ആത്മഹത്യ, ഹൃദ്രോഗമരണം: ബോധവത്​കരണത്തിന്​ തയ്യാറെന്ന്​ ബഹ്​റൈൻ ഹെൽത്ത്​ ആൻറ്​ സേഫ്​റ്റി സൊസൈറ്റി ​പ്രതിനിധി

മനാമ: മലയാളി പ്രവാസികൾക്കിടയിലെ ‘ആത്​മഹത്യ, ഹൃദ്രോഗ മരണ’ വർധനവ്​ വിഷയങ്ങളിൽ സാമൂഹിക സംഘടനകള​ുമായി ചേർന്ന്​ ബോധവത്​കരണം നടത്താൻ തയ്യാറാണെന്ന്​ ബഹ്​റൈൻ ഹെൽത്ത്​ ആൻറ്​ സേഫ്​റ്റി സൊസൈറ്റി പ്രതിനിധി ഡോ.മഹ ഷഹാബ് പറഞ്ഞു. ബഹ്​റൈൻ ചേംബർ ഒാഫ്​ കൊമേഴ്​സ്​ ആൻറ്​ ഇൻഡസ്​ട്രി, ഇൻറർനാഷണൽ ലേബർ ഒാർഗനൈസേഷൻ സഹകരണത്തോടെ സംഘടിപ്പിച്ച തൊഴിലാളി ക്ഷേമ സമ്മേളനത്തിൽ പ​െങ്കടുത്ത്​ സംസാരിക്കുകയായിരുന്നു ഡോ.മഹ. സമാപന ദിവസമായ ഇന്നലെ നടന്ന സെഷനിൽ വിഷയം അവതരിപ്പിച്ച ഡോ.മഹയോട്​ ചോദ്യോത്തര വേളയിൽ അൽ നമൽ ​ഗ്രൂപ്പ്​ എച്ച്​.ആർ ഒാഫീസർ സുനിൽ സി തോമസ്​ ആണ്​ ഇൗ വിഷയം ഉന്നയിച്ചത്​.

ബഹ്​റൈനിൽ മലയാളി പ്രവാസികൾക്കിടയിൽ ആത്​മഹത്യയും ഹൃ​ദയാഘാത മരണങ്ങളും വർധിച്ചു വരികയാണെന്നും തൊഴിലാളികൾക്കിടയിലാണ്​ ഇത്​ കൂടുതലെന്നും സുനിൽ ചൂണ്ടിക്കാട്ടി. ബഹ്​റൈൻ മലയാളികളായ പ്രവാസികൾക്ക്​ അനുയോജ്യമായ രാജ്യമായിട്ടും ചില മലയാളി പ്രവാസികളുടെ ജീവിതത്തിൽ സംഭവിക്കുന്ന മാനസികവും ശാരീരികവുമായ താളപ്പിഴകളാണ്​ ആത്​മഹത്യയിലേക്കും ഹൃദയാഘാത മരണങ്ങളിലേക്കും കൊണ്ടുചെന്ന്​ എത്തിക്കുന്നതെന്ന വസ്​തുതയും മലയാളിയായ സുനിൽ എടുത്തുപറഞ്ഞു. ഇതിനെ തുടർന്നാണ്​ വിഷയം ഗൗരവമുള്ളതാണെന്നും ശക്തമായ ബോധവത്​കരണ പ്രവർത്തനങ്ങൾ ആവശ്യമാണെന്നും ഡോ.മഹ പറഞ്ഞു. മടുപ്പും നിരാശയും ഉണ്ടാക്കുന്ന ചിന്തകൾ അകറ്റി പ്രവാസികളുടെ ജീവിതം മികച്ചതാക്കിയാൽ ആത്​മഹത്യകൾക്ക്​ പരിഹാരമുണ്ടാക്കാം. അതുപോലെ അനാ​േരാഗ്യകരമായ ജീവിത ശൈലികൾ ഒഴിവാക്കിയാൽ ഹൃ​ദ്രോഗം പോലുള്ളവയെ അകറ്റിനിർത്താം.

