സൗദി ദേശീയദിനം: ആഹ്ലാദത്തിൽ പങ്കുചേർന്ന് ബഹ്‌റൈൻ; പ്രധാന കെട്ടിടങ്ങളും ലാൻഡ്‌മാർക്കുകളും പച്ചപ്പട്ടണിഞ്ഞു

മനാമ: സൗദി അറേബ്യയുടെ 96-ാമത് ദേശീയദിനാഘോഷങ്ങളുടെ ഭാഗമായി രാജ്യത്തുടനീളമുള്ള പ്രമുഖ കെട്ടിടങ്ങളും ലാൻഡ്‌മാർക്കുകളും പച്ചനിറത്തിലുള്ള ദീപാലങ്കാരങ്ങളാൽ അണിയിച്ചൊരുക്കി ബഹ്‌റൈൻ. ഇരു രാജ്യങ്ങളും തമ്മിലുള്ള ആഴത്തിലുള്ള ചരിത്രപരവും സഹോദരതുല്യവുമായ ബന്ധം വിളിച്ചോതുന്നതാണ് ഈ ആദരം.

സൗദിയുടെ ദേശീയ ആഘോഷത്തെ ബഹ്‌റൈൻ എത്രത്തോളം പ്രാധാന്യത്തോടെ കാണുന്നുവെന്ന് വ്യക്തമാക്കുന്നതാണ് ഈ ദീപാലങ്കാരങ്ങൾ. ദീർഘകാലത്തെ ചരിത്രബന്ധത്തിലും വിവിധ മേഖലകളിൽ ശക്തിപ്പെട്ടു വളരുന്ന ഉഭയകക്ഷി സഹകരണത്തിലും അധിഷ്ഠിതമായ ഇരു രാജ്യങ്ങളുടെയും ആഹ്ലാദവും പങ്കാളിത്തവും ഇതിലൂടെ പ്രതിഫലിക്കുന്നു.