ലി​യോ പ​തി​നാ​ലാ​മ​ൻ മാ​ർ​പാ​പ്പ​യു​ടെ സ്ഥാ​നാ​രോ​ഹ​ണ ച​ട​ങ്ങി​ൽ പ​ങ്കെ​ടു​ത്ത് ശൈ​ഖ് ഈ​സ ബി​ൻ സ​ൽ​മാ​ൻ

മ​നാ​മ: ലി​യോ പ​തി​നാ​ലാ​മ​ൻ മാ​ർ​പാ​പ്പ​യു​ടെ സ്ഥാ​നാ​രോ​ഹ​ണ ച​ട​ങ്ങി​ൽ പ​ങ്കെ​ടു​ത്ത് ശൈ​ഖ് ഈ​സ ബി​ൻ സ​ൽ​മാ​ൻ ബി​ൻ ഹ​മ​ദ് ആ​ൽ ഖ​ലീ​ഫ.

വ​ത്തി​ക്കാ​ൻ സി​റ്റി​യി​ലെ സെ​ന്‍റ് പീ​റ്റേ​ഴ്സ് സ്ക്വ​യ​റി​ൽ ന​ട​ന്ന ച​ട​ങ്ങി​ൽ രാ​ജാ​വ് ഹ​മ​ദ് ബി​ൻ ഈ​സ ആ​ൽ ഖ​ലീ​ഫ​യു​ടെ പ്ര​തി​നി​ധി​യാ​യാ​ണ് ശൈ​ഖ് ഈ​സ അ​ട​ങ്ങി​യ സം​ഘം പ​ങ്കെ​ടു​ത്ത​ത്.

മാ​ർ​പാ​പ്പ​യു​ടെ സ്ഥാ​നാ​രോ​ഹ​ണ​ത്തി​ന് ഹ​മ​ദ് രാ​ജാ​വി​ന്‍റെ​യും, കി​രീ​ടാ​വ​കാ​ശി​യും പ്ര​ധാ​ന​മ​ന്ത്രി​യു​മാ​യ പ്രി​ൻ​സ്​ സ​ൽ​മാ​ൻ ബി​ൻ ഹ​മ​ദ്​ ആ​ൽ ഖ​ലീ​ഫ​യു​ടെ​യും അ​ഭി​ന​ന്ദ​ന​ങ്ങ​ൾ ശൈ​ഖ് ഖ​ലീ​ഫ അ​റി​യി​ച്ചു. സ​ക​ല​മ​നു​ഷ്യ​രു​ടെ​യും ന​ന്മ​ക്കാ​യി സ​ഹ​വ​ർ​ത്തി​ത്വ​വും സ​ഹ​ക​ര​ണ​വും പ്രോ​ത്സാ​ഹി​പ്പി​ക്കു​ന്ന​തി​നു​ള്ള വ​ത്തി​ക്കാ​ന്‍റെ മാ​നു​ഷി​ക ദൗ​ത്യം തു​ട​രു​ന്ന​തി​ൽ പോ​പ് ലി​യോ​ക്ക് സാ​ധി​ക്ക​ട്ടേ​യെ​ന്ന് ആ​ശം​സ​യും നേ​ർ​ന്നു.

വി​വി​ധ മേ​ഖ​ല​ക​ളി​ലെ ബ​ഹ്റൈ​നും വ​ത്തി​ക്കാ​നും ത​മ്മി​ലു​ള്ള ദീ​ർ​ഘ​കാ​ല ബ​ന്ധ​വും സ​ഹ​വ​ർ​ത്തി​ത്വം, കാ​രു​ണ്യം, സ​മാ​ധാ​നം എ​ന്നി​വ പ്രോ​ത്സാ​ഹി​പ്പി​ക്കാ​നു​ള്ള സം​യു​ക്ത ശ്ര​മ​ങ്ങ​ളും ശൈ​ഖ് ഈ​സ സ്ഥി​രീ​ക​രി​ച്ചു. വ​ത്തി​ക്കാ​നു​മാ​യു​ള്ള സ​ഹ​ക​ര​ണം ശ​ക്തി​പ്പെ​ടു​ത്തേ​ണ്ട​തി​ന്‍റെ ആ​വ​ശ്യ​ക​ത​യും പ്ര​തി​ബ​ദ്ധ​ത​യും അ​ദ്ദേ​ഹം എ​ടു​ത്തു​പ​റ​ഞ്ഞു.