സെൻറ് പീറ്റേഴ്​സ്​ യാക്കോബായ സുറിയാനി പള്ളി മെഡിക്കൽ ക്യാമ്പ് നടത്തി

മനാമ: ബഹ്‌റൈൻ സ​െൻറ് പീറ്റേഴ്​സ്​ യാക്കോബായ സുറിയാനി പള്ളി യൂത്ത് അസോസിയേഷൻ തൊഴിലാളി ദിനത്തോടനുബന്ധിച്ച്​ അൽ ഹിലാൽ മെഡിക്കൽ സ​െൻറർ , മസ്കത്തി ഫാർമസി എന്നിവരുമായി ചേർന്നു ആൽബയിലെ ലേബർ ക്യാമ്പിൽ മെഡിക്കൽ ക്യാമ്പ് നടത്തി. പൊതുസമ്മേളനത്തിൽ ഇടവക വികാരി റെവ.ഫാ.നെബു എബ്രഹാം അധ്യക്ഷത വഹിച്ചു.

പള്ളി സെക്രട്ടറി ബെന്നി റ്റി ജേക്കബ് , പനോരമ കോൺട്രാക്ടിങ് ആൻറ്​ എഞ്ചിനീയറിംഗ് മാനേജ്​മ​െൻറ്​ പ്രതിനിധി മുഹമ്മദ് തൻവീർ ആലം, അൽ ഹിലാൽ മെഡിക്കൽ സ​െൻറർ പ്രതിനിധി തൗഹീദ്, മസ്കത്തി ഫർമസി സെയിൽസ് ആൻറ്​ മാർക്കറ്റിംഗ് മാനേജർ പാഷ എന്നിവർ ആശംസകൾ അർപ്പിച്ചു. യൂത്ത് അസോസിയേഷൻ സെക്രട്ടറി ജെൻസൺ മണ്ണൂർ ,ജോയിൻറ്​ സെക്രട്ടറി പ്രവീൺ വർഗീസ് എന്നിവർ നേതൃത്വം നൽകി.