സുരക്ഷിതമല്ലാത്ത കെട്ടിടത്തിലെ താമസക്കാരെ ഒഴിപ്പിച്ചു

മനാമ: അപകടകരമായ അവസ്​ഥയിലുള്ള കെട്ടിടത്തിലെ താമസക്കാരായ ആറ്​ കുടുംബങ്ങളെ അധികൃതർ ഒഴിപ്പിച്ചു. 
ഹൂറയിലെ ഒരു കെട്ടിടത്തിലെ താമസക്കാരെയാണ്​ ഒഴിപ്പിച്ചത്​. കെട്ടിടം ചെരിയുന്നതായി താസമക്കാർ പരാതിപ്പെട്ടതിനെ തുടർന്ന്​ പബ്ലിക്​ പ്രൊസിക്യൂഷനാണ്​ ഒഴിപ്പിക്കാൻ ഉത്തരവിട്ടത്​. 
കാപിറ്റൽ ട്രസ്​റ്റീസ്​ ബോർഡ്​ ചെയർമാൻ മുഹമ്മദ്​ അൽ​ ഖോസായ്​, ബോർഡ്​ മെംബർ ഡോ. അബ്​ദുൽ വാഹാദ്​ അൽ നകൽ തുടങ്ങിയവർ കഴിഞ്ഞ ദിവസം സ്​ഥലം സന്ദർശിച്ചു. 
കുടുംബങ്ങളെല്ലാം പ്രവാസികളാണ്​. ഹൂറയിലെ ​1831ാം നമ്പർ റോഡിലെ 318ാം ബ്ലോക്കി​ലുള്ള ബിൽഡിങ്ങിലാണ്​ നടപടി.