പാ​സ്പോ​ർ​ട്ട് സേ​വ​ന​ങ്ങ​ള​ട​ക്കം ആ​റ് സ​ർ​ക്കാ​ർ സേ​വ​ന​ങ്ങ​ൾ കൂ​ടി ഇ​നി ഓ​ൺ​ലൈ​ൻ വ​ഴി

മ​നാ​മ: വി​ദേ​ശി​ക​ൾ​ക്കും സ്വ​ദേ​ശി​ക​ൾ​ക്കു​മു​ള്ള പാ​സ്പോ​ർ​ട്ട് സേ​വ​ന​ങ്ങ​ള​ട​ക്കം ആ​റ് സ​ർ​ക്കാ​ർ സേ​വ​ന​ങ്ങ​ൾ കൂ​ടി ഓ​ൺ​ലൈ​ൻ വ​ഴി ല​ഭ്യ​മാ​കു​മെ​ന്ന് ആ​ഭ്യ​ന്ത​ര മ​ന്ത്രാ​ല​യം. പാ​സ്പോ​ർ​ട്ട് ഡേ​റ്റ​ക​ൾ പു​തു​ക്ക​ൽ, അ​പേ​ക്ഷ​ക​ളെ​ക്കു​റി​ച്ചു​ള്ള അ​ന്വേ​ഷ​ണം, പാ​സ്പോ​ർ​ട്ട് പു​തു​ക്കു​ന്ന​തി​നു​ള്ള അ​പേ​ക്ഷ​ക​ൾ റ​ദ്ദ് ചെ​യ്യ​ൽ, വി​ദേ​ശ ന​വ​ജാ​ത ശി​ശു​ക്ക​ളു​ടെ ര​ജി​സ്ട്രേ​ഷ​ൻ, ന​വ​ജാ​ത ശി​ശു​ക്ക​ളു​ടെ പൗ​ര​ത്വ ര​ജി​സ്ട്രേ​ഷ​ൻ അ​പേ​ക്ഷ​ക​ളെ​ക്കു​റി​ച്ചു​ള്ള അ​ന്വേ​ഷ​ണം, ന​വ​ജാ​ത ശി​ശു​ക്ക​ളു​ടെ പൗ​ര​ത്വ ര​ജി​സ്ട്രേ​ഷ​ൻ അ​പേ​ക്ഷ​ക​ൾ റ​ദ്ദ് ചെ​യ്യ​ൽ എ​ന്നി​ങ്ങ​നെ ആ​റ് സേ​വ​ന​ങ്ങ​ളാ​ണ് പു​തു​താ​യി പോ​ർ​ട്ട​ലി​ൽ ഉ​ൾ​പ്പെ​ടു​ത്തി​യ​ത്.

