ഇ​സ്‍ലാ​മി​ലെ സ്ത്രീ​ക​ളു​ടെ പ​ങ്ക്; പ്രാ​ധാ​ന്യം ച​ർ​ച്ചചെ​യ്ത് ഇ​ൻ​ട്രാ-​ഇ​സ്‍ലാ​മി​ക് കോ​ൺ​ഫ​റ​ൻ​സ്

മ​നാ​മ: മു​സ്‍ലിം സ​മൂ​ഹ​ത്തി​നി​ട​യി​ൽ ഐ​ക്യം വ​ള​ർ​ത്തു​ന്ന​തി​നും മു​ന്നേ​റ്റ​ത്തി​നും ഇ​സ്‍ലാ​മി​ക് സം​വാ​ദ​ങ്ങ​ളി​ലെ സ്ത്രീ​ക​ളു​ടെ പ​ങ്കി​ന്‍റെ പ്രാ​ധാ​ന്യം ച​ർ​ച്ചചെ​യ്ത് ഇ​ൻ​ട്രാ-​ഇ​സ്‍ലാ​മി​ക് കോ​ൺ​ഫ​റ​ൻ​സ്. വ്യ​ത്യ​സ്ത വി​ഷ​യ​ങ്ങ​ളി​ലാ​യി ആ​റ് സെ​ക്ഷ​നു​ക​ൾ ഉ​ൾ​പ്പെ​ട്ട കോ​ൺ​ഫ​റ​ൻ​സി​ന്‍റെ മൂ​ന്നാം സെ​ക്ഷ​നി​ലാ​യി​രു​ന്നു ഇ​സ്‍ലാ​മി​ലെ സ്ത്രീ ​ശാ​ക്തീ​ക​ര​ണ​ത്തെ​ക്കു​റി​ച്ച് സം​വാ​ദം ന​ട​ന്ന​ത്. ഒ​മാ​ൻ കോ​ള​ജ് ഓ​ഫ് ശ​രീ​അ സ​യ​ൻ​സി​ലെ അ​ധി​കാ​രി ഡോ. ​റാ​ഷി​ദ് ബി​ൻ അ​ലി അ​ൽ ഹാ​ർ​തി മോ​ഡ​റേ​റ്റ​റാ​യ ച​ർ​ച്ച​യി​ൽ വ്യ​ത്യ​സ്ത രാ​ജ്യ​ങ്ങ​ളി​ൽ​നി​ന്നു​ള്ള സ്ത്രീ ​പാ​ന​ലി​സ്റ്റു​ക​ൾ പ​ങ്കാ​ളി​ക​ളാ​യി. സാ​മൂ​ഹി​ക വി​ക​സ​ന​ത്തി​ലും വി​ദ്യാ​ഭ്യാ​സ​മേ​ഖ​ല​യി​ലും ഇ​സ്‍ലാ​മി​ക് സം​വാ​ദ​വേ​ദി​ക​ളി​ലെ​യും സ്ത്രീ ​പ​ങ്കാ​ളി​ത്ത​ത്തി​ന്‍റെ പ്രാ​ധാ​ന്യ​വും ആ​വ​ശ്യ​ക​ത​യും വേ​ദി​യി​ൽ ച​ർ​ച്ച ചെ​യ്തു.

മു​സ്‍ലിം സ​മൂ​ഹ​ത്തെ പ​രി​പോ​ഷി​പ്പി​ക്കു​ന്ന​തി​ന് സ്ത്രീ​ക​ളു​മാ​യു​ള്ള സ​ഹ​ക​ര​ണ​ത്തി​ന്‍റെ​യും ധാ​ര​ണ​യു​ടെ​യും പ്രാ​ധാ​ന്യം ഡോ. ​റാ​ഷി​ദ് ബി​ൻ അ​ലി ചൂ​ണ്ടി​ക്കാ​ട്ടി. ഇ​തു​പോ​ലു​ള്ള ച​ർ​ച്ച​ക​ളും സ്ത്രീ​പ​ങ്കാ​ളി​ത്ത​വും ന​മു​ക്കി​ട​യി​ലെ വി​ട​വു​ക​ൾ നി​ക​ത്താ​നും സ​മൂ​ഹ​ത്തെ ഏ​കീ​ക​രി​ക്കാ​നും സ​ഹാ​യ​ക​മാ​കും. സ്ത്രീ​ക​ൾ സ​മൂ​ഹ​ത്തി​ന്‍റെ പ​കു​തി മാ​ത്ര​മ​ല്ല, അ​വ​ർ അ​തി​ന്‍റെ അ​ടി​ത്ത​റ​കൂ​ടി​യാ​ണെ​ന്നും ഭാ​വി​കെ​ട്ടി​പ്പ​ടു​ക്കു​ന്ന​തി​ൽ അ​വ​ർ വ​ഹി​ക്കു​ന്ന പ​ങ്കി​നെ​ക്കു​റി​ച്ചും സെ​ക്ഷ​നി​ൽ സം​സാ​രി​ക്ക​വെ അ​ദ്ദേ​ഹം പ​റ​ഞ്ഞു.

