‘ഉദിത്ത് നാരായന്-^സാദന സര്ഗം ലൈവ് ഇന്’ 26ന് ഇന്ത്യന് സ്കൂളില്
text_fieldsമനാമ: ശ്രുതിമധുരമായ ഈണങ്ങളുമായി ഹിന്ദി ഗായകരായ ഉദിത്ത് നാരയനും സാദന സര്ഗവും ബഹ്റൈനില് എത്തുന്നു. ഈ മാസം 26ന് വൈകീട്ട് ആറരക്ക് ഇന്ത്യന് സ്കൂള് ഇൗസ ടൗണ് കാമ്പസില് ഇരുവരും ലൈവ് സംഗീത സന്ധ്യയൊരുക്കും. റാമി പ്രൊഡക്ഷന് മിഡില് ഈസ്റ്റാണ് പരിപാടി സംഘടിപ്പിക്കുന്നതെന്ന് പ്രോഗ്രാം ഡയരക്ടര് റഹീം ആതവനാട് വാര്ത്താ സമ്മേളനത്തില് അറിയിച്ചു. ബോളീവുഡ് സംഗീത ലോകത്തെ അതികായകരായ ഇരുവരുടെയും ബഹ്റൈനിലെ ആദ്യ സ്റ്റേജ്ഷോയാണിത്. 1980ല് ഇതിഹാസ ഗായകനും തന്റെ ഗുരുവുമായ മുഹമ്മദ് റഫിയോടൊപ്പം 'ഉനീസ് ബീസ്' എന്ന സിനിമയില് പാടി അരങ്ങത്തേക്കു കടന്നുവന്ന ഉദിത്ത് നാരായന് കഴിഞ്ഞ 38 വര്ഷക്കാലമായി ഇന്ത്യന് സിനിമ ഗാന രംഗത്തെ അവിഭാജ്യ ഘടകമായി നിലകൊള്ളുന്നു. മലയാളമടക്കം 31 ഭാഷകളിലായി 25,000 ലേറെ പാട്ടുകള് ആലപിച്ച ഉദിത്ത് നാരായനെ 2016ല് രാജ്യം പത്മ ഭൂഷണ് നല്കി ആദരിച്ചു. മലയാളത്തിലും ശ്രദ്ധേയ ഗാനങ്ങളാലപിച്ച ഉദിത് നാരായണെൻറ പരിപാടി ഏറെ ശ്രദ്ധേയമാകുമെന്നാണ് തങ്ങൾ പ്രതീക്ഷിക്കുന്നതെന്നും സംഘാടകർ പറഞ്ഞു. സിനിമാ പിന്നണി ഗാനത്തിനൊപ്പം മൂന്നു പതിറ്റാണ്ടു പിന്നിട്ട ഗാനാര്ച്ചനയാണ് സാദന സര്ഗത്തിെൻറത്. ഹിന്ദി സിനിമ ലോകത്ത് നിന്ന് അനുഗ്രഹീതരായ 30ഓളം കലാകരന്മാരും ഇവരോപ്പം പരിപാടിയില് പങ്കെടുക്കും. വിവരങ്ങള്ക്ക്: 33418411, 33307369.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.