റ​മ​ദാ​നി​ൽ അ​ണി​ഞ്ഞൊ​രു​ങ്ങി പേ​ളി​ങ് പാ​ത്ത്

മ​നാ​മ: റ​മ​ദാ​ൻ മാ​സ​ത്തി​ലെ ആ​ത്മീ​യ രാ​വു​ക​ളൊ​ടൊ​പ്പം ആ​ഘോ​ഷ​ത്തി​ന്‍റെ കി​സ്സ​ക​ളും ബ​ഹ്റൈ​ന്‍റെ ഓ​രോ തെ​രു​വ​ക​ളി​ലു​മു​ണ്ടാ​കും. രാ​ജ്യ​ത്തെ വി​വി​ധ ഇ​ട​ങ്ങ​ളി​ൽ അ​ല​ങ്ക​രി​ച്ചും സം​ഗീ​താ​ത്മ​ക അ​ന്ത​രീ​ക്ഷം സൃ​ഷ്ടി​ച്ചും ജ​ന​ങ്ങ​ളെ ആ​ക​ർ​ഷി​ച്ചു​കൊ​ണ്ടി​രി​ക്കും. അ​ത്ത​ര​ത്തി​ൽ അ​ണി​ഞ്ഞൊ​രു​ങ്ങി​യി​രി​ക്ക​യാ​ണ് മു​ഹ​റ​ഖി​ലെ പേ​ളി​ങ് പാ​ത്ത്.

റ​മ​ദാ​മ​നോ​ട​നു​ബ​ന്ധി​ച്ച് സം​ഘ​ടി​പ്പി​ക്കു​ന്ന ‘ഗാ​ത​റി​ങ് അ​റ്റ് ദി ​പേ​ളി​ങ് പാ​ത്ത്’ ഫെ​സ്റ്റി​വ​ലി​നാ​ണ് ക​ഴി​ഞ്ഞ ദി​വ​സം തു​ട​ക്ക​മാ​യ​ത്. മാ​ർ​ച്ച് 20 വ​രെ മു​ഹ​റ​ഖി​ലെ പേ​ളി​ങ് പാ​ത്ത് വി​സി​റ്റ​ർ ആ​ൻ​ഡ് എ​ക്സ്പീ​രി​യ​ൻ​സ് സെ​ന്റ​റി​ലാ​ണ് ഫെ​സ്റ്റി​വ​ൽ ന​ട​ക്കു​ന്ന​ത്. വ്യാ​ഴം, വെ​ള്ളി, ശ​നി ദി​വ​സ​ങ്ങ​ളി​ൽ രാ​ത്രി ഒ​മ്പ​ത് മു​ത​ൽ പു​ല​ർ​ച്ച ഒ​രു മ​ണി വ​രെ​യും മ​റ്റു ദി​വ​സ​ങ്ങ​ളി​ൽ രാ​ത്രി ഒ​മ്പ​ത് മു​ത​ൽ 12 വ​രെ​യു​മാ​ണ് പ​രി​പാ​ടി​ക​ൾ.

