സ്ഥാനമൊഴിയുന്ന യു.എസ് അംബാസഡറുമായി ശൂറ കൗൺസിൽ ചെയർമാൻ കൂടിക്കാഴ്ച നടത്തി

മ​നാ​മ: ശൂ​റ കൗ​ൺ​സി​ൽ ചെ​യ​ർ​മാ​ൻ അ​ലി ബി​ൻ സാ​ലി​ഹ് അ​ൽ സാ​ലി​ഹ് സ്ഥാ​ന​മൊ​ഴി​യു​ന്ന യു.​എ​സ് അം​ബാ​സ​ഡ​ർ സ്റ്റീ​വ​ൻ സി. ​ബോ​ണ്ടി​യു​മാ​യി കൂ​ടി​ക്കാ​ഴ്ച ന​ട​ത്തി. ശൂ​റ കൗ​ൺ​സി​ൽ സെ​ക്ര​ട്ട​റി ജ​ന​റ​ൽ ക​രി​മ മു​ഹ​മ്മ​ദ് അ​ൽ അ​ബ്ബാ​സി​യും സ​ന്നി​ഹി​ത​യാ​യി​രു​ന്നു. ബ​ഹ്‌​റൈ​നും യു.​എ​സും ത​മ്മി​ലു​ള്ള ദീ​ർ​ഘ​കാ​ല ബ​ന്ധം, ഫ​ല​പ്ര​ദ​മാ​യ പ​ങ്കാ​ളി​ത്തം, അ​ടു​ത്ത സ​ഹ​ക​ര​ണം, പ​ര​സ്പ​ര താ​ൽ​പ​ര്യ​ങ്ങ​ൾ നി​റ​വേ​റ്റു​ന്ന​തി​നു​ള്ള നി​ര​ന്ത​ര​മാ​യ ഏ​കോ​പ​നം എ​ന്നി​വ​യി​ലൂ​ടെ കൂ​ടു​ത​ൽ ശ​ക്ത​മാ​യി വ​ള​രു​ക​യാ​ണെ​ന്ന് ചെ​യ​ർ​മാ​ൻ പ​റ​ഞ്ഞു. അം​ബാ​സ​ഡ​ർ​ക്ക് ഭാ​വി ന​യ​ത​ന്ത്ര ക​രി​യ​റി​ലു​ള്ള ആ​ശം​സ​ക​ളും അ​ദ്ദേ​ഹം നേ​ർ​ന്നു.

ഇ​രു​രാ​ജ്യ​ങ്ങ​ളും ത​മ്മി​ലു​ള്ള ബ​ന്ധ​ത്തി​ന്റെ ഉ​യ​ർ​ന്ന നി​ല​വാ​ര​ത്തെ​യും രാ​ജാ​വ് ഹ​മ​ദ് ബി​ൻ ഈ​സ ആ​ൽ ഖ​ലീ​ഫ​യു​ടെ​യും യു.​എ​സ് പ്ര​സി​ഡ​ന്റ് ഡോ​ണ​ൾ​ഡ് ട്രം​പി​ന്റെ​യും പി​ന്തു​ണ​യോ​ടെ​യു​ള്ള വി​വി​ധ വി​ക​സ​ന മേ​ഖ​ല​ക​ളി​ലു​ണ്ടാ​യ പൊ​തു​വാ​യ നേ​ട്ട​ങ്ങ​ളെ​യും അ​ൽ സാ​ലി​ഹ് പ്ര​ശം​സി​ച്ചു. അം​ബാ​സ​ഡ​റു​ടെ ന​യ​ത​ന്ത്ര​ശ്ര​മ​ങ്ങ​ളെ​യും ഉ​ഭ​യ​ക​ക്ഷി​ബ​ന്ധം ശ​ക്തി​പ്പെ​ടു​ത്തു​ന്ന​തി​നു​ള്ള അ​ദ്ദേ​ഹ​ത്തി​ന്റെ സം​ഭാ​വ​ന​ക​ളെ​യും അ​ൽ സാ​ലി​ഹ് അ​ഭി​ന​ന്ദി​ച്ചു. ഇ​രു​രാ​ജ്യ​ങ്ങ​ളെ​യും ഒ​ന്നി​പ്പി​ക്കു​ന്ന ആ​ഴ​ത്തി​ലു​ള്ള ച​രി​ത്ര​പ​ര​മാ​യ അ​ടി​ത്ത​റ​യും ത​ന്ത്ര​പ​ര​മാ​യ പ​ങ്കാ​ളി​ത്ത​വും അ​ദ്ദേ​ഹം എ​ടു​ത്തു​പ​റ​ഞ്ഞു.

യു.​എ​സ് സെ​ന​റ്റു​മാ​യും ജ​ന​പ്ര​തി​നി​ധി സ​ഭ​യു​മാ​യും കൂ​ടു​ത​ൽ ബ​ന്ധം സ്ഥാ​പി​ക്കു​ന്ന​തി​നും പാ​ർ​ല​മെ​ന്റ​റി സ​ഹ​ക​ര​ണം പ്രോ​ത്സാ​ഹി​പ്പി​ക്കു​ന്ന​തി​നും ശൂ​റ കൗ​ൺ​സി​ലി​നു​ള്ള പ്ര​തി​ബ​ദ്ധ​ത​യും ചെ​യ​ർ​മാ​ൻ ആ​വ​ർ​ത്തി​ച്ചു. ബ​ഹ്‌​റൈ​ന്റെ വി​വി​ധ മേ​ഖ​ല​ക​ളി​ലു​ള്ള പു​രോ​ഗ​തി​യി​ൽ അ​ഭി​മാ​നം പ്ര​ക​ടി​പ്പി​ച്ച സ്റ്റീ​വ​ൻ രാ​ജ്യ​ത്തെ ത​ന്റെ ന​യ​ത​ന്ത്ര​ദൗ​ത്യം സ​ഹ​വ​ർ​ത്തി​ത്വ​ത്തി​ന്റെ​യും സ​ഹി​ഷ്ണു​ത​യു​ടെ​യും മൂ​ല്യ​ങ്ങ​ൾ അ​നു​ഭ​വി​ക്കാ​ൻ ല​ഭി​ച്ച അ​ർ​ഥ​വ​ത്താ​യ അ​വ​സ​ര​മാ​ണെ​ന്ന് വി​ശേ​ഷി​പ്പി​ച്ചു.പൊ​തു​വാ​യ ല​ക്ഷ്യ​ങ്ങ​ൾ കൈ​വ​രി​ക്കു​ന്ന​തി​നും സ​ഹ​ക​ര​ണം വി​ക​സി​പ്പി​ക്കു​ന്ന​തി​നും വി​ക​സ​ന​വും സ​മൃ​ദ്ധി​യും കൂ​ടു​ത​ൽ പ്രോ​ത്സാ​ഹി​പ്പി​ക്കു​ന്ന​തി​നാ​യി ക​രാ​റു​ക​ളും ധാ​ര​ണ​പ​ത്ര​ങ്ങ​ളും സ​ജീ​വ​മാ​ക്കു​ന്ന​തി​നും ഇ​രു​രാ​ജ്യ​ങ്ങ​ളും ത​മ്മി​ലു​ള്ള ശ്ര​മ​ങ്ങ​ളും അ​ദ്ദേ​ഹം എ​ടു​ത്തു​പ​റ​ഞ്ഞു.