കി​രീ​ടാ​വ​കാ​ശി​യും പ്ര​ധാ​ന​മ​ന്ത്രി​യു​മാ​യ പ്രി​ൻ​സ്​ സ​ൽ​മാ​ൻ ബി​ൻ ഹ​മ​ദ്​ ആ​ൽ ഖ​ലീ​ഫ​യു​ടെ നി​ർ​ദേ​ശ പ്ര​കാ​രം ആ​ഭ്യ​ന്ത​ര മ​ന്ത്രി ജ​ന​റ​ൽ ശൈ​ഖ്​ റാ​ശി​ദ്​ ബി​ൻ അ​ബ്​​ദു​ല്ല ആ​ൽ ഖ​ലീ​ഫ​യു​ടെ നേ​തൃ​ത്വ​ത്തി​ൽ രാ​ജ്യ​ത്ത് ഡി​ജി​റ്റ​ൽ സം​രം​ഭ​ങ്ങ​ൾ വി​പു​ലീ​ക​രി​ക്കു​ന്ന​തി​ന്‍റെ ഭാ​ഗ​മാ​യാ​ണ് ആ​റു സേ​വ​ന​ങ്ങ​ൾ കൂ​ടി bahrain.bh എ​ന്ന പോ​ർ​ട്ട​ൽ വ​ഴി ആ​രം​ഭി​ച്ച​ത്. രാ​ജ്യ​ത്ത് താ​മ​സി​ക്കു​ന്ന എ​ല്ലാ​വ​ർ​ക്കും ഉ​പ​യോ​ഗി​ക്കാ​ൻ ക​ഴി​യു​ന്ന ത​ര​ത്തി​ലും സു​താ​ര്യ​വും കാ​ര്യ​ക്ഷ​മ​മാ​വാ​നും​വേ​ണ്ടി​യു​മാ​ണ് സ​ർ​ക്കാ​ർ സേ​വ​ന​ങ്ങ​ളെ​ല്ലാം ഓ​ൺ​ലൈ​ൻ പോ​ർ​ട്ട​ലു​ക​ളി​ലേ​ക്ക് മാ​റ്റി​യ​ത്. നി​ല​വി​ൽ പ്ര​ഖ്യാ​പി​ക്ക​പ്പെ​ട്ട ആ​റു സേ​വ​ന​ങ്ങ​ളും നാ​ഷ​ന​ൽ പാ​സ്പോ​ർ​ട്ട് ആ​ൻ​ഡ് റെ​സി​ഡ​ൻ​റ്സ് അ​ഫ​യേ​ഴ്സ് (എ​ൻ.​പി.​ആ​ർ.​എ), ഇ​ൻ​ഫ​ർ​മേ​ഷ​ൻ ആ​ൻ​ഡ് ഇ-​ഗ​വ​ൺ​മെ​ന്‍റ് അ​തോ​റി​റ്റി‍യു​മാ​യി സ​ഹ​ക​രി​ച്ചാ​ണ് ന​ട​പ്പാ​ക്കി​യ​ത്.

ഡി​ജി​റ്റ​ൽ പ്ലാ​റ്റ്ഫോ​മു​ക​ൾ വ​ഴി സു​ഗ​മ​വും കാ​ര്യ​ക്ഷ​മ​വു​മാ​യ സേ​വ​ന​ങ്ങ​ൾ ന​ൽ​കു​ന്ന​തി​നു​ള്ള സ​ർ​ക്കാ​റി​ന്‍റെ പ്ര​തി​ബ​ദ്ധ​ത​യാ​ണി​തെ​ന്ന് ദേ​ശീ​യ, പാ​സ്പോ​ർ​ട്ട് താ​മ​സ​കാ​ര്യ​ങ്ങ​ൾ​ക്കാ​യു​ള്ള ആ​ഭ്യ​ന്ത​ര മ​ന്ത്രാ​ല​യ​ത്തി​ന്‍റെ അ​ണ്ട​ർ സെ​ക്ര​ട്ട​റി ശൈ​ഖ് ഹി​ഷാം ബി​ൻ അ​ബ്ദു​റ​ഹ്മാ​ൻ അ​ൽ ഖ​ലീ​ഫ പ​റ​ഞ്ഞു. പു​തു​താ​യി അ​വ​ത​രി​പ്പി​ച്ച സേ​വ​ന​ങ്ങ​ൾ ഇ​ട​പാ​ടു​ക​ൾ ല​ളി​ത​മാ​ക്കാ​നും സ​മ​യം ലാ​ഭി​ക്കാ​നു​മാ​ണ് ല​ക്ഷ്യ​മി​ടു​ന്ന​തെ​ന്നും അ​തു​വ​ഴി സേ​വ​ന കേ​ന്ദ്ര​ങ്ങ​ളി​ലേ​ക്ക് നേ​രി​ട്ട് വ​രു​ന്ന​ത് ഒ​ഴി​വാ​ക്കാ​മെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. കൂ​ടു​ത​ൽ അ​ന്വേ​ഷ​ണ​ങ്ങ​ൾ​ക്ക് 17077077 എ​ന്ന ന​മ്പ​റി​ലോ, info@npra.gov.bh എ​ന്ന ഇ-​മെ​യി​ൽ വ​ഴി​യോ ബ​ന്ധ​പ്പെ​ടാം.