50 ദിവസത്തിനുള്ളിൽ ‘മലയാളി സമൂഹ’ത്തിൽനിന്ന്​ ജീവനൊടുക്കിയത്​ ഏഴുപേർ

മനാമ: മലയാളി പ്രവാസി സമൂഹത്തിനുള്ളിൽ കഴിഞ്ഞ 50 ദിവസത്തിനുള്ളിൽ നടന്നത്​ ഏഴ്​​ ആത്​മഹത്യകൾ ഇന്ന​​െല വടകര സ്വദേശിയാണ്​ ആത്​മഹത്യ ചെയ്​തത്​. ഇതോടെ ആശങ്ക വർധിച്ചിരിക്കുകയാണ്​. ഇതിന്​ മുമ്പായി ഒടുവിലെ ആത്​മഹത്യ നടന്നത്​ സെപ്​തംബർ 11 നാണ്​. അന്ന്​ തൃശൂർ സ്വദേശിനിയാണ്​ തൂങ്ങിമരിച്ചത്​. 50 ദിവസത്തിനുള്ളിൽ ജീവനൊടുക്കിയവരിൽ മൂന്നുപേർ സ്​ത്രീകളാണ്​. ആത്​മഹത്യനിരക്ക്​ കൂടുന്നതിനെതിരെ സാമൂഹിക പ്രവർത്തകരും സന്നദ്ധപ്രവർത്തകരും അതീവ ജാഗ്രതയോടെ ബോധവത്​കരണ പ്രവർത്തനങ്ങൾ നടത്തുന്നതിനിടയിലാണ്​ ആത്​മഹത്യ വാർത്ത വീണ്ടും എത്തിയിരിക്കുന്നത്​. ഇൗ വർഷം തുടങ്ങിയശേഷം ഇതുവരെ 31 ഇന്ത്യൻ പ്രവാസികളാണ്​ ജീവനൊടുക്കിയത്​. ഇതിൽ 60 ശതമാനവും മലയാളികളാണ്​. ആഗസ്​റ്റ്​ ആറിന്​ കോഴിക്കോട്​ പയ്യോളി സ്വദേശിയായ 28 കാരനെ താമസസ്ഥലത്ത്​ തൂങ്ങിമരിച്ച നിലയിൽ കണ്ടിരുന്നു.

കൂട്ടുകച്ചവടത്തിന്​ പണം നൽകിയ ചില മലയാളികൾ പണം തിരികെ ചോദിച്ച്​ ഇൗ യുവാവിനെ നിരന്തരം ശല്ല്യം ചെയ്​തിരുന്നതാണ്​ മരണകാരണമെന്ന്​ ആക്ഷേപമുണ്ടായിരുന്നു. ഇൗ യുവാവി​​​െൻറ മരണം നടന്ന്​ ഒരാഴ്​ച കഴിയുന്നതിന്​ മുമ്പാണ്​ ആഗസ്​റ്റ്​ 12 ന്​ മലയാളികളുടെ ഇരട്ട ആത്​മഹത്യവാർത്ത പുറത്തുവന്നത്​. ബഹ്​റൈനിലെ പ്രമുഖ ആശ​ുപത്രിയിൽ ​ഡോക്​ടർമാരായ സ്​ത്രീയും പുരുഷനുമാണ്​ അമിതമായി മര​ുന്ന്​ കുത്തിവെച്ച്​ മരിച്ചത്​. ഇവർ ബന്​ധുക്കളുമായിരുന്നു. നാലാമത്തെ ആത്​മഹത്യ കോഴിക്കോട്​ വടകര തീക്കുനി സ്വദേശിയുടെതായിരുന്നു. പട്ടികയിലെ അഞ്ചാമത്തെ വ്യക്തി പത്തനംതിട്ട സ്വദേശിനിയാണ്​. സെപ്​തംബർ നാലിനാണ്​ തൂങ്ങിമരിച്ച നിലയിൽ അവിവാഹിതയായ അവരുടെ മൃതദേഹം ഹൂറയിൽ കണ്ടെത്തിയത്​. പട്ടികയിൽ ആറാമതായ തൃശൂർ സ്വദേശിനി​, ഭർത്താവ്​ ബന്​ധുവി​​​െൻറ വിവാഹത്തി​ൽ സംബന്​ധിക്കാൻ നാട്ടിൽപ്പോയ സമയത്താണ്​ ജീവനൊടുക്കിയത്​.

മലയാളി സമൂഹത്തി​​​െൻറ ആത്​മഹത്യ നിരക്ക്​ ഉയരുന്ന സാഹചര്യത്തിൽ സാമൂഹിക സംഘടനകള​ുമായി ചേർന്ന്​ ബോധവത്​കരണം നടത്താൻ തയ്യാറാണെന്ന്​ ബഹ്​റൈൻ ഹെൽത്ത്​ ആൻറ്​ സേഫ്​റ്റി സൊസൈറ്റി പ്രതിനിധി ഡോ.മഹ ഷഹാബ് അടുത്തിടെ പറഞ്ഞിരുന്നു. ബഹ്​റൈൻ ചേംബർ ഒാഫ്​ കൊമേഴ്​സ്​ ആൻറ്​ ഇൻഡസ്​ട്രി, ഇൻറർനാഷണൽ ലേബർ ഒാർഗനൈസേഷൻ സഹകരണത്തോടെ സംഘടിപ്പിച്ച തൊഴിലാളി സമ്മേളനത്തിൽ പ​െങ്കടുത്ത്​ സംസാരിക്കുകയായിരുന്നു ഡോ.മഹ. സമ്മേളനത്തിൽ ഒരു പ്രതിനിധി വിഷയം ഉന്നയിച്ചപ്പോഴാണ്​ ഡോ.മഹ നിലപാട്​ അറിയിച്ചത്​.
ഭൂരിപക്ഷം മലയാളികളും ബഹ്​റൈനിലെ തൊഴിൽ, വേതന അവസ്ഥകളിൽ സംതൃപ്​തിയോടെ ജീവിക്കു​േമ്പാഴും ചില മലയാളികൾ തങ്ങളുടെ ജീവിതത്തി​​​െൻറ താളപ്പിഴകൾ കാരണം നിരാശ ഭരിതമായ അവസ്ഥകളിലേക്ക്​ ചെന്നെത്തുന്നു എന്നാണ്​ ചൂണ്ടിക്കാട്ടപ്പെടുന്നത്​. വരുമാനത്തെക്കാൾ അധികമുള്ള ചിലവും പ്രവാസത്തി​​​െൻറ ലക്ഷ്യങ്ങൾ മറന്നുള്ള ജീവിതവും പലരുടെയും ജീവിതത്തിനെ തകർത്തെറിയുന്നു എന്നാണ്​ കണ്ടെത്തൽ.