ഒരു ദശാബ്​ദമായി കദനങ്ങൾ നെഞ്ചിലൊതുക്കി..

മനാമ: ഒരു ദശാബ്​ദമായി നാട്ടിൽനിന്നും വന്നിട്ടും മടങ്ങിപ്പോകാൻ കഴിയാതെ ദുരിതജീവിതം നയിച്ച കൊല്ലം സ്വദേശി സ ുലൈമാൻ ത​​െൻറ അനുഭവങ്ങൾ പറയു​േമ്പാൾ അത്​ മനസാക്ഷിയുള്ളവർക്ക്​ വേദന പകരുകയാണ്​. മലയാളി പ്രവാസിയുടെ ചതിയി​ൽപ് പെട്ട് കഷ്​ടത്തിലായ കൊല്ലം തേവലക്കര പാലക്കൽ പഴിഞ്ഞിക്കിഴക്കര വീട്ടിൽ സുലൈമാ(54) ​​​െൻറ അനുഭവം പ്രവാസലോകത്ത് ​ ചർച്ചയായിട്ടുണ്ട്​. കഴിഞ്ഞ അഞ്ച്​ മാസത്തോളമായി മനാമ ഗല്ലിയിലെ ഒരു ടെറസി​​െൻറ മുകളിൽ കാറ്റ​ും മഴയും വെയിലു മേറ്റ കഴിഞ്ഞ ഇദ്ദേഹത്തെ സാമൂഹിക പ്രവർത്തകരാണ്​ കണ്ടെത്തിയത്​.

ചില മലയാളികൾ ത​െന്ന മലയാളികളെ ചതിയിൽപ്പെടു ത്തുന്നതി​​െൻറ ഉദാഹരണം കൂടിയാണ്​ സുലൈമാ​​െൻറ കഥ. മോഹനവാഗ്​ദാനം നൽകി ഗൾഫിൽ എത്തിച്ചശേഷം വിസയുടെ തുകയായി ഏജൻറ ്​ 18 മാസത്തെ ശമ്പളം വാങ്ങി. തുടർന്ന്​ നാട്ടിൽ പോകണമെന്ന്​ ആവശ്യപ്പെട്ടപ്പോൾ അത്​ ചെയ്യാതെ, വിസ മാറ്റിക്കൊ ടുക്കുകയും അതിന്​ 450 ദിനാർ വാങ്ങുകയും ചെയ്​തു. തുടർന്ന്​ സ്​പോൺസർ മരണപ്പെട്ടപ്പോൾ സ്​പോൺസർഷിപ്പ്​ മാറ്റി കൊടുക്കാമെന്ന്​ പറഞ്ഞ്​ വീണ്ടും പണം ഏജൻറ്​ ആവശ്യപ്പെട്ടതായി സുലൈമാൻ പറയുന്നു. എന്നാൽ പണമില്ലെന്ന്​ പറഞ്ഞപ്പോൾ ഏജൻറ്​ പാസ്​പോർട്ട്​ തിരികെ നൽകിയില്ലത്രെ. തുടർന്ന്​ വിസയില്ലാത്ത അവസ്ഥയിലാണ്​ സുലൈമാ​​െൻറ ജീവിതം ബുദ്ധിമുട്ടിലാകുന്നത്​.

