രജനികാന്തിന്​ പിന്തുണയുമായി ബഹ്​റൈനിലെ ആരാധകർ 

മനാമ: തമിഴ്​ മന്നൻ രജനികാന്തി​​െൻറ രാഷ്​ട്രീയ പ്രവേശനത്തിൽ ആഹ്ലാദവും പിന്തുണയുമായി ബഹ്​റൈനിലെ പ്രവാസികളായ ആരാധകർ. ‘ഒാവർസീസ്​ രജനികാന്ത്​ രസികർ മൺറം ബഹ്​റൈൻ’ എന്ന പേരിൽ സംഘടന രൂപവത്​ക്കരിക്കാനുള്ള  നിയമപരമായ നടപടികൾ ആരംഭിച്ചതായി സംഘാടകർ വാർത്താസ​േമ്മളനത്തിൽ അറിയിച്ചു. രജനികാന്തി​​െൻറ ആരാധകർ പ്രധാനമായും തമിഴ്​നാട്ടിൽ നിന്നുമുള്ളവരാണങ്കിലും  ഇന്ത്യയിലെ മറ്റ്​ സംസ്ഥാനങ്ങളിലെ രജനി ആരാധകർക്കും പ്രവേശനം നൽകും. രജനികാന്തി​​െൻറ രാഷ്​ട്രീയ പ്രവേശത്തെ ഇന്ത്യയൊട്ടുക്കുള്ളവർ വളരെ താൽപ്പര്യത്തോടെയാണ്​ കാണുന്നതെന്നും അതി​​െൻറ തുടർചലനങ്ങൾ തമിഴ്​നാട്ടിലെ രാഷ്​ട്രീയ രംഗത്ത്​ ഉണ്ടാകുമെന്നും സംഘാടകർ ചൂണ്ടിക്കാട്ടി.  രജനികാന്തി​​െൻറ രാഷ്​ട്രീയ പ്രവേശത്തെ കുറിച്ചുള്ള ചിലരുടെ ആക്ഷേപങ്ങൾ അടിസ്ഥാന രഹിതമാണ്​. പ്രായക്കൂടുതലുണ്ടെന്നും മറ്റുമുള്ള ബാലിശമായ പരാതികളെ തള്ളിക്കളയുകയാണ്​ വേണ്ടത്​. പക്വതയും വിവേകവുമുള്ള ​േനതാവാണ്​ രജനി. അദ്ദേഹം ഇനി എന്ത്​ ചെയ്യും എന്നതി​​െൻറ അടിസ്ഥാനത്തിലാണ്​ വിലയിരുത്തലുകൾ വേണ്ടതെന്നും അദ്ദേഹത്തിൽ തമിഴ്​നാടി​​െൻറ ഭാവിമുഖ്യമന്ത്രിയെ ദർശിക്കാമെന്നും നേതാക്കൾ പറഞ്ഞു. ബഹ്​റൈനിലെ പ്രവാസികൾ സംഘടന ഉണ്ടാക്കുന്നതിന്​ അപേക്ഷ രജനികാന്ത്​ ഫാൻസ്​ അസോസിയേഷൻ പ്രസിഡൻറിന്​ അയച്ചുകൊടുത്തിട്ടുണ്ട്​. 

സന്നദ്ധ സംഘടന എന്ന നിലക്ക്​ പ്രവർത്തിക്കാനും തൊഴിലാളികൾ മുതൽ വ്യാപാരികൾ വരെയു​ള്ള പ്രവാസി സമൂഹത്തിന്​ സേവന പ്രവർത്തനങ്ങൾ ചെയ്യാനുളള തലം എന്ന നിലക്കായിരിക്കും ‘മൺറം’ മുന്നോട്ട്​ പോകുക. സാമൂഹിക സേവനമാണ്​ തങ്ങളുടെ മുഖ്യലക്ഷ്യം. വാർത്താസമ്മേളനത്തിൽ പ്രസിഡൻറ്​ കെ.സുരേഷ്​, വൈസ്​ പ്രസിഡൻറ്​ വിനോദ്​, ജനറൽ സെക്രട്ടറി രമേശ്​, അസി.ജനറൽ സെക്രട്ടറി കെ. സുധീർ, ട്രഷറർ രമേശ്​ മുത്താൻ, മെമ്പർഷിപ്പ്​ സെക്രട്ടറി പെബിൻ, മീഡിയ സെക്രട്ടറി പ്രഭു, പി.ആർ അപ്​സര കുമാർ, ഇൗവൻറ്​സ്​ സെക്രട്ടറി  ബ്ലെസം, വനിതാ വിഭാഗം പ്രതിനിധികൾ രതി, ഷീന എന്നിവർ വാർത്താസമ്മേളനത്തിൽ പ​െങ്കടുത്തു.