സോ​ഷ്യ​ൽ ഇ​ൻ​ഷു​റ​ൻ​സ് ആ​നു​കൂ​ല്യ​ങ്ങ​ൾ ല​ഭി​ക്കു​ന്ന​ത് എ​ങ്ങ​നെ?

ബഹ്റൈനിലെ തൊഴിൽ നിയമങ്ങൾ എന്തൊക്കെയാണെന്നത് ഓരോ വിദേശ തൊഴിലാളിയും നിർബന്ധമായും അറിഞ്ഞിരിക്കേണ്ടതാണ്. ഇത് അറിയാത്തതുകൊണ്ടാണ് പല വഞ്ചനകളിലും പ്രയാസങ്ങളിലും പ്രവാസി തൊഴിലാളികൾ അകപ്പെടുന്നത്. അടിസ്​ഥാനപരമായി തൊഴിലാളികൾ അറിഞ്ഞിരിക്കേണ്ട നിയമങ്ങളെക്കുറിച്ച പംക്തിയാണിത്. പ്രവാസികളുടെ സംശയങ്ങൾക്കുള്ള മറുപടിയും പംക്തിയിലൂടെ ലഭ്യമാകും. bahrain@gulfmadhyamam.net എന്ന വിലാസത്തിലോ 39203865 വാട്​സാപ്​ നമ്പറിലോ സംശയങ്ങൾ അയക്കാം. ഇ​വി​ടെ ന​ൽ​കു​ന്ന വി​വ​ര​ങ്ങ​ൾ നി​യ​മോ​പ​ദേ​ശ​മാ​യി ക​ണ​ക്കാ​ക്ക​രു​ത്. വ്യ​ക്​​ത​മാ​യ നി​യ​മോ​പ​ദേ​ശം ല​ഭി​ക്കാ​ൻ ഒ​രു ബ​ഹ്​​റൈ​നി അ​ഭി​ഭാ​ഷ​ക​നെ സ​മീ​പി​ക്ക​ണം.

?സോ​ഷ്യ​ൽ ഇ​ൻ​ഷു​റ​ൻ​സി​ൽ​നി​ന്ന് ല​ഭി​ക്കു​ന്ന ആ​നു​കൂ​ല്യ​ങ്ങ​ൾ നേ​ടി​യെ​ടു​ക്കാ​നു​ള്ള ന​ട​പ​ടി​ക്ര​മ​ങ്ങ​ളും സ​മ​ർ​പ്പി​ക്കേ​ണ്ട രേ​ഖ​ക​ളും എ​ന്തൊ​ക്കെ​യാ​ണ്? ക​ഴി​ഞ്ഞ ആ​ഴ്ച​ക​ളി​ൽ എ​ഴു​തി​യ വി​വ​ര​ങ്ങ​ൾ വ​ള​രെ ഉ​പ​കാ​ര​പ്ര​ദ​മാ​ണ്.- സ​ന്തോ​ഷ് കു​മാ​ർ

1. സോ​ഷ്യ​ൽ ഇ​ൻ​ഷു​റ​ൻ​സി​ൽ​നി​ന്ന് ആ​നു​കൂ​ല്യ​ങ്ങ​ൾ ല​ഭി​ക്കാ​ൻ നി​ശ്ചി​ത ഫോ​റ​ത്തി​ലു​ള്ള അ​പേ​ക്ഷ അ​പ​ക​ടം ന​ട​ന്ന് 24 മ​ണി​ക്കൂ​റി​ന​കം സ​മ​ർ​പ്പി​ക്ക​ണം. ഇ​ത് ചെ​യ്യു​ന്ന​ത് തൊ​ഴി​ലു​ട​മ​യാ​ണ്. അ​പേ​ക്ഷ സ​മ​ർ​പ്പി​ച്ചാ​ൽ മാ​ത്ര​മേ ആ​നു​കൂ​ല്യ​മോ ന​ഷ്ട​പ​രി​ഹാ​ര​മോ ല​ഭി​ക്കാ​ൻ അ​ർ​ഹ​ത​യു​ണ്ടാ​കൂ.
   
