ആലിയിലെ സ്​നേഹം കൊണ്ട്​ പൊതിയുന്ന സഹോദരൻമാർ

ബഹ്​​ൈറനിൽ എത്തിയപ്പോൾ ആലിയെന്ന സ്​ഥലത്തായിരുന്നു ആദ്യം ജോലി ചെയ്​തത്​. എനിക്ക്​ അവിടെ കിട്ടിയത്​ സഹപ്രവർത്തകരായി വടക്കൻ കേരളത്തിലെ കുറെ മുസ്​ലീം സഹോദരൻമാരെയായിരുന്നു.  ഞാൻ ജനിച്ചുവളർന്ന ചെങ്ങന്നൂരിനടുത്ത്​ പിരളശ്ശേരി എന്ന ഗ്രാമത്തിൽ ഇസ്​ലാംമത വിശ്വാസികൾ തീരെ ഇല്ലായിരുന്നു. എന്നാൽ മുസ്​ലീം പള്ളിയും ബാങ്ക്​ വിളിയും ഏറെ പരിചിതവുമായിരുന്നു. നാല്​ കീലോമീറ്റർ അകലെ ഞാൻ പഠിച്ചിരുന്ന സ്​കൂളിനടുത്ത്​ ഒരു മസ്​ജിദും അവിടെനിന്ന്​ കേൾക്കുന്ന നിസ്​കാര ശബ്​ദങ്ങളും ഇപ്പോഴും മനസിൽ നിറഞ്ഞുനിൽക്കുന്നു. സ്​കൂളിൽ മുസ്​ലീങ്ങളായ കൂട്ടുകാരും ഉണ്ടായിരുന്നു.

അവർ റമദാൻ കാലത്ത്​ നോമ്പ്​ എടുക്കാറുള്ളതും ഒാർമയുണ്ട്​. എന്നിരുന്നാലും അവരുടെ പ്രാർഥനകളെ​യോ വിശ്വാസങ്ങളെ കുറിച്ചോ കൂടുതൽ അറിയില്ലായിരുന്നു. ബഹ്​റൈനിൽ ജോലിക്ക്​ വന്നപ്പോൾ കിട്ടിയ ആ സഹോദരൻമാരുടെ ഉൗഷ്​മളമായ സ്​നേഹം എനിക്ക്​ ലഭിച്ച വലിയൊരു അനുഭവമായിരുന്നു. സ്​നേഹംകൊണ്ട്​ പൊതിയുന്ന കൂട്ടുകാർ എന്നാണ്​ ഞാൻ അവരെ വി​േശഷിപ്പിക്കാൻ ആഗ്രഹിക്കുന്നത്​. ആ ദിവസങ്ങളിലാണ്​ ഇൗ പുണ്യമാസത്തി​​​െൻറ പ്രത്യേകതകളെപറ്റി കൂടുതലറിഞ്ഞത്​. റമദാൻ മാസത്തിൽ നോമ്പ്​തുറക്കാൻ ഇൗ മധ്യതിരുവിതാകൂറുകാരൻ നസ്രാണിയെയും അവർ സ്​നേഹത്തോടെ ഒപ്പം കൂട്ടി.

പ്രായത്തിൽ കുറഞ്ഞിരുന്നിട്ടും എന്നെ അവർ അച്ചായനെന്ന്​ വിളിക്കുകയും വടക്കൻ കേരളത്തി​​​െൻറ തനത്​ രുചികളിലൂടെ കൂട്ടിക്കൊണ്ടുപോവുകയും ചെയ്​തു. ശക്​തമായ ഉഷ്​ണകാലത്തും ദീർഘമായ മണിക്കൂറുകൾ ഭക്ഷണപാനീയങ്ങളുമില്ലാതെ നോമ്പ് ​നോൽക്കുന്നത്​ അത്​ഭുതമായി ​േതാന്നിയിട്ടുണ്ട്​. മനസും ശരീരവും ശുദ്ധീകരിക്കപ്പെടുന്ന പുണ്യദിനങ്ങളാണല്ലോ നോമ്പുകാലം.കുറച്ചുകാലത്തിന്​ ശേഷം ആലിയെന്ന സ്​ഥലത്തുനിന്ന്​ ജോലിയുടെ സൗകര്യാർഥം മാറിയെങ്കിലും അവിടെയുള്ള നോമ്പുതുറകളും സ്​നേഹബന്ധങ്ങളും മനസിൽ മായാതെനിൽക്കുന്നു. ഇഫ്​താർ സംഗമങ്ങളിലൂടെ റമദാ​​​െൻറ സൗന്ദര്യവും പ്രാധാന്യവും സ​ഹോദര്യവും ഒാരോ നോമ്പുകാലങ്ങളിലും പുതുക്കപ്പെട്ടുകൊണ്ടിരിക്കുന്നു. ഏവർക്കും സ്​നേഹംനിറഞ്ഞ റമദാൻ ആശംസകൾ നേരുന്നു.