മതസമൂഹങ്ങള്‍ക്കിടയില്‍ സഹവർത്തിത്വം സാധ്യമാകണം -കിരീടാവകാശി

മനാമ: വിവിധ മതസമൂഹങ്ങള്‍ക്കിടയില്‍ സഹവര്‍ത്തിത്വം സാധ്യമാകേണ്ടതുണ്ടെന്നും സമാധാനപൂര്‍ണമായ ജീവിതത്തിന് അത് അത്യന്താപേക്ഷിതമാണെന്നും കിരീടാവകാശിയും ഒന്നാം ഉപപ്രധാനമന്ത്രിയുമായ പ്രിന്‍സ് സല്‍മാന്‍ ബിന്‍ ഹമദ് ആല്‍ ഖലീഫ വ്യക്തമാക്കി. റിഫ പാലസില്‍ സ​​​െൻറ് പീറ്റേഴ്​സ്​ യാക്കോബായ സുറിയാനി സഭ ദൃശ്യ തലവൻ മോറാൻ മോർ ഇഗ്നാത്തിയോസ് അഫ്രേം ദ്വിതീയൻ പാത്രിയർക്കിസ് ബാവയെ സ്വീകരിച്ച് സംസാരിക്കുകയായിരുന്നു അദ്ദേഹം. റിഫ പാലസില്‍ നടന്ന കൂടിക്കാഴ്​ചയില്‍ മത സഹിഷ്ണുതയെക്കുറിച്ചും സമാധാനത്തെക്കുറിച്ചും ചര്‍ച്ച ചെയ്യുകയും അവ നേടിയെടുക്കുന്നതിനുള്ള മാര്‍ഗങ്ങള്‍ കാര്യക്ഷമമായി നടപ്പിലാക്കുന്നതി​​​​െൻറ സാധ്യതകള്‍ ആരായുകയും ചെയ്തു. വിവിധ മത സമൂഹങ്ങള്‍ക്കിടയില്‍ സഹവര്‍ത്തിത്വം സാധ്യമാക്കുന്നതിന് ബഹ്റൈന്‍ നടത്തിക്കൊണ്ടിരിക്കുന്ന ശ്രമങ്ങള്‍ അദ്ദേഹം വിശദീകരിച്ചു.