2. അ​പ​ക​ടം കാ​ര​ണം അം​ഗ​വൈ​ക​ല്യ​മാ​ണ് സം​ഭ​വി​ച്ച​തെ​ങ്കി​ൽ അ​തി​​ന്റെ തോ​ത് തീ​രു​മാ​നി​ച്ച രേ​ഖ. ഇ​ത് ചി​കി​ത്സ​യെ​ല്ലാം ക​ഴി​ഞ്ഞ് മെ​ഡി​ക്ക​ൽ ക​മീ​ഷ​നാ​ണ് ന​ൽ​കു​ന്ന​ത്. അം​ഗ​വൈ​ക​ല്യ​ത്തി​​ന്റെ തോ​ത​നു​സ​രി​ച്ച് സോ​ഷ്യ​ൽ ഇ​ൻ​ഷു​റ​ൻ​സി​ൽ കാ​ണി​ച്ചി​രി​ക്കു​ന്ന ശ​മ്പ​ള​ത്തി​ന്റെ അ​ടി​സ്ഥാ​ന​ത്തി​ലാ​ണ് ന​ഷ്ട​പ​രി​ഹാ​രം ല​ഭി​ക്കു​ക. ഒ​രു നി​ശ്ചി​ത തു​ക​യാ​ണ് വി​ദേ​ശ തൊ​ഴി​ലാ​ളി​ക​ൾ​ക്ക് ല​ഭി​ക്കു​ക.
3. മ​ര​ണം സം​ഭ​വി​ക്കു​ക​യാ​ണെ​ങ്കി​ൽ മ​ര​ണ സ​ർ​ട്ടി​ഫി​ക്ക​റ്റ്.
4. അ​ന​ന്ത​രാ​വ​കാ​ശി​ക​ൾ ആ​രൊ​ക്കെ​യെ​ന്ന് തെ​ളി​യി​ക്കു​ന്ന രേ​ഖ (ലീ​ഗ​ൽ ഹെ​യ​ർ സ​ർ​ട്ടി​ഫി​ക്ക​റ്റ്).
5. അ​ന​ന്ത​രാ​വ​കാ​ശി​ക​ളു​ടെ ബാ​ങ്ക് അ​ക്കൗ​ണ്ട് വി​വ​ര​ങ്ങ​ൾ. ഓ​രോ അ​ന​ന്ത​രാ​വ​കാ​ശി​ക്കും ല​ഭി​ക്കു​ന്ന അ​ർ​ഹ​ത​യു​ടെ തോ​ത് പ്ര​കാ​രം ന​ഷ്ട​പ​രി​ഹാ​രം എ​ല്ലാ ന​ട​പ​ടി​ക​ളും പൂ​ർ​ത്തി​യാ​യ​ശേ​ഷം സോ​ഷ്യ​ൽ ഇ​ൻ​ഷു​റ​ൻ​സ് ബാ​ങ്ക് അ​ക്കൗ​ണ്ടി​ലേ​ക്ക് ന​ൽ​കും.
6. എ​ല്ലാ അ​ന​ന്ത​രാ​വ​കാ​ശി​ക​ൾ​ക്കും കൂ​ടി ല​ഭി​ക്കു​ന്ന ന​ഷ്ട​പ​രി​ഹാ​രം ഒ​രാ​ൾ​ക്ക് ന​ൽ​കാ​ൻ സാ​ധി​ക്കും. അ​ങ്ങ​നെ​യാ​ണ് ചെ​യ്യു​ന്ന​തെ​ങ്കി​ൽ അ​തി​നു​ള്ള രേ​ഖ​യും സ​മ​ർ​പ്പി​ക്ക​ണം. അ​താ​യ​ത്, പ്രാ​യ​മാ​കാ​ത്ത മ​ക്ക​ൾ​ക്ക് ല​ഭി​ക്കു​ന്ന വി​ഹി​തം അ​വ​രെ നോ​ക്കു​ന്ന ആ​ളി​ന്റെ പേ​രി​ലാ​ണ് ന​ൽ​കു​ന്ന​ത്. ഇ​തി​​നു​വേ​ണ്ടി ഒ​രു​ പ്ര​ത്യേ​ക പ​വ​ർ ഓ​ഫ് അ​റ്റോ​ണി ന​ൽ​കി​യാ​ൽ മ​തി. അ​തു​പോ​ലെ, ഇ​വി​ടെ ഒ​രു ബ​ഹ്റൈ​നി അ​ഭി​ഭാ​ഷ​ക​നെ നി​യ​മി​ക്കു​ക​യോ വേ​റെ ആ​രെ​യെ​ങ്കി​ലും അ​ധി​കാ​ര​പ്പെ​ടു​ത്തു​ക​യോ ചെ​യ്യ​ണം. ഇ​തി​നാ​യി പ​വ​ർ ഓ​ഫ് അ​റ്റോ​ണി ന​ൽ​ക​ണം.