Begin typing your search above and press return to search.
exit_to_app
exit_to_app
Homechevron_rightGulfchevron_rightBahrainchevron_rightറഷ്യൻ-ബഹ്​റൈൻ...

റഷ്യൻ-ബഹ്​റൈൻ സഞ്ചാരികളുടെ സംയുക്ത ബഹിരാകാശയാത്ര അടുത്തവർഷം

text_fields
bookmark_border
റഷ്യൻ-ബഹ്​റൈൻ സഞ്ചാരികളുടെ സംയുക്ത ബഹിരാകാശയാത്ര അടുത്തവർഷം
cancel

മനാമ: റഷ്യ, ബഹ്​റൈൻ സംയുക്ത സംരംഭമായി ബഹിരാകാശത്തേക്ക്​ അടുത്തവർഷം യാത്രികരെ കൊണ്ടുപോകാനുള്ള പ്രവർത്തനങ്ങൾ ഉൗർജിതമാണെണ്​ റഷ്യൻ ഫെഡറൽ സ്​പെയിസ്​ ഏജൻസി ഉപമേധാവിയായ സെർജി സാവെലിയ്​ പറഞ്ഞു. സെർജി സാവെലിയും റഷ്യയിലെ ബഹ്​റൈൻ അംബാസഡർ അഹ്​മദ്​ അബ്​ദുൽറഹുമാൻ അൽ സാലെഹും തമ്മിലുള്ള കൂടികാഴ്​ചയിലായിരുന്നു ഇൗ സുപ്രധാന വെളിപ്പെടുത്തൽ. മോസ്കോയിലെ റഷ്യൻ സ്പെയ്​സ്​ ഇൻസ്​റ്റിറ്റ്യൂട്ടി​​​െൻറ നേതൃത്വത്തിലാണ്​ ഇതിനുള്ള പ്രവർത്തനങ്ങൾ പുരോഗമിക്കുന്നത്​. ഇതിനുള്ള യോഗ്യത ​നേടിയ ബഹ്​റൈൻ പൗരൻമാർക്കായി ഇൻസ്​റ്റിറ്റ്യുട്ടിൽ വിവിധ പരിശീലന പരിപാടികൾ ആരംഭിച്ചിട്ടുണ്ട്​. നവംബർ മാസത്തിൽ നടക്കുന്ന ബഹ്​റൈൻ ഇൻറർനാഷണൽ എയർഷോയിൽ റഷ്യൻ പങ്കാളിത്തം ഉണ്ടാകുമെന്നും അദ്ദേഹം വ്യക്തമാക്കി.  

റഷ്യൻ ഫെഡറൽ സ്​പെയിസ്​ ഏജൻസിയും ബഹ്​റൈനിലെ നാഷണൽ സ്പേസ് സയൻസ് ഏജൻസിയുമായി ഇതുമായി ബന്​ധപ്പെട്ട്​ ഒരു ധാരണാപത്രത്തിൽ ഒപ്പുവയ്ക്കുമെന്നും അദ്ദേഹം വ്യക്തമാക്കി. ബഹ്റൈൻ നൽകുന്ന പിന്തുണക്കും സഹകരണത്തിനും റഷ്യന് ഫെഡറേഷനു വേണ്ടി  സെർജി സാവെലിയ്​ നന്ദി പ്രകടിപ്പിച്ചു. ബഹിരാകാശരംഗത്തെ റഷ്യൻ^ബഹ്​റൈൻ സഹകരണത്തിൽ റഷ്യൻ ഫെഡറൽ സ്​പെയിസ്​ ഏജൻസി ഉപമേധാവിയായ സെർജി സാവെലിയ്​ ബഹ്​റൈൻ രാജാവ്​ ഹമദ്​ ബിൻ ഇൗസ ആൽ ഖലീഫയെയും റഷ്യൻ പ്രസിഡൻറ്​ വ്​ളാഡിമിർ പുട്ടിനെയും അഭിനന്ദിക്കുകയും ചെയ്​തു. ഇരുരാജ്യങ്ങളും തമ്മിലുള്ള ബന്​ധത്തിൽ ബഹ്​റൈൻ അംബാസഡർ അഹ്​മദ്​ അബ്​ദുൽറഹുമാൻ അൽ സാലെഹ്​ നന്ദി പറഞ്ഞു.

Show Full Article
TAGS:russya gulf news malayalam news 
News Summary - russya bahrain-bahrain-gulf news
Next Story