സ​മൂ​ഹ​ത്തി​ൽ സ്ത്രീ​ക​ളു​ടെ പ​ദ​വി ശ​ക്തി​പ്പെ​ടു​ത്തു​ന്ന​തി​ന് പ​ര​സ്പ​ര സം​വാ​ദ​ങ്ങ​ളു​ടെ​യും സ​ഹി​ഷ്ണു​ത​യു​ടെ​യും ഒ​രു സം​സ്കാ​രം പ്ര​ച​രി​പ്പി​ക്കേ​ണ്ട​തി​ന്‍റെ പ്രാ​ധാ​ന്യം അ​മേ​രി​ക്ക​യി​ലെ ജ​സ്റ്റി​സ് ആ​ൻ​ഡ് വി​സ്ഡം പ്ര​സി​ഡ​ന്‍റ് ഡോ. ​മ​ഹ്മൂ​ദ് അ​ൽ ഖു​സാ​യി പ്ര​സം​ഗ​ത്തി​നി​ടെ ചൂ​ണ്ടി​ക്കാ​ട്ടി. സ്ത്രീ​ക​ളെ ശാ​ക്തീ​ക​രി​ക്കു​ന്ന​തും പ്ര​ധാ​ന ഇ​സ്‍ലാ​മി​ക പ​രി​പാ​ടി​ക​ളി​ല​ട​ക്കം പ​രി​ഗ​ണി​ക്കു​ന്ന​തും മു​ഴു​വ​ൻ സ​മൂ​ഹ​ത്തി​നും ഗു​ണം ചെ​യ്യു​മെ​ന്നും അ​ദ്ദേ​ഹം പ​റ​ഞ്ഞു.

ഇ​സ്‍ലാ​മി​ക ആ​ഹ്വാ​ന​ങ്ങ​ളെ പി​ന്തു​ണ​ക്കു​ന്ന​തി​ൽ പ്ര​വാ​ച​ക​ൻ മു​ഹ​മ്മ​ദ് ന​ബി​യു​ടെ ഭാ​ര്യ ഖ​ദീ​ജ ബീ​വി​യു​ടെ അ​റി​വി​ന്‍റെ​യും വി​ശ്വാ​സ​ത്തി​ന്‍റെ​യും ച​രി​ത്രം ഉ​ദ്ധ​രി​ച്ചു​കൊ​ണ്ടാ​യി​രു​ന്നു ഡോ. ​മ​ഹ്മൂ​ദ് വി​ഷ​യ​മ​വ​ത​രി​പ്പി​ച്ച​ത്. ഇ​ൻ​ട്രാ-​ഇ​സ്‍ലാ​മി​ക് സം​വാ​ദ​ങ്ങ​ളു​ടെ പൂ​ർ​ണ​ത​ക്ക് പു​രു​ഷ​ന്മാ​രു​ടെ​യും സ്ത്രീ​ക​ളു​ടെ​യും സ​ജീ​വ പ​ങ്കാ​ളി​ത്തം ആ​വ​ശ്യ​മാ​ണെ​ന്നും ഇ​രു​വ​രും സ​മൂ​ഹ​ത്തി​ന് ഒ​രു​പോ​ലെ അ​നി​വാ​ര്യ ഘ​ട​ക​മാ​ണെ​ന്നും ച​ർ​ച്ച​ക്കി​ടെ ഖ​ത്ത​റി​ലെ ഹ​മ​ദ് ബി​ൻ ഖ​ലീ​ഫ സെ​ന്‍റ​ർ ഫോ​ർ ഇ​സ്‍ലാ​മി​ക് സി​വി​ലൈ​സേ​ഷ​ൻ ഡ​യ​റ​ക്ട​ർ ഡോ. ​ആ​യി​ഷ യൂ​സ​ഫ് അ​ൽ മ​ന്നാ​യി പ​റ​ഞ്ഞു.

