മീത്തൽപള്ളിയിലെ നോമ്പോർമകൾ

നോ​മ്പു​കാ​ല​ത്തി​​ന്റെ മ​ധു​ര​മു​ള്ള ഓ​ർ​മ​ക​ൾ കു​ട്ടി​ക്കാ​ല​ത്തേ​താ​ണ്. കോ​ഴി​ക്കോ​ട് ജി​ല്ല​യി​ലെ തി​ക്കോ​ടി​ക്ക് അ​ടു​ത്തു​ള്ള മീ​ത്ത​ൽ​പ​ള്ളി​യി​ലെ നോ​മ്പു​തു​റ​യാ​ണ് ആ ​നാ​ളു​ക​ളി​ലെ സ​ന്തോ​ഷം. റ​മ​ദാ​ൻ ദി​ന​ങ്ങ​ളി​ൽ പാ​തി​രാ​ത്രി​യി​ലെ അ​ത്താ​ഴ​വും സു​ബ്ഹി ന​മ​സ്കാ​ര​വും ക​ഴി​ഞ്ഞ് നീ​ണ്ട ഉ​റ​ക്ക​മാ​ണ്. മി​ക്ക​വാ​റും ആ ​ഉ​റ​ക്ക​ത്തി​​ന്റെ ദൈ​ർ​ഘ്യം ഉ​ച്ച​ക്കു​ള്ള ളു​ഹ​ർ ബാ​ങ്കി​​ന്റെ ഒ​രു മ​ണി​ക്കൂ​ർ മു​മ്പു​വ​രെ നീ​ണ്ടു​നി​ൽ​ക്കും. അ​ത​ല്ലെ​ങ്കി​ൽ വീ​ട്ടി​ലെ കോ​ളി​ങ് ബെ​ല്ലി​​ന്റെ രൂ​പ​ത്തി​ൽ ഉ​റ്റ​ച​ങ്ങാ​തി മു​ജീ​ബ് വ​ന്ന് വി​ളി​ക്കു​ന്ന​തു​വ​രെ​യോ ആ​യി​രി​ക്കും.

മു​ജീ​ബി​നെ ക​ണ്ടാ​ൽ ചാ​ടി എ​ഴു​ന്നേ​റ്റ് ഫ്ര​ഷാ​യി ബൈ​ക്കും എ​ടു​ത്ത് നേ​രെ ത​ഖ്‌​വ പ​ള്ളി​യി​ലേ​ക്ക് ഒ​രു ഓ​ട്ട​പ്പാ​ച്ചി​ലാ​ണ്. ളു​ഹ​ർ ന​മ​സ്കാ​ര​ത്തി​ന് ശേ​ഷം കൂ​ട്ടു​കാ​രു​ടെ സൊ​റ​പ​റ​യ​ലി​​ന്റെ കേ​ന്ദ്ര​മാ​യ മ​ജീ​ദ്ക്ക​യു​ടെ പി.​കെ പീ​ടി​ക​യു​ടെ വ​രാ​ന്ത​യി​ലേ​ക്ക് നേ​രെ ഒ​രു പോ​ക്കാ​ണ്. റ​മ​ദാ​ൻ ഒ​ന്ന് ആ​യ​ത് കൊ​ണ്ടു​ത​ന്നെ അ​ന്ന​ത്തെ ച​ർ​ച്ച നോ​മ്പ് തു​റ​ക്കാ​നു​ള്ള പ​ള്ളി​യു​ടെ ലി​സ്റ്റി​ട​ലാ​ണ്. ആ​ദ്യ​ത്തെ പ​ത്ത് നോ​മ്പ് തു​റ​ക്കാ​നു​ള്ള പ​ള്ളി​ക​ളു​ടെ ലി​സ്റ്റാ​യി​രി​ക്കും ആ​ദ്യം ഇ​ടു​ക. തൊ​ട്ട​ടു​ത്ത പ്ര​ദേ​ശ​ങ്ങ​ളി​ലെ സ​മ്പ​ന്ന​ർ താ​മ​സി​ക്കു​ന്ന ഭാ​ഗ​ങ്ങ​ളി​ലെ പ​ള്ളി​ക​ളാ​യി​രി​ക്കും ആ​ദ്യ​ലി​സ്റ്റി​ൽ ഇ​ടം​പി​ടി​ക്കു​ക. അ​വി​ടെ ആ​കു​മ്പോ​ൾ നോ​മ്പ് തു​റ​ക്കാ​ൻ ന​ല്ല വി​ഭ​വ​ങ്ങ​ൾ ഉ​ണ്ടാ​കും.

