Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightBahrainchevron_rightചോദ്യപേപ്പർ ചോർന്നു:...

ചോദ്യപേപ്പർ ചോർന്നു: പകരം പരീക്ഷകൾ ഫെബ്രുവരി 25ന്​ 

text_fields
bookmark_border
ചോദ്യപേപ്പർ ചോർന്നു: പകരം പരീക്ഷകൾ ഫെബ്രുവരി 25ന്​ 
cancel

മനാമ: ബഹ്​റൈനിലെ സി.ബി.എസ്​.ഇ സ്​കൂളുകളിലെ പ്ലസ്​വൺ ക്ലസ്​റ്റർ വാർഷിക പരീക്ഷയുടെ ചോദ്യ​േപപ്പറുകൾ ചോർന്നു. പരാതി ഉയർന്നതിനെ തുടർന്ന്​ ​പ്രസ്​തുത പരീക്ഷകൾ റദ്ദാക്കി. ഞായറാഴ്​ച്ച നടന്ന ബയോളജി, ബിസിനസ്​ സ്​റ്റഡി പരീക്ഷകളാണ്​ ചോദ്യപേപ്പർ ചോർച്ചയുടെ അടിസ്ഥാനത്തിൽ ഫെബ്രുവരി 25 ലേക്ക്​ മാറ്റിയത്​. 

ഇന്ത്യൻ സ്​കൂൾ,  ഇബനാൽ ഹൈതം, ന്യൂ മില്ലേനിയം, അൽ നൂർ സ്​കൂൾ എന്നീ സ്​കൂളുകളിലാണ്​ പകരം പരീക്ഷകൾ നടത്തുന്നത്​. ബഹ്​റൈനിലെ സി.ബി.എസ്​.ഇ സ്​കൂളുകൾ തമ്മിലുണ്ടാക്കിയ ധാരണ അനുസരിച്ച്​ പൊതുവായാണ്​ ചോദ്യ​േപപ്പറുകൾ തയ്യാറാക്കുന്നതും പരീക്ഷകൾ നടത്തുന്നതും. ഇത്​ അനുസരിച്ച്​ ഞായറാഴ്​ച്ചയായിരുന്നു ബയോളജി, ബിസിനസ്​ സ്​റ്റഡി പരീക്ഷകൾ നടക്കേണ്ടിയിരുന്നത്​. എന്നാൽ ഇതിന്​ വിപരീതമായി ന്യൂ ഇന്ത്യൻ സ്​കൂളിൽ ഒരു ദിവസം മു​െമ്പ ഇൗ രണ്ട്​ വിഷയങ്ങളി​ലും പരീക്ഷകൾ നടത്തി. 

എന്നാൽ മറ്റ്​ സ്​കൂളുകളിലാക​െട്ട ടൈംടേബിൾ പ്രകാരം ശനിയാഴ്​ച്ച പരീക്ഷയില്ലായിരുന്നു.  ഞായറാഴ്​ച്ച ഇൗ സ്​കൂളുകളിൽ ഇതേ പരീക്ഷകൾ നടന്നപ്പോഴാണ്​ തലേദിവസം  ന്യൂ ഇന്ത്യൻ സ്​കൂളിൽ നടന്ന പരീക്ഷകളിലെ ചോദ്യങ്ങളാണെന്ന സംശയം ചില വിദ്യാർഥികൾ ഉന്നയിച്ചത്​. പരീക്ഷ കഴിഞ്ഞ്​ ശേഷം നടത്തിയ അന്വേഷണത്തിൽ സംശയം സത്യമാണെന്ന്​ മനസിലായി. നിമിഷങ്ങൾക്കകം ചോദ്യപേപ്പർ ചോർച്ച സാമൂഹിക മാധ്യമങ്ങളിൽ പ്രചരിച്ചു. ഇതോടെ വിദ്യാർഥികളും അധ്യാപകരും രക്ഷകർത്താക്കളും ആശങ്കയിലാകുകയും ചെയ്​തു. 

ഇതിനുശേഷം ബന്​ധപ്പെട്ട സ്​കൂളുകളിലെ  പ്രിൻസിപ്പൽ കൗൺസിൽയോഗം അടിയന്തിരമായി വിളിച്ചുചേർത്തു  സംഭവത്തിൽ ന്യൂ ഇന്ത്യൻ സ്​കൂളി​​​െൻറ വിശദീകരണം ചോദിച്ചു. എന്നാൽ ആശയവിനിമയത്തിലുണ്ടായ പാളിച്ചയാണ്​ ഇത്തരമൊരു അബദ്ധമുണ്ടാകാൻ കാരണമെന്നായിരുന്നു പ്രിൻസിപ്പലി​​​െൻറ മറുപടി.  തുടർന്നാണ്​ പുതിയ പരീക്ഷകൾ ഫെബ്രുവരി 25 ലേക്ക്​ മാറ്റാൻ കൗൺസിൽ ​േയാഗം തീരുമാനിച്ചത്​. എല്ലാ സ്​കൂൾ പ്രിൻസിപ്പൽമാരും അക്കാദമിക്​ കാര്യങ്ങളിൽ സ്വീകരിക്കുന്ന പൊതുവായി നിലപാടുകളിൽ കൂടുതൽ ശ്രദ്ധപതിപ്പിക്കാനും മതിയായ ആശയവിനിമയം നടത്താനും തീരുമാനിച്ചിട്ടുണ്ട്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:gulf newsquestion papermalayalam news
News Summary - question paper-bahrain-gulf news
Next Story