ഉ​മ്മ​യു​ടെ അ​ത്താ​ഴം വി​ളി​യും ചൂ​ട്ട് വെ​ളി​ച്ച​വും

റ​മ​ദാ​ൻ അ​നു​ഷ്ഠാ​ന ആ​രാ​ധ​നാ ക​ർ​മ​മാ​ണെ​ങ്കി​ലും കു​ട്ടി​ക്കാ​ല​ത്ത് അ​തൊ​രു ആ​ഘോ​ഷ​വും നി​റ​പ്പൊ​ലി​മ​യു​മാ​യി​രു​ന്നു. കു​ട്ടി​ക​ൾ​ക്ക് പ​ര​മ​സ്വാ​ത​ന്ത്ര്യം കി​ട്ടു​ന്ന മാ​സം കൂ​ടി​യാ​യി​രു​ന്നു നോ​മ്പു​കാ​ലം. റ​മ​ദാ​നി​ൽ നോ​മ്പെ​ടു​ക്കു​ക​യെ​ന്ന​ത് കു​ട്ടി​ക​ൾ​ക്കി​ട​യി​ൽ മ​ത്സ​ര​മാ​യി​ട്ടാ​യി​രു​ന്നു ഒ​രോ വീ​ടു​ക​ളി​ലും ക​ണ്ടി​രു​ന്ന​ത്. ആ ​നി​റ​പ്പൊ​ലി​മ ഓ​ർ​ക്കു​മ്പോ​ൾ ആ​ദ്യ​മാ​യ് മ​ന​സ്സി​ലെ​ത്തു​ന്ന​ത് വ​ർ​ഷ​ങ്ങ​ൾ​ക്കു​മു​മ്പ് വി​ട്ടു​പി​രി​ഞ്ഞ പ്രി​യ ഉ​മ്മ​യാ​ണ്.

റ​മ​ദാ​നി​​ന്റെ ഒ​രോ രാ​ത്രി​യും അ​ത്താ​ഴം ക​ഴി​ക്കാ​ൻ എ​ന്നെ​യും വി​ളി​ക്ക​ണ​മെ​ന്ന്​ ഉ​മ്മ​യോ​ട്​ പ​റ​ഞ്ഞേ​ൽ​പി​ച്ചാ​യി​രു​ന്നു എ​ല്ലാ ദി​വ​സ​വും ഉ​റ​ങ്ങാ​ൻ കി​ട​ക്കാ​റ്. പ​റ​ഞ്ഞു​റ​പ്പി​ച്ച​പോ​ലെ ഉ​മ്മ കൃ​ത്യ​മാ​യി വി​ളി​ച്ചു​ണ​ർ​ത്തി അ​ത്താ​ഴം ക​ഴി​പ്പി​ച്ചു. ബി​രി​യാ​ണി​യും മ​റ്റു വി​ഭ​വ​സ​മൃ​ദ്ധ​മാ​യ ഭ​ക്ഷ​ണ​വും വ്യാ​പ​ക​മ​ല്ലാ​ത്ത ആ ​കാ​ല​ത്ത് മ​ട്ട അ​രി​യു​ടെ ചോ​റും മീ​ൻ ക​റി​യും പൊ​രി​ച്ച മ​ത്തി​യും നോ​മ്പ​ച്ചാ​റും മാ​ത്ര​മു​ള്ള അ​ത്താ​ഴ​മാ​യി​രു​ന്നു അ​ധി​ക​വീ​ടു​ക​ളി​ലെ​യും ഭ​ക്ഷ​ണം. ക​ട്ട​ൻ​ചാ​യ കു​ടി​ക്ക​ൽ നി​ർ​ബ​ന്ധം​പോ​ലെ ആ​യി​രു​ന്നു. പി​ന്നീ​ട് നോ​മ്പി​നു​ള്ള നി​യ്യ​ത്ത് വാ​ച​കം ഉ​മ്മ ചൊ​ല്ലി​ത്ത​രു​മ്പോ​ൾ അ​ത് ഏ​റ്റു​ചൊ​ല്ലി നോ​മ്പു​കാ​ര​നാ​കും.

