‘ഗൾഫ്​ മാധ്യമം’ വാർത്ത തുണയായി;  സുന്ദരേശൻ കോടതിയിൽ പിഴയടച്ചു

മനാമ: 34 വർഷമായി നാട്ടിൽ പോകാതെ കഴിഞ്ഞ്​ ഒട്ടക ജീവിതം ഉൾപ്പെടെയുള്ള ദുരനുഭവങ്ങളിലൂടെ കടന്നുപോയ പത്തനംതിട്ട അടൂർ സ്വദേശി സുന്ദരേശൻ (56) കോടതിയിൽ പഴയ കേസുമായി ബന്​ധപ്പെട്ട പിഴ അടച്ചു. ഇതിനായുള്ള തുക നൽകിയത്​ പ്രവാസലോകത്തെ  മലയാളികളായിരുന്നു.  കോടതിയുടെ പിഴയും അഭിഭാഷക​​​െൻറ പ്രതിഫലവും ഉൾപ്പെടെ 442 ദിനാറാണ്​ കഴിഞ്ഞ ദിവസം  ​നൽകിയത്​. സുന്ദരേശ​ന്​ എതിരെ സ്വദേശി വർഷങ്ങൾക്ക്​ മുമ്പ്​ നൽകിയ  കേസ്​ അടുത്തിടെ കോടതി തള്ളിയിരുന്നു. എങ്കിലും യഥാസമയം കോടതികളിൽ എത്താത്തതി​​​െൻറ പേരിലാണ്​ പിഴ അടക്കേണ്ടി വന്നത്​. 

ദിവസങ്ങൾക്ക്​ മുമ്പ്​ ‘ഗൾഫ്​ മാധ്യമ’ത്തിൽ കൂടിയാണ്​ സുന്ദ​േരശ​​​െൻറ കരളലിയിപ്പിക്കുന്ന ജീവിതകഥ പുറംലോകം അറിഞ്ഞത്​. ഒരുകാലത്ത്​ നാട്ടിൽ എല്ലാവർക്കും വേണ്ടപ്പെട്ട സാമൂഹിക പ്രവർത്തകനും മികച്ച തുന്നൽക്കാരനുമായിരുന്നു സുന്ദരേശൻ.  20 ാം വയസിലാണ്​ ബഹ്​റൈനിൽ എത്തിയത്​. വന്നശേഷം  ഏജൻറി​​​െൻറ  കൈയിൽ വിസയും മറ്റ്​ രേഖകളും നൽകി ആറുമാസം ജോലിക്കായി കാത്തിരുന്നു.  ലഭിക്കാതെ വന്നപ്പോൾ മറ്റൊരു മലയാളിയുടെ തുന്നൽക്കടയിൽ ജോലിക്ക്​ പോയി. അയ്യാളുടെ  വാക്ക്​ വിശ്വാസിച്ച്​ തുന്നൽക്കട ഏറ്റെടുത്തതാണ്​ ജീവിതം ഇരുളിലാകാൻ കാരണമായത്​. കെട്ടിടം ഉടമ ഇൗ ഇടപാടിനെ കുറിച്ച്​ അറിയുന്നത്​ മാസങ്ങൾ കഴിഞ്ഞപ്പോഴായിരുന്നു. തുടർന്ന്​ ഉടമ മാസവാടക കാര്യമായി കൂട്ടിച്ചോദിച്ചപ്പോൾ, അതിന്​ തയ്യാറാകാതെ താൻ  പണം കൊടുത്ത്​ വാങ്ങിയ സാധനങ്ങളുമായി കടയൊഴിഞ്ഞുവെന്നാണ്​ സുന്ദരേശൻ പറയുന്നത്​. എന്നാൽ ഇതിനുശേഷം കെട്ടിട ഉടമ  ത​​​െൻറ കടയിലെ സാധനങ്ങൾ മോഷ്​ടിച്ചതായി കാട്ടി പരാതി നൽകുകയും തുടർന്ന്​ സുന്ദരേശന്​ യാത്രാവിലക്ക്​ വരികയും ചെയ്​തു.

അതേസമയം ത​​​െൻറ പാസ്​പോർട്ടും വിസയും ബഹ്​റൈനിൽ കൊണ്ടുവന്ന ഏജൻറി​​​െൻറ കൈവശമായിരുന്നതിനാൽ അയ്യാളെ അന്വേഷിച്ചായിരുന്നു സുന്ദരേശ​​​െൻറ യാത്ര. ഇതിനിടയിൽ പല ജോലികളും ചെയ്​തു. എന്നാൽ വിസയും രേഖകളും ഇല്ലാതെ ജോലി ചെയ്യുന്നതിനാൽ പലപ്പോഴും പ്രതിഫലം നാമമാത്രമായിരുന്നു ലഭിച്ചത്​.  നാട്ടിൽ നിന്നെത്തി രണ്ട്​ വർഷം കഴിഞ്ഞപ്പോൾ അച്​ഛൻ മരിച്ചു.  22 വർഷം കഴിഞ്ഞ്​  അമ്മ മരിച്ചു. അമ്മ മരിച്ചപ്പോൾ നാട്ടിൽ പോകാൻ ശ്രമിച്ചപ്പോഴാണ്​ യാത്രാവിലക്ക്​ ഉണ്ടെന്നും മുമ്പ്​ കെട്ടിട ഉടമ നൽകിയ പരാതിയാണ്​ അതിന്​ കാരണമെന്നും മനസിലായത്​.  22850 ദിനാർ നഷ്​ടപരിഹാരം നൽകിയാലെ യാത്രവിലക്ക്​ നീങ്ങൂവെന്ന്​ മനസിലായപ്പോൾ മാനസികമായ തളർച്ചയിലായി.  

ഇതിനെ തുടർന്നാണ്​ ഉൾഗ്രാമങ്ങളിലേക്കും മരുഭൂമിയിലേക്കും പലായനം ചെയ്​തത്​. കുപ്പത്തൊട്ടിയിൽ നിന്ന്​ കൈയിട്ട്​ വാരിതിന്നും പൈപ്പ്​ വെള്ളം കുടിച്ചും ഖജുർ മരങ്ങളുടെ ചുവടെ കിടന്നുറങ്ങിയും കഴിഞ്ഞുകൂടി. അങ്ങനെ വർഷങ്ങളോളം ഒട്ടകത്തീറ്റ തിന്നും മണ്ണിലുറങ്ങിയും പ്രാകൃതനായി ജീവിച്ച ഇയ്യാളെ സലാംമമ്പാട്ടുമൂല എന്ന സാമൂഹിക പ്രവർത്തകനാണ്​ മരുഭൂമിയിൽ നിന്ന്​ രക്ഷപ്പെടുത്തിയത്​.