കിട്ടുന്ന ജോലി ചെയ്​ത്​ എവിടെയെങ്കിലും കഴിഞ്ഞ്​ കൂടിയ അദ്ദേഹത്തിന്​ നാട്ടിൽ പോകാൻ കഴിയാത്ത അവസ്ഥയായി. ആദ്യ അഞ്ച്​ വർഷങ്ങളിൽ വീട്ടിലേക്ക്​ കാശ്​ അയക്കുമായിരുന്നെന്ന്​ മകൻ സുധീർ ഗൾഫ്​ മാധ്യമത്തോട്​ പറഞ്ഞു. 2012 ൽ മൂത്തമകളുടെ വിവാഹം വീട്ടുകാർ തീരുമാനിച്ചപ്പോൾ സുലൈമാൻ തനിക്ക്​ വരാൻ കഴിയില്ലെന്ന്​ അറിയിച്ചിരുന്നു. ഇതിനുശേഷം കുറച്ച്​ വർഷങ്ങൾ കഴിഞ്ഞപ്പോൾ വീട്ടിലേക്കുള്ള ഫോൺ വിളിയും ഇല്ലാതായി. ജോലിയും ശമ്പളവും ഇല്ലാതാകുകയും ശാരീരികാരോഗ്യം ഇല്ലാതാകുകയും ചെയ്​തതോടെ എല്ലാ പ്രതീക്ഷകളും അസ്​തമിക്കുകയായിരുന്നെന്ന്​ സുലൈമാൻ വ്യക്തമാക്കുന്നു. 2014 വരെ താമസിച്ചത്​ അന്ന്​ തീപിടുത്തം ഉണ്ടായ ഒരു കെട്ടിടത്തിലായിരുന്നുവെന്ന്​ സുലൈമാൻ പറഞ്ഞു. തീപിടുത്തമുണ്ടായശേഷം താമസം മറ്റ്​ ചില സ്ഥലങ്ങളിലായി.

ഫാതിമാക്കുഞ്ഞി

അടുത്തിടെ മനാമയിലെ ഗല്ലിയിലെ ഇടിഞ്ഞുവീണ കെട്ടിടത്തിലായിരുന്നു താമസം. ഇവിടെ അപകടമുണ്ടായശേഷം താമസസ്ഥലം ഇല്ലാതെ കഷ്​ടപ്പെടുകയും മനാമ ഗല്ലിയിലെ ഒരു​ കെട്ടിടത്തിലെ ടെറസിൽ എത്തപ്പെടുകയുമായിരുന്നു. ഇവിടെ സാമൂഹിക പ്രവർത്തകർ എത്തി വിവരങ്ങൾ ചോദിച്ചറിഞ്ഞതോടെയാണ്​ ദുരിത ജീവിതത്തിന്​ താൽക്കാലിക ശമനമായത്​. കെ.എം.സി.സി നേതാവ്​ തേവലക്കര ബാദുഷ നാട്ടിൽ അന്വേഷിക്കുകയും സുലൈമാ​​െൻറ വീട്ടുകാരുമായി ഫോണിൽ ബന്​ധപ്പെടുകയും ചെയ്​തു. അപ്പോഴാണ്​ ഇദ്ദേഹത്തി​​െൻറ ഇളയ മകളുടെ വിവാഹം കഴിഞ്ഞ മാർച്ച്​ നാലിന്​ നടന്നതായും സുലൈമാനെ അറിയിക്കാൻ അവർ ശ്രമിച്ചുവെങ്കിലും നടക്കാതെ പോകുകയായിരുന്നുവെന്നും അറിയുന്നത്​.

കുടുംബം ഇപ്പോൾ തേവലക്കര വാടകക്ക്​ കഴിയുകയാണ്​. ഇനി എത്രയും വേഗം നാട്ടിലേക്ക്​ പോകണം എന്നാണ്​ സുലൈമാ​​െൻറ ആഗ്രഹം. നിരാലംബർക്കായി മുന്നിട്ടിറങ്ങുന്ന ബഹ്​റൈനിലെ സുമനസുകളുടെ കാരുണ്യം ഇൗ മനുഷ്യനും പ്രതീക്ഷിക്കുകയാണ്​. കെ.എം.സി.സി പ്രവർത്തകർ സുലൈമാനെ താൽക്കാലികമായി പുനരവധിവസിപ്പിക്കുകയും ചെയ്​തു. അലക്ഷ്യമായി വളർന്ന താടിയും മുടിയും വെട്ടിയൊതുക്കി പുതുവസ്​ത്രങ്ങൾ ധരിപ്പിച്ചതോടെ സുലൈമാ​​െൻറ മുഖത്തും പ്രകാശം പരന്നിട്ടുണ്ട്​.