വ​റു​തി​ക്കാ​ല​ത്തെ നോ​മ്പോ​ർ​മ​ക​ൾ

08:07 AM
22/05/2020
ബ​ഷീ​ർ വാ​ണി​യ​ക്കാ​ട്

വൈ​കീ​ട്ട് നാ​ലു മു​ത​ൽ ആ​റു വ​രെ സ​ർ​ക്കാ​റി​​​െൻറ​യും സ​ന്ന​ദ്ധ സം​ഘ​ട​ന​ക​ളു​ടെ​യും മൂ​ന്നു വാ​ഹ​ന​ങ്ങ​ളെ​ങ്കി​ലും സൗ​ജ​ന്യ ബി​രി​യാ​ണി വി​ത​ര​ണം ന​ട​ത്താ​ത്ത റോ​ഡു​ക​ൾ ബ​ഹ്​​റൈ​ൻ പ്ര​വാ​സി ഏ​രി​യ​ക​ളി​ൽ ഇ​ല്ല. ഈ ​പ​വി​ഴ​ദ്വീ​പി​ൽ ജാ​തി-​മ​ത​ഭേ​ദ​െ​മ​ന്യേ ഒ​രാ​ൾ പോ​ലും ഈ ​പ്ര​തി​സ​ന്ധി കാ​ല​ത്ത് ഭ​ക്ഷ​ണം ല​ഭി​ക്കാ​ത്ത​വ​രാ​യി ഉ​ണ്ടാ​കി​ല്ലെ​ന്ന് നി​സ്സം​ശ​യം പ​റ​യാം. എ​ന്നു മാ​ത്ര​മ​ല്ല ഒ​ത്തി​രി ഭ​ക്ഷ​ണം വേ​സ്​​റ്റ്​ ആ​കു​ന്നു​ണ്ടെ​ന്നും ദുഃ​ഖ​ത്തോ​ടെ പ​റ​യേ​ണ്ടി വ​രും.അ​തേ​സ​മ​യം, ഉ​ത്ത​രേ​ന്ത്യ​ൻ ഗ്രാ​മ​ങ്ങ​ളി​ലും ലോ​ക​ത്തി​​െൻറ മ​റ്റു പ​ല രാ​ജ്യ​ങ്ങ​ളി​ലും പ​ച്ച​വെ​ള്ളം​കൊ​ണ്ടു​മാ​ത്രം നോ​മ്പു​തു​റ​ക്കു​ന്ന വാ​ർ​ത്ത​ക​ളും ഫോ​ട്ടോ​ക​ളും കാ​ണു​മ്പോ​ൾ ഹൃ​ദ​യ​ത്തി​ൽ ക​രു​ണ​യു​ള്ള​വ​ർ​ക്ക് സ​ങ്ക​ടം അ​ണ​പൊ​ട്ടും.ഈ ​ര​ണ്ട് കാ​ഴ്ച​ക​ളും ക​ണ്ട​പ്പോ​ഴാ​ണ് എ​ഴു​പ​തു​ക​ളി​ലെ നോ​മ്പു​കാ​ലം ഓ​ർ​മ​യി​ൽ തെ​ളി​യു​ന്ന​ത്. ശ​രി​ക്കും ഇ​ന്ന് ഉ​ത്ത​രേ​ന്ത്യ​ൻ സാ​ധു​ക്ക​ളു​ടെ അ​വ​സ്ഥ​യാ​യി​രു​ന്നു അ​ന്ന് കേ​ര​ള​ത്തി​ലെ മി​ക്ക​വാ​റും കു​ടും​ബ​ങ്ങ​ളി​ൽ. റ​മ​ദാ​നി​ലെ കൂ​ടു​ത​ൽ ദി​വ​സ​ങ്ങ​ളി​ലും ഉ​മ്മ​യു​ടെ വീ​ട്ടി​ലാ​കും. കൃ​ഷി​യു​ള്ള ഉ​മ്മ​യു​ടെ ത​റ​വാ​ട്ടി​ൽ നി​ന്നാ​യി​രു​ന്നു അ​ത്യാ​വ​ശ്യം അ​രി​യൊ​ക്കെ ല​ഭി​ച്ചി​രു​ന്ന​ത്. അ​രി​ക്ക​ലം കാ​ലി​യാ​കു​മ്പോ​ൾ വൈ​ക്കം മു​ഹ​മ്മ​ദ് ബ​ഷീ​റി​​െൻറ ക​ഥ​യി​ലെ പാ​ത്തു​മ്മ​യെ​പ്പോ​ലെ ഉ​മ്മ ഞ​ങ്ങ​ളെ​യും ആ​ടി​നെ​യും ഒ​ക്കെ കൂ​ട്ടി ര​ണ്ട് കി.​മീ ദൂ​ര​മു​ള്ള വ​ല്യു​മ്മ​യു​ടെ വീ​ട്ടി​ലേ​ക്ക് പോ​കും. 