മി​ക്ക​വാ​റും അ​ത് ചി​ര​ച്ചി​ൽ പ​ള്ളി​യോ അ​ല്ലെ​ങ്കി​ൽ, മീ​ത്ത​ൽ പ​ള്ളി​യോ ആ​യി​രി​ക്കും. റ​മ​ദാ​നി​ലെ ആ​ദ്യ നോ​മ്പു​ദി​ന​ത്തി​ൽ വൈ​കു​ന്നേ​ര​ത്തെ മ​ഗ്‌​രി​ബ് ബാ​ങ്കി​ന് തൊ​ട്ടു​മു​മ്പാ​യി നി​ശ്ച​യി​ച്ച​പോ​ലെ മീ​ത്ത​ൽ​പ​ള്ളി ല​ക്ഷ്യ​മാ​ക്കി നീ​ങ്ങും. പ​ള്ളി​യു​ടെ ഗേ​റ്റ്​ ക​ട​ക്കു​ന്ന​തി​ന് മു​മ്പു​ത​ന്നെ നോ​മ്പു​തു​റ​ക്ക് കെ​ട്ടി​യ ടെ​ൻ​ഡി​ലേ​ക്ക് ഒ​ന്ന് ക​ണ്ണോ​ടി​ക്കും. പ​രി​ച​യ​ക്കാ​രും കു​ട്ടി​ക​ളും അ​ട​ങ്ങി​യ ഒ​രു പ​ട​ത​ന്നെ അ​വി​ടെ ത​ങ്ങ​ളു​ടേ​താ​യ സ്ഥാ​നം ഉ​റ​പ്പി​ച്ചി​ട്ടു​ണ്ടാ​കും.

അ​പ്പോ​ഴേ​ക്ക് മ​ന​സ്സും ശ​രീ​ര​വും പ​ര​സ്പ​രം പി​റു​പി​റു​ക്കു​ന്ന​ത് കേ​ൾ​ക്കാം; വൈ​കി​യ​ല്ലോ​യെ​ന്ന്. കു​റ​ച്ചു​കൂ​ടി നേ​ര​ത്തെ വ​രാ​മാ​യി​രു​ന്ന​ല്ലോ എ​ന്ന് മു​ജീ​ബി​​ന്റെ വ​ക കു​റ്റ​പ്പെ​ടു​ത്ത​ൽ വേ​റെ​യും. എ​ന്നെ​ക്കാ​ൾ ഈ ​കാ​ര്യ​ത്തി​ൽ കു​റ​ച്ച് കൂ​ടു​ത​ൽ പ​രി​ച​യം ഉ​ള്ള​തു​കൊ​ണ്ടു​ത​ന്നെ അ​വ​ന് ടെ​ൻ​ഡി​ലെ കാ​ര്യ​ങ്ങ​ളൊ​ക്കെ അ​റി​യാം. ടെ​ൻ​ഡി​ന് പു​റ​ത്തു​വ​രു​ന്ന​വ​രെ സ്വീ​ക​രി​ക്കാ​ൻ കൊ​ളാ​യി അ​ബ്ദു​റ​ഹി​മാ​ൻ ഇ​ക്ക കാ​ത്തു​നി​ൽ​പു​ണ്ടാ​കും. മൂ​പ്പ​ർ റ​മ​ദാ​ൻ 30വ​രെ പ​ള്ളി​യി​ലെ നോ​മ്പു​തു​റ പ്രോ​ഗ്രാം ഓ​ൾ​റൗ​ണ്ട​റാ​യി അ​വി​ടെ​യു​ണ്ടാ​കും.

