Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightGulfchevron_rightBahrainchevron_rightവ്യാഴവട്ടത്തി​െൻറ...

വ്യാഴവട്ടത്തി​െൻറ നോമ്പനുഭവവുമായി ശശികുമാർ

text_fields
bookmark_border
വ്യാഴവട്ടത്തി​െൻറ നോമ്പനുഭവവുമായി ശശികുമാർ
cancel

മനാമ: പുണ്യങ്ങൾ പെയ്​തിറങ്ങുന്ന നോമ്പുകാലത്ത്​ വിശ്വാസികൾക്കൊപ്പം വ്രതത്തിൽ പങ്കുചേരുകയാണ്​ ഷൊർണൂർ ചെറുതുരുത്തി സ്വദേശിയായ ശശികുമാർ. കഴിഞ്ഞ 12 വർഷത്തോളമായി റമദാനിലെ നോമ്പുകാരനാണ്​ താനെന്ന്​ ശശി അഭിമാനത്തോടെ പറയും. പ്രവാസത്തിനിടയിൽ ഒാർക്കാൻ ആഗ്രഹിക്കുന്ന കാലമാണ്​ റമദാൻ. പ്രവാസ ഭൂമിയിൽ വിവിധ രാജ്യക്കാരും മതസ്ഥരുമായുള്ള ചങ്ങാത്തമാണ്​ നോമ്പുമായി തന്നെ കണ്ണി​ചേർത്തതെന്ന്​ അദ്ദേഹം പറഞ്ഞു. പകൽ വ്രതവും രാത്രി ഖുർആൻ പാരായണവുമായാണ്​ ഇൗ മാസത്തെ ശശിയുടെ ചിട്ട.
ബഹ്​റൈനിൽ വരുന്നതിന്​ മുമ്പ്​ ദുബൈയിൽ രണ്ടുവർഷക്കാലം ജോലി ചെയ്​തു. അന്നും നോ​െമ്പടുത്തിരുന്നു. കൂടെ ജോലി ചെയ്യുന്നവരുടെ വ്രതനാളു​കളു​കളിലെ അർപ്പണം കണ്ടുതുടങ്ങിയതാണിത്​.
ശരീരത്തിനും മനസിനും പുത്തനുണർവ്​ ലഭിക്കുന്ന കാലമാണിതെന്ന്​ ശരി പറഞ്ഞു.രക്​തസമ്മർദ്ദമുണ്ട്​. പക്ഷേ, വ്രതമെടുക്കുന്നതുകൊണ്ട്​  യാതൊരുവിധ ബുദ്ധിമുട്ടും അനുഭവപ്പെട്ടിട്ടില്ല. നോമ്പുകാലം കേവലം ചടങ്ങല്ല.അത്​ ജീവിതത്തിലുടനീളം കാത്തുസൂക്ഷിക്കേണ്ട സ്വഭാവമഹിമക്കും സമർപ്പണബോധത്തിനും ഉൗർജമാകുമെന്ന്​ അദ്ദേഹം കൂട്ടിച്ചേർത്തു.ബഹ്​റൈനിൽ ‘യൂനിയൻ ഗ്രൂപ്പ്​ ഒാഫ്​ കമ്പനീസി’​ൽ ജനറൽ​ ട്രേഡിങ്​ ഡിവിഷൻ മാനേജറാണ്​ ശശികുമാർ. നോ​െമ്പടുക്കാൻ തുടങ്ങിയ ശേഷം റമദാൻ വേളയിലെല്ലാം  ഗൾഫിൽതന്നെയായിരുന്നു.  കമ്പനിയുടെ നേതൃത്വത്തിലുള്ള ചാരിറ്റി സംഘടനയുടെ മുഖ്യപ്രവർത്തകനാണ്​. ‘ഡിസ്​കവർ ഇസ്​ലാം’ മലയാള വിഭാഗവുമായി സഹകരിച്ച്​ പ്രവർത്തിക്കുന്നുണ്ട്​. ഭാര്യ അംബിക, മക്കളായ ശ്രീറാം, ഹരിനാരായണൻ എന്നിവരടങ്ങുന്നതാണ്​ കുടുംബം.

Show Full Article
TAGS:
Web Title - ramzan sashi kumar
Next Story