സേ​വ​നം മു​ഖ​മു​ദ്ര​യാ​ക്കി​യ പ്ര​വാ​സം

മ​നാ​മ: ബ​ഹ്​​റൈ​നി​ലും മ​റ്റ്​ ഗ​ൾ​ഫ്​ രാ​ജ്യ​ങ്ങ​ളി​ലു​മാ​യി മൂ​ന്ന​ര​പ്പ​തി​റ്റാ​ണ്ട്​ കാ​ല​ത്തെ പ്ര​വാ​സ​ത്തി​നു​ശേ​ഷം മു​ഹ​മ്മ​ദ്​ എ​റി​യാ​ട്​ നാ​ട്ടി​ലേ​ക്ക്​ മ​ട​ങ്ങു​ന്നു. ബ​ഹ്​​റൈ​നി​ൽ 16 വ​ർ​ഷ​ത്തെ പ്ര​വാ​സ ജീ​വി​ത​ത്തി​നാ​ണ്​ ചൊ​വ്വാ​ഴ്ച ഇ​ദ്ദേ​ഹം വി​രാ​മ​മി​ടു​ന്ന​ത്.

സൗ​ദി, ഒ​മാ​ൻ എ​ന്നി​വി​ട​ങ്ങ​ളി​ൽ 20 വ​ർ​ഷം ​പ്ര​വാ​സ ജീ​വി​തം ന​യി​ച്ച​തി​നു​ശേ​ഷ​മാ​ണ്​ കൊ​ടു​ങ്ങ​ല്ലൂ​ർ എ​റി​യാ​ട്​ സ്വ​ദേ​ശി​യാ​യ മു​ഹ​മ്മ​ദ്​ 2006ൽ ​ബ​ഹ്​​റൈ​നി​ൽ എ​ത്തി​യ​ത്. അ​ൽ ഹ​വാ​ജ്​ ഗ്രൂ​പ്​ ക​മ്പ​നി​യി​ൽ സെ​യി​ൽ​സ്​ സൂ​പ്പ​ർ​വൈ​സ​റാ​യാ​ണ്​ ബ​ഹ്​​റൈ​നി​ലെ തു​ട​ക്കം. പി​ന്നീ​ട്, യു​നൈ​റ്റ​ഡ്​ കൊ​മേ​ഴ്​​സ്യ​ൽ ഏ​ജ​ൻ​സീ​സി​ലും ഹോം​ടെ​ക്കി​ലും ​ജോ​ലി ചെ​യ്തു. സ​ലാം ഗാ​സ്​ ഇ​ല​ക്​​ട്രോ​ണി​ക്സി​ൽ ഡീ​ല​ർ മാ​നേ​ജ​രാ​യാ​ണ്​ വി​ര​മി​ക്കു​ന്ന​ത്.

ജോ​ലി​ക്കൊ​പ്പം സാ​മൂ​ഹി​ക സേ​വ​ന മേ​ഖ​ല​യി​ലും വ്യ​ക്​​തി​മു​ദ്ര പ​തി​പ്പി​ച്ചാ​ണ്​ മു​ഹ​മ്മ​ദ്​ എ​റി​യാ​ട്​ തി​രി​ച്ചു​പോ​കു​ന്ന​ത്. ഫ്ര​ൻ​ഡ്​​സ്​ സോ​ഷ്യ​ൽ അ​സോ​സി​യേ​ഷ​ൻ യൂ​നി​റ്റ്​ പ്ര​സി​ഡ​ന്‍റ്, ഏ​രി​യ പ്ര​സി​ഡ​ന്‍റ്, കേ​ന്ദ്ര കൂ​ടി​യാ​ലോ​ച​ന സ​മി​തി അം​ഗം, സോ​ഷ്യ​ൽ വെ​ൽ​ഫെ​യ​ർ അ​സോ​സി​യേ​ഷ​ൻ ജ​ന​റ​ൽ സെ​ക്ര​ട്ട​റി എ​ന്നീ നി​ല​ക​ളി​ലും പ്ര​വ​ർ​ത്തി​ച്ചു. ഫ്ര​ൻ​ഡ്​​സ്​ ക​ലാ​വി​ഭാ​ഗ​മാ​യ സ​ർ​ഗ​വേ​ദി​യു​ടെ നാ​ട​ക​ങ്ങ​ളി​ലും അ​ഭി​ന​യി​ച്ചി​ട്ടു​ണ്ട്. ഫെ​മി​ന മു​ഹ​മ്മ​ദാ​ണ്​ ഭാ​ര്യ. സ​ഫ്​​റി​ൻ മു​ഹ​മ്മ​ദ്​ (ഖ​ത്ത​ർ), റു​ഖി​യ നൗ​റി​ൻ, അ​യി​ഷ ന​സ്​​റി​ൻ എ​ന്നി​വ​ർ മ​ക്ക​ളാ​ണ്.