ഉ​മ്മ ത​റ​വാ​ട്ടി​ലെ മൂ​ത്ത മ​ക​ൾ ആ​യ​തു കൊ​ണ്ടും ഞ​ങ്ങ​ൾ ആ​ദ്യ​ത്തെ പേ​ര​ക്കു​ട്ടി​ക​ൾ ആ​യ​തു കൊ​ണ്ടും വ​ല്യു​മ്മാ​ക്കും മാ​മാ​മാ​ർ​ക്കും എ​േ​ള​മ്മ​മാ​ർ​ക്കും അ​മ്മാ​യി​മാ​ർ​ക്കും ഞ​ങ്ങ​ളെ ഏ​റെ പ്രി​യ​മാ​യി​രു​ന്നു. ഞ​ങ്ങ​ളും ആ​ടും അ​വി​ട​ത്തെ പ​ശു​ക്ക​ളും ഒ​ക്കെ കൂ​ടി പി​ന്നെ അ​വി​ടെ ഒ​രു ബ​ഹ​ള​മാ​യി​രി​ക്കും.അ​ക്കാ​ല​ത്ത് വ​ല്യു​മ്മ​യു​ടെ വീ​ട്ടി​ൽ പോ​ക്ക് ഞ​ങ്ങ​ൾ​ക്ക് പെ​രു​ന്നാ​ൾ വ​രു​ന്ന പോ​ലെ സ​ന്തോ​ഷ​ക​ര​മാ​യി​രു​ന്നു. അ​വി​ടെ​നി​ന്ന് സ്​​കൂ​ളി​ൽ പോ​കാ​നും എ​ളു​പ്പ​മാ​ണ്. പോ​രാ​ത്ത​തി​ന് ഇ​ള​യ മാ​മ എ​​െൻറ കൂ​ട്ടു​കാ​ര​നു​മാ​യി​രു​ന്നു. പി​ന്നെ അ​വി​ടെ ഇ​ട​ക്ക് റാ​ത്തീ​ബും മൗ​ലൂ​ദു​മൊ​ക്കെ ഉ​ള്ള​തു​കൊ​ണ്ട് ന​ല്ല ശാ​പ്പാ​ടും ല​ഭി​ക്കും.സ്​​കൂ​ളി​ൽ​നി​ന്ന് വ​രു​ന്ന വ​ഴി ഉ​പ്പാ​പ്പാ​ടെ കു​ടും​ബ ജാ​റ​ത്തി​ൽ കേ​റി (ഇ​ന്ന​ത്തെ മ​ന്നം ജാ​റ​പ്പ​ടി) അ​വി​ടെ ഭ​ക്ത​ർ ഇ​ടു​ന്ന പൈ​സ എ​ടു​ത്ത് മി​ഠാ​യി വാ​ങ്ങു​ന്ന​ത് ഞ​ങ്ങ​ളു​ടെ സ്ഥി​രം പ​തി​വാ​ണ്. ചി​ല ദി​വ​സ​ങ്ങ​ളി​ൽ അ​ഞ്ചു പൈ​സ. ഏ​റി​യാ​ൽ 15 പൈ​സ വ​രെ ല​ഭി​ക്കും. പ്രാ​യ​ശ്ചി​ത്ത​മാ​യി സ​ന്ധ്യാ​സ​മ​യ​ത്ത് ഉ​പ്പാ​പ്പാ​ടെ പേ​രി​ൽ ഒ​രു യാ​സീ​ൻ ഓ​തി​യാ​ൽ മ​തി​യെ​ന്നാ​ണ് വെ​പ്പ്.

