റമദാനിൽ സ്​കൂളുകളുടെ പ്രവർത്തനസമയം പ്രഖ്യാപിച്ചു

മനാമ: റമദാനിൽ സ്​കൂളുകളുടെ ​പ്രവർത്തനസമയം ​പ്രഖ്യാപിച്ച്​ വിദ്യാഭ്യാസ മന്ത്രാലയം സർക്കുലർ പുറത്തിറക്കി. ലോവർ ​പ്രൈമറി സ്​കൂളുകൾ രാവിലെ എട്ട്​ മുതൽ ആരംഭിച്ച്​ ഉച്ചക്ക്​ 12.25 വരെയും അപ്പർ പ്രൈമറി സ്​കൂളുകൾ രാവിലെ എട്ട്​ മുതൽ ഒരു മണി വരെയും സെക്കൻഡറിതലം രാവിലെ എട്ട്​ മുതൽ ഉച്ചക്ക്​ 1.20 വരെയുമായിരിക്കും പ്രവർത്തിക്കുക. ഉച്ചക്ക്​ ശേഷം പ്രവർത്തിക്കുന്ന വൊക്കേഷനൽ സ്​കൂളുകൾ ഉച്ചക്ക്​ 1.30 മുതൽ വൈകീട്ട്​ 5.10 വരെയുമായിരിക്കും പ്രവർത്തിക്കുക.