സാമൂഹിക പ്രവർത്തകർ യോഗം ചേർന്നു

മനാമ: കേരളത്തിലേക്ക്​ സഹായ പ്രവർത്തനങ്ങൾ എത്തിക്ക​ുന്നതിന്​ കൂട്ടായി ആലോചിക്കുന്നതി​​​െൻറ ഭാഗമായി ബഹ്​റൈനിലെ സാമൂഹിക പ്രവർത്തകർ ഇന്നലെ രാത്രി എട്ടിന്​ ഇന്ത്യൻ മ്യൂസിക് ആർട്​സ്​ സ​​െൻററിൽ യോഗം ചേർന്നു. ബഹ്‌റൈന്‍ കേരളീയ സമാജം ഭാരവാഹികൾ ഉൾപ്പെടെയുള്ള വിവിധ സംഘടന പ്രതിനിധികൾ സംബന്​ധിച്ചു. ഇൗ യോഗത്തിന്​ അനുബന്​ധമായി ബഹ്‌റൈന്‍ കേരളീയ സമാജം കേരളത്തില്‍ പ്രളയക്കെടുതിയില്‍ ദുരിതമനുഭവിക്കുന്നവരെ  സഹായിക്കുന്നതുമായി ബന്ധപ്പെട്ടു സംഘടിപ്പിച്ച അടിയന്തിര യോഗം  സമാജം ഡയമണ്ട് ജൂബിലീ ഹാളില്‍ നടന്നു.

സമാജം അംഗങ്ങളും അല്ലാത്തവരുമായി നിരവധി പേര്‍ യോഗത്തില്‍ പങ്കെടുക്കുകയും അവരുടെ സഹായങ്ങള്‍ വാഗ്ദാനം ചെയ്യുകയും ചെയ്​തു.  ഇനിയും ഏറെ സഹായം ആവശ്യമുള്ളതിനാല്‍ സഹായം ചെയ്യാന്‍ താത്പര്യമുള്ളവര്‍ സമാജം ഹെൽപ്​ ഡെസ്കുമായി ബന്ധപ്പെടണമെന്ന് ഭാരവാഹികള്‍ അറിയിച്ചു.  പ്രളയ മേഖലയില്‍ നിന്നുള്ളവരെ സഹായിക്കുന്നതിനാവശ്യമായ വിവരങ്ങള്‍ ലഭിക്കുന്നതിനും കൂടുതല്‍ സഹായം എത്തിക്കുന്നതിനും വേണ്ടി സമാജം ഹെല്‍പ്പ് ലൈന്‍ ആരംഭിച്ചിട്ടുണ്ട്. കൂടുതല്‍ വിവരങ്ങള്‍ക്ക് 24 മണിക്കൂറും പ്രവര്‍ത്തിക്കുന്ന സമാജം ഹെല്‍പ്പ് ഡെസ്​കുമായി ബന്ധപ്പെടുക. (39440530,39398598,38300213)