മലയാളി സമൂഹത്തിൽ പ്രത്യേകിച്ചും ലേബർ ക്യാമ്പിൽ മാനസിക, ശാരീരിക ആരോഗ്യ ബോധവത്​കരണ പരിപാടികൾ നടത്താൻ ബഹ്​റൈൻ ഹെൽത്ത്​ ആൻറ്​ സേഫ്​റ്റി സൊസൈറ്റി തയ്യാറാണെന്നും എന്നാൽ ഇതിനായി ബഹ്​റൈനിലെ സാമൂഹിക സംഘടനകളുമായി സഹകരിക്കാൻ താല്​പര്യമുണ്ടെന്നും അവർ പറഞ്ഞതായും സമ്മേളന പ്രതിനിധിയായ സുനിൽ സി. തോമസ്​ ‘ഗൾഫ്​മാധ്യമ’ത്തോട്​ പറഞ്ഞു. മലയാളി സമൂഹത്തിൽ അടുത്തിടെ നടന്ന ആത്​മഹത്യയെ കുറിച്ച്​ കഴിഞ്ഞ ദിവസവും സമ്മേളന പ്രതിനിധി ചൂണ്ടിക്കാട്ടിയിരുന്നു. സ​േമ്മളനം ഇന്നലെ സമാപിച്ചു. സമ്മേളനത്തിൽ ഇൻറർനാഷണൽ ലേബർ ഒാർഗനൈസേഷൻ പ്രതിനിധികളായ സോഫിയ കഖാൻ , ലാമ ക്വയ്​ജാൻ, ബി.സി.സി.​െഎ പ്രതിനിധി ഡോ.മനാഫ്​ ഹംസാഹ്​, മുഹമ്മദ്​ ഖെയിർ തുടങ്ങിയവർ സംബന്​ധിച്ചു.

അതേസമയം സമ്മേളനത്തിൽ ബഹ്​റൈൻ ഹെൽത്ത്​​ ആൻറ്​ സേഫ്​റ്റി സൊസൈറ്റിയുടെ നിലപാട്​ മലയാളി പ്രവാസി സമൂഹത്തിന്​ പ്രതീക്ഷ നൽകിയിട്ടുണ്ട്​. അതേസമയം ആത്​മഹത്യകളെ കുറിച്ച്​ പഠിക്കാനും ബോധവത്​കരിക്കാനും കൂടുതൽ മലയാളി സംഘടനകളും മുന്നി​ലേക്ക്​ വന്നിട്ടുണ്ട്​. ഭൂരിപക്ഷം മലയാളി ​പ്രവാസികളും ബഹ്​റൈനിലെ തൊഴിൽ, വേതന അവസ്ഥകളിൽ സംതൃപ്​തിയോടെ ജീവിക്കു​േമ്പാഴും ചില മലയാളികൾ നിരാശ ഭരിതമായ അവസ്ഥകളിലേക്ക്​ ചെന്നെത്തുന്നു എന്ന നിരീക്ഷണം അടുത്തകാലത്തായി ശക്തമാണ്​. ചില വ്യക്തികളുടെ ജീവിത വ്യതിയാനങ്ങൾ അതിന്​ ചെറുതല്ലാത്ത പങ്ക്​ വഹിക്കുന്നു.

സാമ്പത്തിക വിഷയത്തിലെ അടുക്കുംചിട്ടയുമില്ലായ്​മ, വരവിനെക്കാളും അമിതമായ ചെലവാക്കൽ, പലിശക്ക്​ പണമെടുക്കുക, അമിതമായ ലഹരി ഉപയോഗം, കുടുംബപ്രശ്​നങ്ങൾ എന്നിവയും ജീവിതമൊടുക്കലിന്​ മലയാളികളിൽ ചിലരെ പ്രേരിപ്പിക്കുന്നുണ്ട്​. നിർഭാഗ്യവശാൽ മലയാളികൾ ആത്​മഹത്യ ചെയ്യുന്ന സംഭവങ്ങളിൽ പലപ്പോഴും പ്രതിസ്ഥാനത്തുള്ളതും മലയാളികളാണ്​. മലയാളികൾക്കിടയിൽ പണം വട്ടിപലിശക്ക്​ നൽകുന്നതും മലയാളി സമൂഹത്തിലുള്ളവരാണ്​​. ഹൃദയാഘാത മരണങ്ങളും അമ്പരപ്പിക്കുന്ന രീതിയിലാണ്​ വർധിച്ചിട്ടുള്ളത്​. ആഴ്​ചയിൽ ഒന്നും രണ്ടും ഹൃദ്രോഗ മരണങ്ങൾ ഉണ്ടാകുന്നുണ്ട്​. മതിയായ ആരോഗ്യപരിശോധന നടത്താനോ, ഭക്ഷണ ക്രമീകരണത്തിനോ, നിത്യ വ്യായാമത്തിനോ ഭൂരിഭാഗംപേരും മിനക്കെടുന്നില്ല.
അടുത്തിടെയായി മലയാളി സംഘടനകൾ നടത്തുന്ന മെഡിക്കൽ ക്യാമ്പുകളിലെ പരി​ശോധന ഫലങ്ങൾ ആശങ്ക ഉണ്ടാക്കുന്നതാണെന്നും പറയപ്പെടുന്നു.