ഇ​ന്ന​ത്തെ പോ​ലെ സ​ഹാ​യ മ​നഃ​സ്ഥി​തി ഉ​ള്ള സ​മ്പ​ന്ന​ന്മാ​രൊ​ന്നും അ​ന്ന് നാ​ട്ടി​ൽ ഉ​ണ്ടാ​യി​രു​ന്നി​ല്ല. അ​വ​ർ​ക്ക് പ​ള്ളി​യി​ലെ​യും നാ​ട്ടി​ലെ​യും സ്ഥാ​ന​മാ​ന​ങ്ങ​ൾ മാ​ത്രം മ​തി​യാ​യി​രു​ന്നു. അ​ക്കാ​ല​ത്ത്​ പാ​വ​ങ്ങ​ൾ​ക്ക്​​ ആ​കെ​യു​ള്ള സ​ഹാ​യം പ​ള്ളി​യി​ലെ സാ​ധു​ക്ക​ഞ്ഞി വി​ത​ര​ണം മാ​ത്ര​മാ​യി​രു​ന്നു.മി​ക്ക​വാ​റും ദി​വ​സ​ങ്ങ​ളി​ൽ ഇ​രു​നാ​ഴി അ​രി ഇ​ട്ടു വെ​ച്ച് ര​ണ്ടു നേ​രം എ​ട്ട് പാ​ത്ര​ങ്ങ​ളി​ൽ പ​ങ്ക് വെ​ച്ച് ക​ഞ്ഞി​വെ​ള്ളം മാ​ത്രം കു​ടി​ച്ച് നോ​മ്പ് പി​ടി​ക്കു​ന്ന ‘ഉ​മ്മ’​ഇ​ന്നും ഓ​ർ​മ​ക​ളി​ലെ നോ​വാ​ണ്. മൂ​ത്ത മ​ക​ൻ ഞാ​നാ​യ​തു കൊ​ണ്ട്​ വെ​ള്ളം കോ​രാ​നും മ​റ്റും ഉ​മ്മ​യെ സ​ഹാ​യി​ക്കു​ന്ന ജോ​ലി​യും എ​നി​ക്കാ​യി​രു​ന്നു. മു​ള​ക് ച​മ്മ​ന്തി​യെ​ക്കാ​ൾ രു​ചി​യു​ള്ള ക​റി വേ​റെ​യി​ല്ലെ​ന്നു വി​ശ്വ​സി​ച്ചി​രു​ന്ന കാ​ലം. വൈ​കീ​ട്ട് പ​ള്ളി​യി​ൽ​നി​ന്ന് ല​ഭി​ക്കു​ന്ന ജീ​ര​ക​ക്ക​ഞ്ഞി​യാ​യി​രു​ന്നു മി​ക്ക​വാ​റും കു​ടും​ബ​ങ്ങ​ളു​ടെ ആ​ശ്ര​യം.

