ഒരുമാസത്തിനുള്ളിലെ അഞ്ചാമത്തെ ആത്​മഹത്യ

മനാമ: കഴിഞ്ഞ ഒരുമാസത്തിനുള്ളിൽ അഞ്ച്​ മലയാളികളാണ്​ ബഹ്​​ൈറനിൽ ജീവനൊടുക്കിയത്​. ആഗസ്​റ്റ്​ ആറിന്​ കോഴിക്കോട്​ പയ്യോളി സ്വദേശിയായ 28 കാരനെ താമസസ്ഥലത്ത്​ തൂങ്ങിമരിച്ച നിലയിൽ കണ്ടിരുന്നു. കൂട്ടുകച്ചവടത്തിന്​ പണം നൽകിയ ചില മലയാളികൾ പണം തിരികെ ചോദിച്ച്​ ഇൗ യുവാവിനെ നിരന്തരം ശല്ല്യം ചെയ്​തിരുന്നതാണ്​ മരണകാരണമെന്ന്​ ആക്ഷേപമുണ്ടായിരുന്നു. ഇൗ യുവാവി​​​െൻറ മരണം നടന്ന്​ ഒരാഴ്​ച കഴിയുന്നതിന്​ മുമ്പാണ്​ ആഗസ്​റ്റ്​ 12 ന്​ മലയാളികളുടെ ഇരട്ട ആത്​മഹത്യവാർത്ത പുറത്തുവന്നത്​. ബഹ്​റൈനിലെ പ്രമുഖ ആശ​ുപത്രിയിൽ ​ഡോക്​ടർമാരായ സ്​ത്രീയും പുരുഷനുമാണ്​ അമിതമായി മര​ുന്ന്​ കുത്തിവെച്ച്​ മരിച്ചത്​. ഇവർ ബന്​ധുക്കളുമായിരുന്നു.

നാലാമത്തെ ആത്​മഹത്യ കോഴിക്കോട്​ വടകര തീക്കുനി സ്വദേശി പ്രകാശൻ മേമത്​പൊയിലി​​​​െൻറതാണ്​. ഇൗ പട്ടികയിൽ ഏറ്റവും ഒടുവിലായി ഇടംപിടിച്ചത്​ ഇന്നലെ മരിച്ച പത്തനംതിട്ട സ്വദേശിനിയാണ്​​. കോഴിക്കോട്​ പയ്യോളി സ്വദേശിയുടെത്​ സാമ്പത്തിക പ്രശ്​നങ്ങളെ തുടർന്നുള്ള ആത്​മഹത്യയാണന്ന്​ വ്യക്തമായിരുന്നെങ്കിലും മറ്റുള്ള നാലുപേർ ജീവനൊടുക്കാനുള്ള കാരണത്തെ കുറിച്ച്​ കൃത്യമായ ധാരണ ബന്​ധുക്കൾക്കും സുഹൃത്തുക്കൾക്കുമില്ല. മലയാളി പ്രവാസികൾക്കിടയിൽ ആത്​മഹത്യ വർധിക്ക​ുന്നതിന്​ പിന്നിൽ മലയാളികൾ തമ്മിലുള്ള പ്രശ്​നങ്ങളാണ്​ പലപ്പോഴും കാരണമാകുന്നത്​ എന്നതും ശ്ര​ദ്ധേയമാണ്​.