൃകയാണെന്നും സുരേഷ്​ രാജ്​ ചൂണ്ടിക്കാട്ടി.