രാജ്യത്തെ സർക്കാർ ജോലികളിൽ ബഹ്റൈനികളുടെ എണ്ണത്തിൽ ഗണ്യമായ വർധനവ്

മ​നാ​മ: രാ​ജ്യ​ത്തെ സ​ർ​ക്കാ​ർ ജോ​ലി​ക​ളി​ൽ ബ​ഹ്റൈ​നി​ക​ളു​ടെ എ​ണ്ണ​ത്തി​ൽ ഗ​ണ്യ​മാ​യ വ​ർ​ധ​ന. വി​ദേ​ശി നി​യ​മ​ന​ത്തി​ന്‍റെ തോ​ത് കു​റ​ച്ച​തും സ്വ​ദേ​ശി വ​ത്ക​ര​ണ പ​ദ്ധ​തി​യോ​ടു​ള്ള സ​ർ​ക്കാ​റി​ന്‍റെ പ്ര​തി​ബ​ദ്ധ​ത​യു​മാ​ണ് പൊ​തു സ്ഥാ​പ​ന​ങ്ങ​ളി​ൽ സ്വ​ദേ​ശി നി​യ​മ​നം വ​ർ​ധി​പ്പി​ച്ച​ത്. സ​ർ​ക്കാ​ർ ത​സ്തി​ക​ക​ളി​ൽ നി​ല​വി​ൽ 35670 ബ​ഹ്റൈ​നി​ക​ൾ​ക്ക് സ്ഥി​ര ജോ​ലി​യു​ണ്ടെ​ന്നാ​ണ് ക​ണ​ക്കു​ക​ൾ സൂ​ചി​പ്പി​ക്കു​ന്ന​ത്. ഇ​ത് ആ​കെ തൊ​ഴി​ലാ​ളി​ക​ളു​ടെ 99.8 ശ​ത​മാ​ന​ത്തോ​ളം വ​രും. ക​ഴി​ഞ്ഞ ഏ​ഴ് വ​ർ​ഷ​ത്തി​നു​ള്ളി​ൽ പൊ​തു​മേ​ഖ​ല​യി​ലെ വി​ദേ​ശ നി​യ​മ​ന​ങ്ങ​ളി​ൽ 25 ശ​ത​മാ​ന​ത്തി​ന്‍റെ കു​റ​വാ​ണ് രേ​ഖ​പ്പെ​ടു​ത്തി​യ​ത്.

പാ​ർ​ല​മെ​ന്‍റ്, ശൂ​റ കൗ​ൺ​സി​ൽ കാ​ര്യ മ​ന്ത്രി ഗാ​നിം അ​ൽ ബു​ഐ​നൈ​നാ​ണ് വി​വ​ര​ങ്ങ​ൾ രേ​ഖാ​മൂ​ലം അ​റി​യി​ച്ച​ത്. 83 ബ​ഹ്റൈ​നി​ക​ൾ താ​ൽ​ക്കാ​ലി​ക അ​ടി​സ്ഥാ​ന​ത്തി​ൽ ജോ​ലി ചെ​യ്യു​ന്നു​ണ്ട്. ഇ​ത് ആ​കെ​യു​ള്ള​തി​ന്‍റെ 0.2 ശ​ത​മാ​ന​മാ​ണെ​ന്നും മ​ന്ത്രി പ​റ​ഞ്ഞു.

സ​ർ​ക്കാ​ർ ഏ​ജ​ൻ​സി​ക​ളി​ലു​ട​നീ​ളം വി​വി​ധ ത​സ്തി​ക​ക​ളി​ൽ 152 പൗ​ര​ന്മാ​ർ പാ​ർ​ട് ടൈം ​അ​ടി​സ്ഥാ​ന​ത്തി​ലും ജോ​ലി ചെ​യ്യു​ന്നു​ണ്ടെ​ന്നും അ​ദ്ദേ​ഹം പ​റ​ഞ്ഞു. സ​ർ​ക്കാ​ർ സ്ഥാ​പ​ന​ങ്ങ​ളി​ലെ ജീ​വ​ന​ക്കാ​രു​ടെ എ​ണ്ണ​ത്തി​ൽ വ്യ​ക്ത​ത തേ​ടി പാ​ർ​ല​മെ​ന്റി​ന്റെ നി​യ​മ​നി​ർ​മാ​ണ, നി​യ​മ​കാ​ര്യ സ​മി​തി ചെ​യ​ർ​മാ​ൻ മ​ഹ​മൂ​ദ് ഫ​ർ​ദാ​ൻ സ​മ​ർ​പ്പി​ച്ച ചോ​ദ്യ​ങ്ങ​ൾ​ക്ക് മ​റു​പ​ടി പ​റ​യു​ക​യാ​യി​രു​ന്നു മ​ന്ത്രി.