പ​ര​മ്പ​രാ​ഗ​ത സം​ഗീ​ത പ്ര​ക​ട​ന​ങ്ങ​ൾ, ശി​ല്പ​ശാ​ല​ക​ൾ, റ​മ​ദാ​ൻ മാ​സ​വു​മാ​യി ബ​ന്ധ​പ്പെ​ട്ട പ​രി​പാ​ടി​ക​ൾ എ​ന്നി​വ​യു​ൾ​പ്പെ​ടെ വി​വി​ധ സാം​സ്കാ​രി​ക, പൈ​തൃ​ക, വി​നോ​ദ പ്ര​വ​ർ​ത്ത​ന​ങ്ങ​ളാ​ണ് ഫെ​സ്റ്റി​വ​ലി​ലു​ള്ള​ത്. കൂ​ടാ​തെ, പേ​ളി​ങ് പാ​ത്ത് സ​ന്ദ​ർ​ശി​ക്കു​ന്ന കു​ടും​ബ​ങ്ങ​ൾ​ക്കും കു​ട്ടി​ക​ൾ​ക്കു​മാ​യി പ​ര​മ്പ​രാ​ഗ​ത ഗെ​യിം​സ് ഏ​രി​യ, കു​ട്ടി​ക​ളു​ടെ കോ​ർ​ണ​ർ എ​ന്നി​വ​യും ഒ​രു​ക്കി​യി​ട്ടു​ണ്ട്. ഫെ​സ്റ്റി​വ​ലി​ന്റെ ഭാ​ഗ​മാ​യി മാ​ർ​ച്ച് 13, 14 തീ​യ​തി​ക​ളി​ൽ ഖ​ർ​ഗാ​ഊ​ൻ ഇ​വ​ന്റ് സം​ഘ​ടി​പ്പി​ക്കും. അ​ൽ ഗൂ​സ് ഹൗ​സി​ൽ നി​ന്ന് അ​ൽ ജ​ല​ഹ്മ ഹൗ​സി​ലേ​ക്ക് ഷ​ബാ​ബ് അ​ൽ ഹി​ദ്ദി​ന്റെ​യും ഖ​ലാ​ലി ഫോ​ക്ക് ബാ​ൻ​ഡു​ക​ളു​ടെ​യും സം​ഗീ​ത പ​രി​പാ​ടി​ക​ളോ​ടെ പ​രേ​ഡ് ന​ട​ക്കും. ഹ​നീ​ൻ സെ​ദ്ര ഗാ​ല​റി​യി​ൽ എ​ല്ലാ ദി​വ​സ​വും രാ​വി​ലെ പ​ത്ത് മു​ത​ൽ ഉ​ച്ച​ക്ക് മൂ​ന്ന് വ​രെ​യും രാ​ത്രി 8.30 മു​ത​ൽ പു​ല​ർ​ച്ചെ 12.30 വ​രെ​യും ക​ലാ പ്ര​ദ​ർ​ശ​നം ഉ​ണ്ടാ​യി​രി​ക്കും.

മാ​ർ​ച്ച് 13ന് ​രാ​ത്രി ഒ​മ്പ​ത് മു​ത​ൽ മു​ഹ​റ​ഖ് ലേ​ലം സം​ഘ​ടി​പ്പി​ക്കും. മാ​ർ​ച്ച് 15ന് ​ഖു​ർ​ആ​ൻ ബു​ക്ക്‌​മാ​ർ​ക്കു​ക​ൾ, മാ​ർ​ച്ച് 17ന് ​റ​മ​ദാ​ൻ കൊ​ളാ​ഷു​ക​ൾ, മാ​ർ​ച്ച് 13ന് ​ഖ​ർ​ഗാ​ഊ​ൻ ബാ​ഗു​ക​ൾ, മാ​ർ​ച്ച് 14നും 20​നും മൊ​സൈ​ക് ഇ​സ്‍ലാ​മി​ക് പാ​റ്റേ​ണു​ക​ൾ, മാ​ർ​ച്ച് 16നും 18​നും റ​മ​ദാ​ൻ ക്ര​സ​ന്റ് മൂ​ൺ പെ​യി​ന്റി​ങ്ങു​ക​ൾ എ​ന്നി​വ​യു​മാ​യി ബ​ന്ധ​പ്പെ​ട്ട ശി​ല്പ​ശാ​ല​ക​ളു​മു​ണ്ടാ​വും.

റ​മ​ദാ​ൻ വി​ട​പ​റ​യ​ൽ സ്‌​മ​ര​ണ​ക്കാ​യി മാ​ർ​ച്ച് 28ന് ​പു​ല​ർ​ച്ചെ 12.30 മു​ത​ൽ 1.30 വ​രെ അ​ൽ ഗൂ​സ് ഹൗ​സി​ൽ നി​ന്ന് ഫ​ഖ്റോ ഹൗ​സി​ലേ​ക്ക് ന​ട​ത്തം സം​ഘ​ടി​പ്പി​ക്കും.