പിറ തെളിഞ്ഞു; രാജ്യം ചെറിയ പെരുന്നാൾ തിളക്കത്തിൽ
text_fields
മനാമ: വ്രത ശുദ്ധിയുടെ രാപ്പകലുകൾക്ക് വിരാമമിട്ട് വാനിൽ ശവ്വാൽ പിറ ദൃശ്യമായതോടെ ഇന്ന് ബഹ്റൈനിൽ ചെറിയ പെരുന്നാൾ ആഘോഷം നടക്കും. വിവിധ സ്ഥലങ്ങളിൽ രാവിലെ ഇൗദുഗാഹുകളും നമസ്കാരങ്ങളും നടക്കും. രാജ്യത്തിെൻറ വിവിധ ഭാഗങ്ങളില്‍ ഈദ് ഗാഹുകള്‍ സംഘടിപ്പിക്കുമെന്ന് സുന്നീ വഖഫ് ഡയറക്ടറേറ്റ് അറിയിച്ചിട്ടുണ്ട്. താഴെ ചേര്‍ത്ത സ്ഥലങ്ങളില്‍ സുന്നീ ഒൗഖാഫ് നേരിട്ട് ഈദ് ഗാഹുകള്‍ നടത്തുന്നുണ്ട്. മുഹറഖ് മഖ്ബറക്ക് സമീപമുള്ള ഗ്രൗണ്ട്. ഹമദ് ടൗണ്‍ സൂഖ് വാഖിഫിന് സമീപമുള്ള ഗ്രൗണ്ട്, ഹമദ് ടൗണ്‍ 17 ാം റൗണ്ട് എബൗട്ടിന് സമീപമുള്ള ഗ്രൗണ്ട്., എല്ലാ ജുമുഅത്ത് പള്ളികളിലും പെരുന്നാള്‍ നമസ്കാരം നടക്കും. കൂടാതെ ഒൗഖാഫിെൻറ അംഗീകാരത്തോടെ പ്രവാസി സമൂഹത്തിനും വിവിധയിടങ്ങളില്‍ ഈദ് ഗാഹുകള്‍ സംഘടിപ്പിക്കുന്നുണ്ട്.
ചെറിയപെരുന്നാൾ പ്രമാണിച്ച് പൊതുമേഖലയിൽ അഞ്ചുദിവസത്തെ അവധി പ്രഖ്യാപിച്ചിരുന്നു. ഇതുസംബന്ധിച്ച് പ്രധാനമന്ത്രി പ്രിൻസ് ഖലീഫ ബിൻ സൽമാൻ ആൽ ഖലീഫ ഉത്തരവ് കഴിഞ്ഞ ദിവസം പുറപ്പെടുവിച്ചു. ചെറിയ പെരുന്നാൾ പ്രമാണിച്ച് മൂന്ന് ദിവസം അവധിയും ഇതിൽ വെള്ളി, ശനി അവധിദിവസങ്ങൾ ഉൾപ്പെടുന്നതിനാൽ ഇതിന് പകരം എന്ന നിലയിലാണ് ആകെ അഞ്ചുദിവസമാണ് അവധി കണക്കാക്കിയിരിക്കുന്നത്. ഇന്നലെ സന്ധ്യയോടെ ചെറിയ പെരുന്നാൾ പ്രഖ്യാപനം രാത്രി ഉണ്ടായതോടെ തെരുവുകളും റോഡുകളും കൂടുതൽ തിരക്കുള്ളതായി. ഹൈപ്പർമാർക്കറ്റുകളിലും വ്യാപാര സ്ഥാപനങ്ങളിലും വൈകിയും തിരക്ക് അനുഭവെപ്പട്ടു. ആഘോഷത്തിെൻറ ഭാഗമായി മലയാളികൾ ഉൾപ്പെടെയുള്ളവർ സാമൂഹിക മാധ്യമങ്ങളിലൂടെ പരസ്പരം ചെറിയ പെരുന്നാൾ ആശംസകൾ നേർന്നു.