റോയൽ വനിത യൂനിവേഴ്സിറ്റിയിൽ ബിരുദധാന ചടങ്ങ് നടത്തി
text_fieldsമനാമ: റോയൽ വനിത യൂനിവേഴസിറ്റിയിൽ 11 ാം ബിരുദധാന ചടങ്ങ് നടത്തി. വനിത സുപ്രീം കൗൺസിൽ പ്രസിഡൻറ് പ്രിൻസ് സബീഖ ബ ിൻത് ഇബ്രാഹീം ആൽ ഖലീഫയുടെ പ്രതിനിധി, അൽ മബറാഹ് ആൽ ഖലീഫ ഫൗണ്ടേഷെൻറ വൈസ് ചെയർപേഴ്സൻ ശൈഖ നയ്ല ബിൻത് ഹമദ് ബിൻ ഇബ്രാഹീം ആൽ ഖലീഫയുടെ രക്ഷാധികാരത്തിലായിരുന്നു ബഹ്റൈൻ ഗൾഫ് കൺവൻഷൻ ഹോട്ടലിൽ ചടങ്ങ് നടന്നത്. റോയൽ വനിത യൂനിവേഴ്സിറ്റിയുടെ പ്രവർത്തനങ്ങളെ അഭിനന്ദിച്ച ശൈഖ നയ്ല, സ്ഥാപനത്തിെൻറ അക്കാദമിക് നേട്ടങ്ങളെ എടുത്തുപറഞ്ഞു.
തൊഴിൽ വിപണിയിലേക്ക് ആവശ്യമായ നൈപുണ്യം നൽകുകയും സമസ്ത മേഖലകളിലേക്കും ബഹ്റൈൻ സ്ത്രീകൾക്ക് നേട്ടവും മികവും നൽകി സജ്ജരാക്കുകയും ചെയ്യുന്നുണ്ടെന്നും അവർ പറഞ്ഞു. 123 വിദ്യാർഥിനികളിൽ കോളേജ് ഓഫ് ആർട്ട് ആൻഡ് ഡിസൈനിൽ നിന്ന് 48 പേരും കോളേജ് ഓഫ് ബിസിനസ് ആൻറ് ഫിനാൻഷ്യൽ സയൻസസിൽ നിന്ന് 48 പേരും കോളേജ് ഓഫ് ലോയിൽ നിന്ന് 27 പേരും ബിരുദമെടുത്തവരിൽ ഉൾപ്പെടുന്നു. ബിരുദധാന ചടങ്ങ് വിജയകരമാക്കിയവർക്ക് യൂനിവേഴ്സിറ്റി ആക്ടിങ് പ്രസിഡൻറ് ഡോ.ദാവീദ് സ്റ്റെവാർട്ട് കടപ്പാട് അറിയിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.