ആദ്യ ബഹ്​റൈൻ സന്ദർശനം വിജയകരമാക്കി രാഹുൽഗാന്​ധി മടങ്ങി

മനാമ: ആദ്യ ബഹ്​റൈൻ സന്ദർശനത്തിനെത്തിയ ഇന്ത്യൻ നാഷണൽ കോൺഗ്രസ്​ അധ്യക്ഷൻ രാഹുൽഗാന്​ധി ഇന്നലെ രാത്രി ദൽഹിയിലേക്ക്​ മടങ്ങി. സന്ദർശനത്തി​​​​െൻറ രണ്ടാം ദിവസം അദ്ദേഹം  ബഹ്​റൈൻ നാഷണൽ മ്യൂസിയം, അതിർത്തിയിലെ സൗദി പാലം, ഇന്ത്യൻ തൊഴിലാളികൾ താമസിക്കുന്ന സ്ഥലം എന്നിവിടങ്ങളിൽ സന്ദർശനം നടത്തി.  ​പ്രവാസി ഇന്ത്യ സംഘടനയായ ‘ഗോപിയോ’ യുടെ സമാപന ചടങ്ങിൽ പ​െങ്കട​ുക്കാൻ എത്തിയ അദ്ദേഹം ജി.സി.സി രാജ്യങ്ങളിലെ ഇന്ത്യൻ പ്രമുഖർക്കായി നടത്തിയ ബിസിനസ്​ മീറ്റ്​ ഏറെ ശ്രദ്ധേയമായിരുന്നു. 

കോൺഗ്രസ്​ പാർട്ടി വരുന്ന ആറ്​ മാസത്തിനുള്ളിൽ അടിമുടി മാറുമെന്നും പ്രവാസി ഇന്ത്യക്കാർക്കായി രാജ്യത്തി​​​​െൻറ വികസന യഞ്​ജത്തിൽ ഭാഗഭാക്കാകണമെന്നുമുള്ള പ്രഖ്യാപനങ്ങൾ ഇൗ യോഗത്തിലാണ്​ ഉണ്ടായത്​. പ്രവാസി ഇന്ത്യക്കാരുടെ വിയർപ്പി​​​​െൻറ ഫലം കൂടിയാണ്​ ഇന്ന്​ കാണുന്ന ഇന്ത്യയെന്നും മടങ്ങി വരുന്ന പ്രവാസികളുടെ പ്രശ്​നം പഠിക്കാനും പരിഹാര മാർഗങ്ങൾ തങ്ങളുടെ പ്രകടനപത്രികയിൽ ഉൾപ്പെടുത്താനും ഒരു കമ്മിറ്റിയെ ഉൾപ്പെടുത്തുമെന്നാണ്​ അദ്ദേഹം നൽകിയ സൂചന. ‘ഗോപ​ിയോ’ കൺവൻഷനിൽ പ്രഭാഷണത്തിന്​ പകരം ചോദ്യോത്തരങ്ങളിലൂടെയാണ്​ അദ്ദേഹം സദസിനെ കൈയ്യിലെടുത്തത്​. 

ഇന്ത്യൻ ഭരണകൂടത്തിനെതിരെ ശക്തമായ അഭിപ്രായ പ്രകടനം നടത്തിയും വരാൻ പോകുന്ന കാലത്ത്​ കോൺഗ്രസ്​ എങ്ങനെയായിരിക്കുമെന്ന സൂചന നൽകിയും അ​േദ്ദഹം ത​​​​െൻറ റോൾ മികവുറ്റതാക്കി. അതിനൊപ്പം സന്ദർശനത്തി​​​​െൻറ ഭാഗമായി ബഹ്​റൈൻ കിരീടാവകാശിയും ഒന്നാം ഉപപ്രധാനമന്ത്രിയുമായ പ്രിൻസ്​ സൽമാൻ ബിൻ ഹമദ്​ ആൽ ഖലീഫ, ഉപ പ്രധാനമന്ത്രി ശൈഖ്​ ഖാലിദ്​ ബിൻ അബ്​ദുല്ല ആൽ ഖലീഫ, വിദേശ കാര്യമന്ത്രി ശൈഖ്​ ഖാലിദ്​ ബിൻ അഹ്​മ്മദ്​ ബിൻ മുഹമ്മദ്​ ആൽ ഖലീഫ, കിരീടാവകാശിയുടെ റോയൽ കോർട്ട്​ മേധാവി ശൈഖ്​ ഖലീഫ ബിൻ ദു​െഎജ്​ ബിൻ ഖലീഫ ആൽ ഖലീഫ എന്നിവരെ  സന്ദശിച്ച്​ ഇന്ത്യാ-ബഹ്​റൈൻ ബന്​ധത്തി​​​​െൻറ ഉൗഷ്​മളത വർധിപ്പിക്കാനും രാഹുൽഗാന്​ധിക്കായി. 

ഗൾഫ്​ മേഖലയിൽ സന്ദർശനം തുടരുമെന്ന സൂചനയും അദ്ദേഹം നൽകിയിട്ടുണ്ട്​. അടുത്ത സന്ദർശനം ദുബായിലായിരിക്കുമെന്നും തുടർന്ന്​ സൗദിയും സന്ദർശിക്കുമെന്നും അദ്ദേഹത്തിനോട്​ അടുത്ത വൃത്തങ്ങൾ പറഞ്ഞു. രാഹുലി​​​​െൻറ ബഹ്​റൈൻ പ്രസംഗം കാലി​​​​​​​​ഫോർണിയ പ്രസംഗം പോലെ അന്താരാഷ്​ട്ര മാധ്യമങ്ങൾ ഏറ്റെടുത്തതും കോൺഗ്രസ്​ കേന്ദ്രങ്ങളെ സന്തോഷിപ്പിക്കുന്നുണ്ട്​.