മധുരപ്പഴങ്ങൾക്കൊപ്പം  അരനൂറ്റാണ്ട്​

മനാമ: മധുരം കിനിയുന്ന ഇൗന്തപ്പഴങ്ങളും വാൽസല്ല്യമൂറുന്ന ചിരിയുമായി സെൻട്രൽ മാർക്കറ്റിൽ ഒരു സ്വദേശി വ്യാപാരിയുണ്ട്​. ​എഴുപതുകാരനായ സാലിഹ്​ ഹസൻ എന്ന ബഹ്​റൈനി. മലയാളികൾ ഉൾപ്പെടെ മാർക്കറ്റിലെ സുഹൃത്തുക്കൾ വിളിക്കുന്നത്​ ഹാജി സാലെഹ്​ എന്നാണ്​. പഴ വിപണിയിൽ അദ്ദേഹം പൂർത്തിയാക്കിയത്​ 50 വർഷമാണ്​. വിവിധ പഴങ്ങളുടെ കച്ചവടമായിരുന്നു ആദ്യത്തെ 10 വർഷം.

പിന്നീട്​  ഇൗന്തപ്പഴ വിപണിയിൽ 40 വർഷം പൂർത്തിയാക്കി.  പലതരം ഇൗന്തപ്പഴങ്ങൾ നിരത്തി വെച്ച്​ വാങ്ങാൻ എത്തുന്നവരെയും കാത്തിരിക്കുന്ന ഇദ്ദേഹം വാങ്ങാനെത്തുന്നവരോട്​ ഒാരോ ഇനത്തെ കുറിച്ചും വിശദമായി പറഞ്ഞുകൊടുക്കും. അതി​​​െൻറ ഗുണം മുതൽ സ്വദേശം വരെ. ബഹ്​റൈ​​​െൻറ ഇന്നലെകളിലെ വ്യാപാരത്തെ കുറിച്ച്​ ​​പറയു​േമ്പാൾ ആ മുഖത്ത്​ ഗതകാല ഒാർമകൾ തെളിയും. കാലം എന്തെല്ലാം മാറ്റങ്ങൾ ഉണ്ടാക്കി എന്ന്​ പറഞ്ഞ്​ അദ്ദേഹം വ്യാപാരത്തിലെ ഇന്നലെകളെ കുറിച്ച്​ പറയും. ആൾത്തിരക്കും ആവശ്യക്കാരും കുറവായിരുന്ന കാലം. 

എന്നാൽ കാലം ചെല്ലുന്തോറും ബഹ്​റൈൻ വികസിച്ചു. കൂടുതൽ രാജ്യങ്ങളിൽ നിന്നുള്ളവർ കച്ചവടം ചെയ്യാനും വാങ്ങാനും എല്ലാം എത്തി. തനിക്കും കൂടുതൽ സ​ുഹൃത്തുക്കളെ കിട്ടി. പുതിയ തലമുറയിൽ നിന്നും ധാരാളം സൗഹൃദങ്ങളുണ്ട്​. ശരീരത്തിന്​ ഗുണങ്ങൾ ഏറെ നൽകുന്നുണ്ട്​ ഇൗന്തപ്പഴം. പതിവായി ഉപയോഗിക്കുന്നവർക്ക്​ അതി​​​െൻറ ഫലമറിയാമെന്നും അദ്ദേഹം പറയുന്നു. പരമാവധി വില കുറച്ചാണ്​ അദ്ദേഹം സാധനങ്ങൾ വിൽക്കുന്നത്​. ചിലർ വിലപേശാൻ വരും. നഷ്​ടത്തിൽ വിൽക്കാൻ കഴിയില്ലല്ലോ; എങ്കിലും ചെറിയ വിട്ടുവീഴ്​ചകൾ ഒക്കെ ചെയ്യും.

പു​ഞ്ചിരിയോടെ സാലിഹ്​ ഹസൻ പറയുന്നു. ബഹ്​റൈൻ, സൗദി, ഇറാഖ്​ എന്നിവിടങ്ങളിൽ നിന്നുള്ളവയാണ്​ ത​​​െൻറ കടയിലുള്ളത്​. 800 ഫിൽസ്​ മുതൽ അഞ്ച്​ ദിനാർ വരെയുള്ള ഇൗന്തപ്പഴങ്ങളുണ്ട്​. ഇൗന്തപ്പഴത്തി​​​െൻറ സത്ത്​ ലിറ്റർ ഒന്നര ദിനാർ ലിറ്റർ എന്ന നിലയിൽ വിൽക്കുന്നുണ്ട്​. കുട്ടികൾക്ക്​ ഭക്ഷണത്തിനൊപ്പം നൽകാൻ ഉത്തമമാണ്​ സത്ത്​. റമദാൻ വരുന്നതോട്​ കൂടി കച്ചവടം സജീവമാകുമെന്നും അദ്ദേഹം വ്യക്തമാക്കി. കൂടുതൽ ഇനങ്ങളെത്തും. സൗദിയിൽ നിന്നും പ്രത്യേകിച്ച്​ മദീനയിൽ സനിന്നുള്ളവയ്​ക്ക്​ വലിയ ഡിമാൻറാണ്​. മുനൈബി, ഖുമരി, സഹ്യ അങ്ങനെ പല പേരുകളുള്ള ഇൗന്തപ്പഴങ്ങൾ. ഭാര്യയും മൂന്ന്​ മക്കളും അടങ്ങിയതാണ്​ ഇദ്ദേഹത്തി​​​െൻറ കുടുംബം.