സ​മൂ​ഹ​ത്തി​ന്‍റെ വ​ള​ർ​ച്ച​ക്ക് പു​രു​ഷ​ന്മാ​രും സ്ത്രീ​ക​ളും ഉ​ത്ത​ര​വാ​ദി​ത്ത​ങ്ങ​ൾ പ​ങ്കി​ടു​ന്നി​ല്ലെ​ങ്കി​ൽ സ​മൂ​ഹം അ​തി​ന്‍റെ പൂ​ർ​ണ​ത​യി​ൽ പു​രോ​ഗ​തി കൈ​വ​രി​ക്കാ​നാ​കി​ല്ലെ​ന്ന അ​ൽ അ​സ്ഹ​ർ യൂ​നി​വേ​ഴ്സി​റ്റി​യു​ടെ പ്ര​ഖ്യാ​പ​നം ഉ​ന്ധ​രി​ച്ച് സം​സാ​രി​ച്ച അ​വ​ർ മു​സ്‍ലിം ലോ​ക​ത്തി​ന്‍റെ സം​യു​ക്ത വി​ക​സ​ന​ത്തി​ന് സം​ഭാ​വ​ന ന​ൽ​കു​ന്ന​തോ​ടൊ​പ്പം സാ​മൂ​ഹി​ക, സാം​സ്കാ​രി​ക, മ​ത​മൂ​ല്യ​ങ്ങ​ൾ ഉ​യ​ർ​ത്തി​പ്പി​ടി​ക്കു​ന്ന​തി​ൽ ഇ​രു​വ​രും വ​ഹി​ക്കു​ന്ന അ​നി​വാ​ര്യ​മാ​യ പ​ങ്കും എ​ടു​ത്തു​പ​റ​ഞ്ഞു. കൂ​ടാ​തെ ഫ​ല​സ്തീ​നി​ലെ സ്ത്രീ​ക​ളു​ടെ പ്ര​തി​സ​ന്ധി ഘ​ട്ട​ങ്ങ​ളി​ലെ പ്ര​തി​രോ​ധ​ശേ​ഷി ച​രി​ത്രം ന​മു​ക്ക് കാ​ണി​ച്ചു​ത​ന്നി​ട്ടു​ണ്ട്.

അ​വി​ടെ പ്ര​തി​കൂ​ല സാ​ഹ​ച​ര്യ​ങ്ങ​ളെ ധൈ​ര്യ​ത്തോ​ടെ നേ​രി​ടു​ന്ന​തി​ൽ അ​വ​ർ ശ​ക്ത​മാ​യി നി​ല​കൊ​ണ്ടു. സ്ത്രീ​ക​ൾ​ക്ക് അ​ഭി​പ്രാ​യം പ​റ​യാ​നും സ​മൂ​ഹ​വി​ക​സ​ന​ത്തി​ൽ ഭാ​ഗ​ഭാ​ക്കാ​വാ​നും ക​ഴി​വു​ണ്ട്. ഈ ​വി​ഷ​യ​ത്തി​ൽ എ​ന്തു​കൊ​ണ്ട് ഒ​രു സെ​ക്ഷ​ൻ മാ​ത്രം നീ​ക്കി​വെ​ച്ചു എ​ന്ന് ചോ​ദി​ച്ച ഡോ. ​ആ​യി​ഷ യൂ​സ​ഫ് അ​ൽ മ​ന്നാ​യി വ​രും കാ​ല​ങ്ങ​ളി​ൽ സം​വാ​ദ​വേ​ദി​ക​ളി​ൽ സ്ത്രീ​ക​ൾ​ക്ക് കൂ​ടു​ത​ൽ പ​രി​ഗ​ണ​ന ന​ൽ​ക​ണ​മെ​ന്നും അ​ഭി​പ്രാ​യ​പ്പെ​ട്ടു. സ്ത്രീ ​ശാ​ക്തീ​ക​ര​ണ​ത്തി​ന്‍റെ പ്രാ​ധാ​ന്യ​ത്തെ​ക്കു​റി​ച്ച് ച​ർ​ച്ച​യി​ൽ പ​ങ്കെ​ടു​ത്ത മ​റ്റു പാ​ന​ലി​സ്റ്റു​ക​ളും സ​ദ​സ്സി​ലി​രു​ന്ന​വ​രും സം​സാ​രി​ച്ചു.