ആ​ദ്യ നോ​മ്പു​തു​റ ആ​യ​തി​നാ​ൽ​ത​ന്നെ വി​ഭ​വ​ങ്ങ​ൾ കൂ​ടു​ത​ൽ ഉ​ണ്ടാ​കും. ആ​ദ്യ​പ​ടി​യി​ൽ കാ​ര​ക്ക​യും ഈ​ത്ത​പ്പ​ഴ​വും ഫ്രൂ​ട്ട്സും പി​ന്നെ കു​റെ വ​റ​വു​ക​ളും അ​ലീ​സ​യും. വ​റ​വ് സാ​ധ​ന​ങ്ങ​ൾ മി​ക്ക​തും പ​ള്ളി​യു​ടെ അ​യ​ൽ​പ​ക്ക​ത്തു​ള്ള വീ​ടു​ക​ളി​ലെ ഉ​മ്മ​മാ​ർ ഉ​ണ്ടാ​ക്കി പ​ള്ളി​യി​ലേ​ക്ക് കൊ​ടു​ക്കു​ന്ന​താ​ണ്.

അ​തു​കൊ​ണ്ടു​ത​ന്നെ അ​തി​ന് പ്ര​ത്യേ​ക രു​ചി​യാ​യി​രി​ക്കും. ഇ​തൊ​ക്കെ ക​ഴി​ച്ച് ക​ഴി​യു​മ്പോ​ഴ​ത്തേ​ക്ക് മ​ഗ്​​രി​ബ് ന​മ​സ്കാ​രം തു​ട​ങ്ങും. ന​മ​സ്കാ​രം ക​ഴി​ഞ്ഞാ​ൽ വീ​ണ്ടും ടെ​ൻ​ഡി​ലേ​ക്ക് ഓ​ടും. മ​ന​സ്സ് നി​റ​യെ ബി​രി​യാ​ണി ആ​യ​തു​കൊ​ണ്ടു​ത​ന്നെ ച​ങ്ങാ​തി മു​ജീ​ബി​നെ മ​റ​ക്കും. അ​വ​ൻ തി​രി​ച്ചും. പ്ര​തീ​ക്ഷി​ച്ച​പോ​ലെ ന​ല്ല ബി​രി​യാ​ണി​യും ക​ഴി​ച്ച് താ​ൽ​ക്കാ​ലി​ക​മാ​യി പ​ള്ളി​ക്ക് പു​റ​ത്ത് ഉ​ണ്ടാ​ക്കി​യ പൈ​പ്പി​ൽ​നി​ന്ന് കൈ​യും ക​ഴു​കി നാ​ളെ കാ​ണാം എ​ന്ന​മ​ട്ടി​ൽ പ​ള്ളി​യി​ലേ​ക്ക് തി​രി​ഞ്ഞു​നോ​ക്കും. പി​ന്നെ മു​ജീ​ബു​മൊ​ത്ത് ത​ങ്ങ​ളു​ടെ വീ​ടു​ക​ളി​ലെ നോ​മ്പ് തു​റ​ക്കാ​നു​ള്ള വി​ഭ​വ​ങ്ങ​ൾ സ്വ​പ്നം​ക​ണ്ട് യാ​ത്ര​തി​രി​ക്കും. പ്ര​വാ​സം തു​ട​ങ്ങി ഏ​ക​ദേ​ശം 10 വ​ർ​ഷം ക​ഴി​യു​മ്പോ​ഴും റ​മ​ദാ​ൻ വ​രു​മ്പോ​ൾ മ​ന​സ്സി​ൽ ഓ​ടി​യെ​ത്തു​ന്ന​ത് മീ​ത്ത​ൽ​പ​ള്ളി​യി​ലെ നോ​മ്പു​തു​റ​യു​ടെ കാ​ല​മാ​ണ്..