സ്കൂ​ളു​ക​ൾ​ക്കും മ​ദ്ര​സ​ക​ൾ​ക്കും അ​വ​ധി​ക്കാ​ല​മാ​ണ് നോ​മ്പു​മാ​സം. വീ​ട്ടി​ലെ പ​ശു​ക്ക​ൾ​ക്കും ആ​ടു​ക​ൾ​ക്കും പു​ല്ല്​ ശേ​ഖ​രി​ക്കു​ക​യും അ​വ​യെ മേ​ച്ചു​ന​ട​ക്കു​ക​യു​മാ​ണ് അ​ക്കാ​ല​ത്ത്​ ചെ​യ്തി​രു​ന്ന​ത്. കൃ​ത്യ​ത​യോ​ടെ ഖു​ർ​ആ​ൻ പാ​രാ​യ​ണം ചെ​യ്യ​ണ​മെ​ന്ന ക​ർ​ശ​ന നി​ർ​ദേ​ശ​വും ഉ​ണ്ടാ​യി​രു​ന്നു.

ഉ​ച്ച സ​മ​യ​ത്തെ ളു​ഹ്ർ ന​മ​സ്കാ​ര​ത്തി​ലേ​ക്ക് പ്ര​വേ​ശി​ക്കും മു​മ്പ് കു​ളി​ച്ചു വൃ​ത്തി​യാ​കാ​ൻ വീ​ടി​ന​ടു​ത്തു​കൂ​ടി ഒ​ഴു​കു​ന്ന പ്ര​കൃ​തി​ര​മ​ണീ​യ​മാ​യ ക​ല്ലാ​ച്ചേ​രി​ക്ക​ട​വ് പു​ഴ​യി​ലേ​ക്ക് കൂ​ട്ടു​കാ​രോ​ടൊ​പ്പം ഇ​റ​ങ്ങി​യാ​ൽ നോ​മ്പ് മ​റ​ന്നു​പോ​കു​ന്ന കു​ളി​യാ​കു​ക​യാ​ണ് പ​തി​വ്.

മ​ദ്ര​സ​യി​ലെ ഉ​സ്താ​ദു​മാ​രും ഉ​മ്മ​യും പ​റ​യു​ന്ന​ത് കേ​ട്ടി​ട്ടു​ണ്ട്; മു​ങ്ങി​ക്കു​ളി​ച്ചാ​ൽ നോ​മ്പ് ന​ഷ്ട​പ്പെ​ടു​മെ​ന്ന്. കു​ളി ക​ഴി​യു​മ്പോ​ഴേ​ക്കും ആ​വ​ശ്യ​മു​ള്ള ദാ​ഹ​ജ​ലം വ​യ​റ്റി​ലേ​ക്ക് എ​ത്തി കാ​മ്പി​ല്ലാ​ത്ത നോ​മ്പു​കാ​രാ​യി അ​സ്ത​മ​യം വ​രെ കാ​ത്തി​രി​ക്കേ​ണ്ടി വ​രാ​റു​ണ്ട്.

