രിസാല സ്​റ്റഡി സർക്കിൾ വിദ്യാർഥി സമ്മേളനം സമാപിച്ചു

മനാമ : പ്രവാസി വിദ്യാർഥികൾക്ക്‌ പുതിയ ആകാശം സാധ്യമാണെന്ന ആഹ്വാനവുമായി രിസാല സ്​റ്റഡി സർക്കിൾ വിദ്യാർഥി സമ്മേളനം സമാപിച്ചു. ‘ആകാശം അകലെയല്ല’ എന്ന തലവാചകത്തിൽ കഴിഞ്ഞ രണ്ട്‌ മാസമായി വിദ്യാർഥികൾക്കായി ഗൾഫിലെ ആറ്‌ രാജ്യങ്ങളിലും ഏകോപിച്ച്‌ നടത്തിയ പ്രവർത്തനങ്ങളുടെ ഭാഗമായാണ്​ മനാമ സെൻട്രൽ വിദ്യാർഥി സമ്മേളനം സൽമാനിയ സഗയ കോൺഫറൻസ് ഹാളിൽ നടന്നത്‌. പോൾ മാളിയേക്കൽ മുഖ്യാതിഥിയായിരുന്നു.
സമാപന സമ്മേളനത്തി​​​െൻറ ഭാഗമായി പൊതു സമ്മേളനം, പ്രത്യേക കലാ പരിപാടികൾ എന്നിവ നടന്നു. സൽമാനിയ സഗയ കോൺഫറൻസ് ഹാളിൽ നടന്ന പ്രതിനിധി സമ്മേളനം ഹംസ ഖാലിദ് സഖാഫിയുടെ അധ്യക്ഷതയിൽ ഐ.സി.എഫ്. മനാമ സെൻട്രൽ സെക്രട്ടറി ഷംസു പൂക്കയിൽ ഉദ്ഘാടനം ചെയ്​തു. ബഷീർ മാസ്​റ്റർ ക്ലാരി, അബ്​ദുറഹീം സഖാഫി വരവൂർ , ഫൈസൽ പതിയാരക്കര എന്നിവർ വിവിധ സെഷനുകൾക്ക് നേതൃത്വം നൽകി . തുടർന്ന് നടന്ന സ്​റ്റുഡൻസ് ഡയസിൽ മീറ്റ് ദ ഗസ്​റ്റ്​ കമാൽ മുഹ്യുദ്ദീൻ വിദ്യാർത്ഥികളുമായി സംവദിച്ചു.

മുഹമ്മദ് സ്വാദിഖ് ഉൽഘാടനം ചെയ്​തു. ആദിൽ മുജീബ് ശമീർ പന്നൂർ, നവാസ് പാവണ്ടൂർ, അശ്റഫ് മങ്കര ,ഇർഫാദ് ഊരകം, അനസ് രണ്ടത്താണി നേതൃത്വം നൽകി. സമാപന സമ്മേളനം സി.ബി.ഡയറക്​ടർ ഷാനവാസ് മദനിയുടെ അധ്യക്ഷതയിൽ ഐ.സി.എഫ്. നാഷൻ ദഅവാ പ്രസിഡൻറ്​ അബൂബക്കർ ലത്വീഫി ഉദ്ഘാടനം ചെയ്​തു. സ്​റ്റുഡൻസ് സിൻറിക്കേറ്റ്, സ്​റ്റുഡൻസ് സർക്കിൾ എന്നിവയുടെ പ്രഖ്യാപനം യഥാക്രമം അഷ്റഫ് ഇഞ്ചിക്കൽ, വി.പി.കെ. അബൂബക്കർ ഹാജി എന്നിവർ നിർവ്വഹിച്ചു. ആർ.എസ്.സി. ഗൾഫ് കൗൺസിൽ സമിതി അംഗം അൻവർ സലീം സഅദി പ്രഭാഷണം നടത്തി. സയദ്​ അസ്ഹർതങ്ങൾ സമാപന പ്രാർത്ഥനക്ക് നേതൃതം നൽകി. റഫീക്ക് മാസ്റ്റർ നരിപ്പറ്റ, യൂസുഫ് അഹ്സനി കൊളത്തൂർ, അബ്ദുള്ള രണ്ടത്താണി, ഫൈസൽ . ചെറുവണ്ണൂർ, ഷംസു മാമ്പ, നജ്മുദ്ദീൻ മലപ്പുറം എന്നിവർ സംസാരിച്ചു. അഡ്വ: ശബീറലി സ്വാഗതവും ഹമീദ് ബുദയ നന്ദിയും പറഞ്ഞു.