മ​ന്ത്രാ​ല​യ​ങ്ങ​ളി​ലും സ​ർ​ക്കാ​ർ സ്ഥാ​പ​ന​ങ്ങ​ളി​ലും ക​രാ​ർ പ്ര​കാ​രം ജോ​ലി ചെ​യ്യു​ന്ന വി​ദേ​ശി​ക​ളു​ടെ എ​ണ്ണം 5686 ആ​യി കു​റ​ഞ്ഞി​ട്ടു​ണ്ട്. 2019ൽ ​ഇ​ത് 7582 ആ​യി​രു​ന്നു. 25 ശ​ത​മാ​ന​ത്തി​ന്‍റെ കു​റ​വാ​ണി​ത്. സേ​വ​ന​ങ്ങ​ളു​ടെ ഗു​ണ നി​ല​വാ​ര​ത്തേ​യോ ന​ട​ത്തി​പ്പി​നേ​യോ ബാ​ധി​ക്കാ​ത്ത രൂ​പ​ത്തി​ലാ​ണ് വി​ദേ​ശി തൊ​ഴി​ലാ​ളി​ക​ളെ ഞ​ങ്ങ​ൾ മാ​റ്റി സ്ഥാ​പി​ച്ച​തെ​ന്നും മ​ന്ത്രി കൂ​ട്ടി​ച്ചേ​ർ​ത്തു. ഒ​ഴി​വു​ക​ൾ റി​പ്പോ​ർ​ട്ട് ചെ​യ്യു​മ്പോ​ൾ യോ​ഗ്യ​ത​യു​ള്ള ബ​ഹ്റൈ​നി ഉ​ദ്യോ​ഗ​സ്ഥ​ർ​ക്ക് മു​ൻ​ഗ​ണ​ന ന​ൽ​കി​യാ​ണ് ഇ​ത് ന​ട​പ്പാ​ക്കി​യ​ത്.

വി​ദേ​ശി​ക​ളി​ൽ അ​ധി​ക​വും ആ​രോ​ഗ്യം, വി​ദ്യാ​ഭ്യാ​സം എ​ന്നീ മേ​ഖ​ല​ക​ളി​ലാ​ണു​ള്ള​ത്. 31.5 ശ​ത​മാ​നം പേ​ർ ആ​രോ​ഗ്യ സം​ര​ക്ഷ​ണ മേ​ഖ​ല​യി​ൽ കേ​ന്ദ്രീ​ക​രി​ച്ച​പ്പോ​ൾ 59 ശ​ത​മാ​നം പേ​ർ വി​ദ്യാ​ഭ്യാ​സ മേ​ഖ​ല​ക​ളി​ലാ​ണു​ള്ള​ത്. ബാ​ക്കി 9.5 ശ​ത​മാ​നം മാ​ത്ര​മാ​ണ് മ​റ്റു മേ​ഖ​ല​ക​ളി​ലു​ള്ള​തെ​ന്നും മ​ന്ത്രി പ​റ​ഞ്ഞു. യോ​ഗ്യ​ത‍യു​ള്ള ബ​ഹ്റൈ​നി​ക​ളു​ടെ അ​ഭാ​വ​മു​ണ്ടെ​ങ്കി​ൽ മാ​ത്ര​മേ ഇ​നി വി​ദേ​ശി​ക​ളെ ഇ​ത്ത​രം മേ​ഖ​ല​ക​ളി​ൽ നി​യോ​ഗി​ക്കൂ​വെ​ന്നും മ​ന്ത്രി പ​റ​ഞ്ഞു.