മ​ണി​ക്കൂ​റു​ക​ൾ​ക്ക് മു​മ്പാ​യി​രി​ക്കും മു​തി​ർ​ന്ന​വ​ർ ഞ​ങ്ങ​ളെ ഒ​രോ​രു​ത്ത​രെ​യും നോ​മ്പു​തു​റ​ക്കാ​നു​ള്ള ചു​മ​ത​ല ഏ​ൽ​പി​ക്കു​ന്ന​ത്. തൊ​ട്ട​ടു​ത്ത് താ​മ​സി​ക്കു​ന്ന ഹൈ​ന്ദ​വ സ​ഹോ​ദ​ര​ങ്ങ​ൾ പ​ള്ളി​യി​ലേ​ക്ക് കാ​ണി​ക്ക​യാ​യി ന​ല്ല പ​ഴു​ത്ത സ്വാ​ദു​ള്ള മാ​ങ്ങ, വാ​ഴ​ക്കു​ല, ഇ​ള​നീ​ർ തു​ട​ങ്ങി​യ​വ ന​ൽ​കാ​റു​ണ്ട്. ഇ​ന്നും ആ ​സൗ​ഹൃ​ദ ബ​ന്ധം കാ​ത്തു​സൂ​ക്ഷി​ക്കു​ന്നു​ണ്ട്.

വീ​ടി​ന​ടു​ത്ത നി​സ്കാ​ര​പ്പ​ള്ളി​യി​ൽ എ​ത്തു​ന്ന​വ​ർ​ക്കാ​യ് ചാ​യ​ക്കോ​പ്പ​ക​ൾ ക​ഴു​കി​വെ​ക്കാ​നും അ​ടു​പ്പി​ൽ വി​റ​കി​ട്ട് ഊ​തി ക​ത്തി​ക്കാ​നു​മൊ​ക്കെ മു​തി​ർ​ന്ന​വ​ർ കു​ട്ടി​ക​ളാ​യ ഞ​ങ്ങ​ളെ ചു​മ​ത​ല​പ്പെ​ടു​ത്തും. അ​വ​സാ​ന നി​മി​ഷം ഒ​രോ​രു​ത്ത​രു​ടെ കൈ​ക​ളി​ൽ ബ​ണ്ണും ഉ​ണ​ക്ക കാ​ര​ക്ക​യും കൊ​ടു​ത്താ​ൽ അ​ന്ന​ത്തെ ഇ​ഫ്താ​ർ സ​മാ​പി​ക്കും.

രാ​ത്രി കാ​ല​ത്തെ ത​റാ​വീ​ഹ് ന​മ​സ്കാ​ര​ത്തി​ന് കൂ​ടു​ത​ലാ​ളു​ക​ൾ പ​ങ്കെ​ടു​ക്കാ​റു​ള്ള പ​ള്ളി​ക​ളി​ലാ​ണ് പോ​കാ​റു​ള്ള​ത്. ഒ​രു കി​ലോ​മീ​റ്റ​റി​ല​ധി​കം ദൂ​ര​മു​ള്ള മു​ട​വ​ന്തേ​രി പ​ള്ളി​യാ​ണ് അ​ക്കാ​ല​ത്തെ പ്ര​സി​ദ്ധ പ​ള്ളി​ക​ളി​ൽ ഒ​ന്ന്. പു​ഴ​യോ​ര​ത്തെ അ​പ​ക​ടം പ​തി​യി​രി​ക്കു​ന്ന ഊ​ടു​വ​ഴി​ക​ളി​ലൂ​ടെ ഉ​പ്പ​യു​ടെ കൂ​ടെ ചൂ​ട്ട് ക​ത്തി​ച്ചു​വേ​ണം അ​വി​ടേ​ക്ക്​ പോ​കാ​ൻ. എ​ത്തു​മ്പോ​ഴേ​ക്കും ര​ണ്ട് ചൂ​ട്ട് ക​ത്തി​ത്തീ​രും.

പ​ല പ്ര​ദേ​ശ​ങ്ങ​ളി​ൽ​നി​ന്നും ചൂ​ട്ടു​ വെ​ളി​ച്ച​ത്തി​ൽ ത​റാ​വീ​ഹ് ന​മ​സ്കാ​ര​ത്തി​നാ​യി പു​റ​പ്പെ​ട്ട സം​ഘ​ങ്ങ​ളെ കാ​ണു​ന്ന​ത്​ കൗ​തു​ക​മാ​യി ഓ​ർ​ത്തു​പോ​കു​ന്നു.