ക​പ്പ​യും കാ​ച്ചി​ലും താ​ളും കെ.​എ​സ് മൂ​ത്താ​പ്പാ​ടെ വീ​ട്ടി​ൽ​നി​ന്ന് ഒ​ഴി​വാ​ക്കു​ന്ന കാ​യ​ത്തൊ​ണ്ടു​കൊ​ണ്ട്​ ഉ​ണ്ടാ​ക്കു​ന്ന ഉ​ല​ർ​ത്തും കൂ​ടാ​തെ, ഇ​റ​ച്ചി​വെ​ട്ടു​കാ​ര​ൻ മ​ജീ​ദി​ക്ക സൗ​ജ​ന്യ​മാ​യി ത​രു​ന്ന പ​ണ്ട​വും കു​ട​ലും​കൊ​ണ്ട്​ വെ​ക്കു​ന്ന ക​റി​യും ഒ​ക്കെ​യാ​ണ് അ​ന്ന​ത്തെ സ്പെ​ഷ​ൽ വി​ഭ​വ​ങ്ങ​ൾ. പ​ക്ഷേ അ​ന്ന​ത്തെ ആ ​ഭ​ക്ഷ​ണ​ത്തി​​െൻറ രു​ചി ഇ​ന്ന് ഒ​രു മ​ന്തി​ക്കും ബി​രി​യാ​ണി​ക്കും ഇ​ല്ലെ​ന്ന​തും വ​ലി​യൊ​രു സ​ത്യ​മാ​ണ്. വ​ല്യു​മ്മ (ഉ​പ്പ​യു​ടെ ഉ​മ്മ) യാ​യി​രു​ന്നു, ഉ​മ്മാ​ക്ക് സ​ഹാ​യി. കാ​ച്ചി​ലും ചേ​മ്പും ക​പ്പ​യു​മൊ​ക്കെ കൃ​ഷി ചെ​യ്യു​ന്ന​തും പ​റി​ച്ചെ​ടു​ത്ത് അ​രി​ഞ്ഞു കൊ​ടു​ക്കു​ന്ന​തും വ​ല്യു​മ്മ​യാ​ണ്.അ​ത്താ​ഴം ക​ഴി​ക്കാ​തെ, വി​ശ​പ്പും ദാ​ഹ​വും സ​ഹി​ക്കാ​ൻ ക​ഴി​യാ​തെ, തു​പ്പാ​നും മു​ഖം ക​ഴു​കാ​നു​മെ​ന്ന പേ​രി​ൽ (അ​ന്ന് മു​സ്​​ലിം കു​ട്ടി​ക​ൾ​ക്കു​ള്ള പ്ര​ത്യേ​ക ആ​നു​കൂ​ല്യ​മാ​ണ​ത്) ടീ​ച്ച​റോ​ട് ചോ​ദി​ച്ച് കു​മാ​ര വി​ലാ​സം സ്​​കൂ​ളി​ലെ കി​ണ​റ്റി​ൽ നി​ന്നും ആ​രും കാ​ണാ​തെ വെ​ള്ളം കോ​രി​ക്കു​ടി​ച്ച വ​റു​തി​യു​ടെ ആ ​ബാ​ല്യ​കാ​ല നോ​മ്പോ​ർ​മ​ക​ൾ മ​രി​ക്കു​ന്ന​തു വ​രെ മ​റ​ക്കാ​ൻ ക​ഴി​യി​ല്ല.
പ​ഴ​യ കാ​ല​ത്തെ ഇ​ല്ലാ​യ്​​മ​ക്ക​ഥ​ക​ൾ എ​ന്തി​നാ നാ​ട്ടു​കാ​രെ അ​റി​യി​ക്കു​ന്ന​തെ​ന്ന് പ​ല​രും ചി​ന്തി​ച്ചേ​ക്കാം. ആ ​നാ​ളു​ക​ളു​ടെ നി​റം മ​ങ്ങാ​ത്ത ഓ​ർ​മ​ക​ളാ​ണ് ഹൃ​ദ​യ​ത്തി​ൽ കാ​രു​ണ്യ​വും ദ​യ​യും നി​റ​ക്കു​ന്ന​തും അ​ഹ​ങ്കാ​ര​ത്തെ പ​ടി​ക്ക് പു​റ​ത്ത് നി​ർ​ത്താ​ൻ സ​ഹാ​യി​ക്കു​ന്ന​തും.

Loading...
COMMENTS