രമേശൻ പാലേരിക്ക്​ സ്വീകരണം നൽകി

മനാമ: ഉൗരാളുങ്കൽ ലേബർ കോൺട്രാക്​ട്​ കോ-ഒാപറേറ്റീവ്​ സൊസൈറ്റി ചെയർമാൻ രമേശൻ​ പാലേരിക്ക്​ വടകര സഹൃദയവേദി സ്വീകരണം നൽകി. ബാ​േങ്കാക്ക്​ റെസ്​റ്റോറൻറ്​ ഹാളിൽ നടന്ന സ്വീകരണത്തിൽ പ്രസിഡൻറ്​ കെ.ആർ. ചന്ദ്രൻ മെമെ​േൻറാ കൈമാറി. കേരളീയ സമാജം ഏർപ്പെടുത്തിയ അവാർഡ്​ സ്വീകരിക്കാൻ ബഹ്​റൈനിൽ എത്തിയതായിരുന്നു അദ്ദേഹം. രമേശൻ പാലേരിയുടെ ദീർഘവീക്ഷണവും നേതൃപാടവവുമാണ്​ സൊസൈറ്റിയെ മുൻനിര സഹകരണ സംഘമാക്കി മാറ്റി​യതെന്ന്​ യോഗം വിലയിരുത്തി. സംഘത്തി​​െൻറ വളർച്ചയുടെ വിവിധ ഘട്ടങ്ങളെകുറിച്ചും പ്രവാസികളുടെ നിക്ഷേപ സാധ്യതകളെകുറിച്ചും പാലേരി സംസാരിച്ചു. സെക്രട്ടറി എം. ശശിധരൻ സ്വാഗതം പറഞ്ഞു. ആർ. പവിത്രൻ രാമത്ത്​ ഹരിദാസ്​ എന്നിവർ സംസാരിച്ചു. ട്രഷറർ എം.പി. വിനീഷ്​ യോഗ നടപടികൾ നിയന്ത്രിച്ചു.