ആർപ്പുവിളികൾക്കും ആവേശത്തിരകൾക്കുമിടയിൽ ‘ശ്രാവണം’ കൊടിയേറി

മനാമ: ബഹ്​റൈൻ കേരളീയ സമാജത്തി​​െൻറ ഒാണാഘോഷമായ ‘ശ്രാവണ’ത്തിന്​ ഉജ്ജ്വലത്തുടക്കം. ഒരു മാസത്തോളമുള്ള ഒാണപ്പരിപാടികളുടെ വിളംബരം അറിയിച്ച്​ സമാജത്തിന്​ മുന്നിൽ ഇന്നലെ ‘ഒാണക്കൊടിയേറ്റ്​’ നടന്നു. സമാജം പ്രസിഡൻറ്​ പി.വി.രാധാകൃഷ്​ണപിള്ള, ജനറൽ സെക്രട്ടറി എം.പി.രഘു, വൈസ്​ പ്രസിഡൻറ്​ മോഹൻരാജ്​, കലാവിഭാഗം സെക്രട്ടറി ഹരീഷ്​മേനോൻ തുടങ്ങിയവരുടെ നേതൃത്വത്തിലാണ്​ ഒാണക്കൊടിയേറ്റ്​ നടന്നത്​. തുടർന്ന്​ ഒാണാഘോഷത്തി​​െൻറ സുപ്രധാനമത്​സരമായ വടംവലി ആരംഭിച്ചു. 10 സ​െൻറീമീറ്റർ വ്യാസമുള്ള വടമാണ്​ ഇതിനായി തയ്യാറാക്കിയിരിയിരുന്നത്​. വടംവലി മത്​സരം കാണാനും ടീമുകൾക്ക്​ ആവേശം നൽകാനും നൂറുകണക്കിന്​ ആളുകളാണ്​ എത്തിച്ചേർന്നത്​. പ്രഫഷനൽ വടംവലി മത്​സരങ്ങളെ ഒാർമ്മിപ്പിക്കുന്ന തരത്തിലാണ്​ ടീമുകൾ ഏറ്റുമുട്ടിയത്​. എട്ടംഗ സംഘമാണ്​ ഒാരോ ടീമിലും അണിനിരന്നത്​. പുരുഷൻമാർക്കുശേഷം വനിതകളുടെ വടംവലി നടന്നു. ബഹ്​റൈൻ കേരളീയ സമാജം, മലയാളി മോംസ്​ മിഡിലീസ്​റ്റ്​ ടീമുകളാണ്​ ഇൗ വിഭാഗത്തിൽ മത്​സരിക്കാനിറങ്ങിയത്​. വനിതകളുടെ ആദ്യ മത്​സരത്തിനിടെ സമാജം ടീമിലെ ഒരാൾക്ക്​ കാലിന്​ പരിക്കേൽക്കുകയും തുടർന്ന്​ ടീമിൽ പകരം ആൾ ഇറങ്ങുകയും ചെയ്​തു.

കഴിഞ്ഞ ദിവസം കബഡി മത്​സരവും നടന്നിരുന്നു. ഇതിൽ ഇന്ത്യയിലെ വിവിധ സംസ്ഥാനങ്ങളിലെ പത്തോളം ടീമുകളാണ്​ പ​െങ്കടുത്തത്​. ബഹ്‌റൈൻ കേരളീയ സമാജം ഇൗ വർഷം വിപുലമായ ഓണാഘോഷ പരിപാടികളാണ് ആസൂത്രണം ചെയ്തിരിക്കുന്നത്. 19 ന്​ കലാപരിപാടികൾ തുടങ്ങും. 27 ന്​ ഗ്രാൻറ്​ ഫിനാലെ. കെ.എസ് ചിത്ര, നരേഷ് ഐയ്യര്‍, സിതാര, നീരജ്, നജീം അര്‍ഷാദ്, മധു ബാലകൃഷ്ണന്‍ തുടങ്ങിയവരുടെ പ്രകടനങ്ങൾക്ക് പുറമെ സൂര്യ ടീം അവതരിപ്പിക്കുന്ന ‘അഗ്നി’പ്രദർശനവും നടക്കും. ഭക്ഷ്യമേളയും ഓണാഘോഷങ്ങളുടെ ഭാഗമായി നടക്കും. ഒക്​ടോബർ നാലിന്​ ഒാണസദ്യയിൽ 5000പേർ പ​െങ്കടുക്കും. ബി.കെ.എസ് എക്സിക്യൂട്ടീവ് കമ്മിറ്റിക്ക് പുറമെ പവനന്‍ തോപ്പില്‍ ജനറൽ കൺവീനറായ വിപുലമായ ആഘോഷകമ്മിറ്റിയാണ് പരിപാടികൾക്ക് നേതൃത്വം കൊടുക്കുന്നത്. നിരവധി സബ് കമ്മിറ്റികളും നിലവിലുണ്ട്.

പലഹാരമേളയിൽ മാമ്പഴപ്പായിസം മുതൽ മുട്ടമാലവരെ
മനാമ: ഒാണാഘോഷത്തിന്​ തുടക്കം കുറിച്ച്​ ബഹ്​റൈൻ കേരളീയ സമാജത്തിൽ നടന്ന പലഹാരമേളയിൽ രുചിയുടെ വൈിദ്ധ്യങ്ങളുമായി നിരവധി വിഭവങ്ങൾ നിരന്നു. അരിമുറുക്ക്​, അച്ചപ്പം, ഉണ്ണിയപ്പം, നെയ്യപ്പം,ചക്കരവരട്ടിയത്​, കായ വറുത്തത്​, അട,അരിയുണ്ട, കിണ്ണത്തപ്പം, ഉഴുന്നുവട, പഴംപൊരി, ഉള്ളിവട, പരിപ്പുവട, മുളക്​ബജി, വടക്കൻ കേരളത്തിലെ പലഹാരങ്ങളായ ഉന്നക്കായ നിറച്ചത്​, മുട്ടമാല, കല്ലുമ്മക്കായ പൊരിച്ചത്​, കപ്പബിരിയാണി, ഉൗത്തപ്പം, മാമ്പഴപ്പായിസം തുടങ്ങിയ വിഭവങ്ങളാണ്​ മേളയിൽ ഉണ്ടായിരുന്നത്​.
ഇവയെല്ലാം തത്​സമയം ഉണ്ടാക്കി ചൂടോടെ വിളമ്പുകയായിരുന്നു. സൈക്കിളിൽ എത്തിയ ​െഎസ്​ വിൽപ്പനക്കാരനും ശ്രദ്ധേയനായി. മായാഉദയൻ,സിജിബിനു, മുനീറ ലത്തീഫ്​,ജെസീല, സ്​നേഹപ്രതീഷ്​, അസീദ ജമാൽ, സാലിഹ ഫൈസൽ, സുഹ്​റ, നദീറ മുനീർ തുടങ്ങിയവർ നേതൃത്വം നൽകിയ 15 ഒാളം സ്​റ്റാളുകളാണ്​ മേളയിൽ അണിനിരന്നത്​. രാത്രി 10 കഴിഞ്ഞിട്ടും ആൾത്തിരക്ക്​ അവസാനിച്ചിട്ടുണ്ടായിരുന്നില്ല.